夫婦情感 今日: 4 | 主題: 42445

積分: 1085

畀面勳章

1^#

發表於 17-6-6 04:42 |只看該作者 |倒序瀏覽 |打印

本帖最後由雅竹於 17-6-6 05:19 編輯

我同老公結婚7年，拍拖時覺得佢溫柔，好就得人，份人又無咩所謂。結左婚之後第二年我就開始發覺佢好大使，而且佢既無咩所謂原來係嚴重到「咩都唔理，同咩都唔知」。我同自己講，佢有對直昇機父母，造成佢咁唔係佢既錯，所以我一直好努力同佢分享生活所有細節既野，等佢知道發生咩事，有咩係要知道，要去處理。7年後既今天，佢知道，但唔做，因為佢一直同我講佢似佢亞媽咁無記性。所以，屋企大少事務都係我處理。真正既「做仔靠父母，婚後靠老婆」。
我地有個聯名戶口，本來應該每個月各自入指定金額做家庭開銷。結婚第一年開，到第二年年中戶口存到8千蚊，年尾時連唱利是錢都無，我問佢D錢去左邊，佢話用左黎買玩具。之後我發現，不管戶口有幾多錢，最後月底都歸零。甚至我要再入錢入戶口應付月底既自動轉帳。後來我都無錢再入戶口，因為我應付太多開支，自己已經零使用，有時仲要借埋亞媽家用黎應付自己頭家。其實都真係幾不孝，但有咩辦法？！

0 0 0

私人傳訊

積分: 1085

畀面勳章

2^#

發表於 17-6-6 05:19 |只看該作者

小朋友出世後，佢話會入多D錢入戶口，但佢既平時使費都會係個個戶口到攞，我無言。佢既使費係家庭開支？！
小朋友出左世後，所有小朋友既開支都係我比，工人人工，小朋友讀書，興趣班，工人開支，屋企保險，家居用品，家電，家俬，買送都係我負責。佢就供樓（係供佢同佢老豆層樓），屋企電費，水費，管理費，同佢自己層樓既差餉地租，同周未早餐，午餐出街食就佢比。我同佢講叫佢慳D錢，比D家用我，佢就黑面唔出聲。今年二月，我聲淚俱下同佢講我唔夠錢，要佢比返D家用，佢坦言每個月可以有三千蚊閒錢，最後話「我知我大使，我比三千你儲囉。」，但二月時佢話佢之前買左野要找卡數，所以無得比我，3月都係咁講，4月話佢使大左，每次都無左回事。到上個月，屋企冷氣要換，連機連搭棚工程要4萬，我問佢澳門戶口（因為佢同個仔有澳門藉，每年都有份收錢）有幾錢，可以攞黎換冷氣。佢話無，因為要交倉租（一年9千），我估刻無出聲，我怕我一出聲我就鬧死佢。澳門每年每人比9千，佢用左9千交倉租，咁另外個9千呢？我只計過去個五年，每年有萬八，比左三每倉租，咁淨低估幾萬蚊呢？！最後，冷氣要買貴既，因為可以月供，搭棚安裝工程兩萬五我要伙亞仔既教育基金攞。我老公出錢買左幾罐氣水比師傅飲。
前幾日，澳門又公佈派錢，我再問佢到底戶口有幾錢，佢話「我上次咪同你講左比左倉租囉」，我再同佢計一次，佢就話「我知我大使」就黑面。我老公覺得佢有左小朋友後買少左玩具就好大付出。
一個女人，結左婚後死慳死抵比家庭開支，一個月扣埋車費得300蚊使，如果中午無帶飯，我中午食飯都只係敢食杯麵。個個月如果小朋友病，工人病，或我病，個個月就一定超支。死捱厚臉皮做埋sales 個份賺獎金比個仔做教育費，怕自己比人炒左個仔無書讀。我一個人養起個家，處理屋企大小事務，小朋友讀書教育，搵學校，興趣班都係我管。我出差超過三日我就一定收到學校電話話欠功課，或欠通告。

私人傳訊

積分: 1085

畀面勳章

3^#

發表於 17-6-6 05:20 |只看該作者

真心覺得，我同單親媽媽有咩分別？我仲要應酬埋佢D屋企人，咁不如離婚還大家自由？

多謝大家比我係到講下，失眠左好多日。好想搵個地方抖下氣......

私人傳訊

cheny

積分: 1635

4^#

發表於 17-6-6 05:56 |只看該作者

鄧你辛苦。你老公的理財能力好有問題，就算你攤開晒條數計俾佢睇，佢應該都只係會黑面，唔識/唔會點解決。

但係如果分居，你一個人負擔得起兩母子的生活嗎？

私人傳訊

o_____o

侯爵府

積分: 22211

畀面勳章

5^#

發表於 17-6-6 07:15 |只看該作者

好現實問題，如果分居你自己有冇地方住？因為住屋先係大數，現在樓係佢同佢爸爸係佢供佢負責雜費。如果你同小朋友同工人有地方可以落腳，就慢慢諗下分開是不是對大家最好。

私人傳訊

mini1204

翡翠宮

積分: 79224

6^#

發表於 17-6-6 07:38 |只看該作者

回覆樓主:

分

私人傳訊

babyhoi

珍珠宮

積分: 32631

大廚勳章陪月勳章

7^#

發表於 17-6-6 08:08 |只看該作者

佢搵幾錢？啲錢去哂邊？
叫佢攤出黎計比你睇，
一齊諗下節流既辦法，
唔係就咁由得佢話「洗多左」、「冇」就算

私人傳訊

irisleung888

別墅

積分: 838

8^#

發表於 17-6-6 09:05 |只看該作者

雅竹發表於 17-6-6 05:19
小朋友出世後，佢話會入多D錢入戶口，但佢既平時使費都會係個個戶口到攞，我無言。佢既使費係家庭開支？！
...

本帖最後由 irisleung888 於 17-6-6 09:06 編輯

其實你老公都有負責左屋企最大的開支，供樓，水，電，管理費和差嚮，而且仲要供埋佢同62層樓……普通一個人一個月剩系供兩層樓，負擔和壓力都唔少。

到睇返你負責的日常開支，工人的人工和買送錢條數系大d，其他都系細數……同埋其實你負責的開支中，有好多地方都可以省錢，例如: 可以的話，炒左個工人(而家你變相一個人養四人：你自己，老公，仔&工人，梗系辛苦啦)，炒左工人，慳返的錢可以解決你而家的經濟問題。小朋友而家幾大?四大長老可唔可以幫手湊?

小朋友讀書政府免學費，都系一年先交兩次書簿費(除非系讀國際學校同私立)。至於興趣班，無錢就唔好上囉，唔上的話，個個月可以慳返幾百蚊至一千。教育基金等有閒錢先存啦，而家你連吃飯都成問題，仲理乜嘢基金啊！

私人傳訊

dativebond

積分: 4224

9^#

發表於 17-6-6 09:44 |只看該作者

雅竹發表於 17-6-6 05:20
真心覺得，我同單親媽媽有咩分別？我仲要應酬埋佢D屋企人，咁不如離婚還大家自由？

多謝大家比我係到講下 ...

本帖最後由 dativebond 於 17-6-6 10:03 編輯

我明白你好慘，個老公仲係未大透，不過其實佢都唔係完全無付出，佢出既都係大數，你站係佢角度，又可能理解多少少，個個月起碼出兩三萬落兩層樓度，買少少玩具氹自己都唔得？你唔係禁佢買玩具，反而要教佢理財，每月只可用一定金額買玩具，例如兩千，唔夠就儲幾個月，唔可能無限制，我覺得每月兩千唔過份。

同埋，你分左居夠唔夠錢？最大數係住喎，仲要無得慳，你諗掂條數先再諗分居啦。

同埋聯名既錢唔係男人郁架，果D錢應該用黎出定期開銷，例如供樓、水、電、煤、子女學費開支、姐姐人工、買餸錢、月供股票。。。等等，我同老婆由拍拖開到而家十幾年，我一蚊都唔敢郁，成本薄和密碼我唔知。如果男女都可隨便郁個戶口，邊儲到錢？

私人傳訊

積分: 1085

畀面勳章

10^#

發表於 17-6-6 09:45 |只看該作者

我老公只係供我地而家住緊個到，每月供4千蚊。但層樓係佢同佢老豆名既。我老公有幾分保險，全部受益人係佢亞媽。所以衰D講句，我老公有咩冬瓜豆腐，我唔使供樓，但都無任何保障。

如果分居我可以返去亞媽到住，只係覺得好似對唔住個小朋友。但去亞媽到住，我可以慳返個工人。

唔係唔想小朋友讀政府學校，事實上佢之前都係讀政府學校，但讀到睇兒科心理醫生，後黎發現佢係資優，係政府學校到讀會有心理壓力。死死地氣同佢轉私校。佢要考小一學校，所以比佢讀兩個興趣班，望佢考到屋企附近個間，慳D車費又佢做唔係唔好貴。怕大抽獎會抽到無雷公咁遠。

私人傳訊

wing1388

珍珠宮

積分: 46960

開心吸收勳章

11^#

發表於 17-6-6 09:48 |只看該作者

雅竹發表於 17-6-6 05:20
真心覺得，我同單親媽媽有咩分別？我仲要應酬埋佢D屋企人，咁不如離婚還大家自由？

多謝大家比我係到講下 ...

睇完樓主妳嘅遭遇，真係深表同情，妳嫁咗一個完全冇理財觀念嘅老公，或者佢真係靠父蔭長大，自小衣來張手飯來張口，完全不知責任感為何物，呢啲已經深深咁種咗係佢嘅朋子裡。

我唔知妳同老公一個月搵幾多錢？但依妳所講嘅日常開支，真係足襟見肘，如果要解決暫時性嘅困難，可能削減一啲生活上嘅開支嗎？如果佢連幾千蚊都攞唔出，咁仲可以請工人的話，真係奢侈咗啲，不過可能妳同老公都要返工，要工人湊小朋友吧！但係如果照妳所講，未生小朋友之前佢已經係咁樣，咁點解仲要生小朋友呢？

如今妳要先清楚佢有冇欠債，如卡數之類？如果有不妨先同佢債務重組，再同佢傾以後錢銀如何處理吧，否則只會LOOP死，最後都係為錢而嘈，離婚收場！

百花叢裡過，片葉不沾身。

私人傳訊

JessicaElla

積分: 5651

12^#

發表於 17-6-6 09:54 |只看該作者

樓主, 你好利害, 簡直撐起整片天.

如果覺得他不會改善, 兩人之間沒有轉彎餘地, 那分開可能是唯一的出路.

私人傳訊

Nancy20090615

瑪瑙宮

積分: 128543

13^#

發表於 17-6-6 10:09 |只看該作者

雅竹發表於 17-6-6 05:19
我一個人養起個家，處理屋企大小事務，小朋友讀書教育，搵學校，興趣班都係我管。我出差超過三日我就一定收到學校電話話欠功課，或欠通告。
...

你唔算一個人養起個家，因為屋方面的支出係佢比的. 不過, 佢咁理財, 令你冇晒安全感.

但如果分, 你媽幫你湊, 你都要比呀媽, 減去个工人支出, 係同你而家的負担一樣. 唯一係希望小學可以讀番官校, 興趣班睇情況.

私人傳訊

dativebond

積分: 4224

14^#

發表於 17-6-6 10:14 |只看該作者

雅竹發表於 17-6-6 09:45
我老公只係供我地而家住緊個到，每月供4千蚊。但層樓係佢同佢老豆名既。我老公有幾分保險，全部受益人係佢 ...

本帖最後由 dativebond 於 17-6-6 10:47 編輯

同老公傾下開支點搞啦，一係佢所有錢(扣除日常使費和買玩具錢，約一萬幾千後)入晒落聯名，你又擺幾千至一萬落聯名，所有開支(包括供樓、工人、子女、食飯。。。等等)由聯名出，但佢唔郁得聯名錢，佢一郁聯名錢就小佢。總之佢比夠聯名，搞得掂生活基本開支，佢額外既零用錢預鬆少少比佢，唔好太呵刻，佢點用你唔好理。

其實我都唔明點解佢可以郁聯名錢，聯名錢係出必要開支，必要開支由你去交或自動轉賬，佢一郁個戶口會有記錄，佢點敢郁？你地當初建立聯名時無講明架？如果乜都可以聯名出，多多錢都唔夠。同埋，聯名錢最好都預鬆少少，每月有幾千淨，一年儲幾萬，換電器唔駛再夾錢，有多可以去旅行。

我係男人都覺得呢個方法好，總之我每個月擺兩三萬係聯名(跟手我得番一萬幾千自己洗)，我老婆又擺一萬幾千落聯名，跟住屋企乜都果度出，連儲錢和月供股票都做埋。我唔駛煩，大家又無野拗，淨番既零用錢我老婆又唔會管我，每年有錢淨，旅行都聯名出，好爽！最緊要慣左就得。

咁做既好處係每月固定開支一目了然，大家唔駛估估下，每月如果唔夠洗，就再各自係自己零用錢抽番出黎入聯名，唔使拗，亦唔係老婆管你，叫佢自己睇聯名出入數，唔夠就係唔夠，你點搵多少少入落聯名我唔理，佢一係搵下外快，一係買少D玩具，你唔會理，總之你要見到聯名最起碼要收支平衡，咁你管少好多野，同埋夠晒客觀，唔駛嘈。

你變成家庭理財既獨裁者，但記得做個仁慈既獨裁者。佢唔識管錢就你管，但唔好太呵刻。

兩公婆為錢嘈無謂，諗方法拆掂佢。

私人傳訊

felica218

積分: 5068

15^#

發表於 17-6-6 10:28 |只看該作者

回覆樓主:

以下係我個人意見，講得唔好聽唔好介意

我覺得你老公太依靠你了，屋企唔掂就有你出手幫補，佢完全無壓力所以唔識慳

私人傳訊

mini1204

翡翠宮

積分: 79224

16^#

發表於 17-6-6 10:31 |只看該作者

呢個人完全唔可以用聯名戶口呢個方法
佢日常生活所有野都係聯名
咁搞即係自己玩自己

如果仲要一齊, 咁佢出既糧比哂你, 取消聯名戶口, 咭都要cut埋, 由你比固定金額佢.

你要同佢一齊, 就要當多個仔去照顧, 咩都要限死佢. 你OK咁既模式就可以繼續.

呢D情形, 分開唔係因為佢無錢/你要比埋佢O個份; 係因為厭倦呢D永無盡頭既生活....諗下都驚.

私人傳訊

hunterml

積分: 6787

開心吸收勳章

17^#

發表於 17-6-6 10:43 |只看該作者

你老公比我老婆更無理財觀念. 我怕樓主分居, 樓主老公會攪唔掂.

私人傳訊

72leelily

珍珠宮

積分: 31095

18^#

發表於 17-6-6 10:57 |只看該作者

回覆樓主:

生仔前已要撥亂反正
對住理財不善+天真的男人好攰
自己搞得掂頭家就分開

私人傳訊

tammy2008

水晶宮

積分: 50566

19^#

發表於 17-6-6 10:59 |只看該作者

你老公似係娶隻牛番來幫手耕田咋喎....

錢銀唔講的話, 你仲愛佢, 仲想同佢一齊生活嗎 ?

佢既錢無可能會俾你攪, 要俾一早俾咗啦, 唯一方法係做FTM大家攬住一齊 C , 你睇吓到時佢點挑...層樓你無分供, 就算離婚層樓你一毫子都分唔到 ( 之前有會員講過 )

所以你今時今日對佢既付出可以話係零回報, 到最後又係回歸到基本問題: 還愛嗎 ? 愛就繼續一齊, 不愛就要事事重頭計算過...

私人傳訊

subb