我想享度分享我的故事比大家。希望如果有媽媽同我情況一樣都可以正面面對。
我剛結婚就bingo,真係意想不到咁開心, 可惜開心不到3個月。由bingo到10周都好順利, 係作嘔作悶, 但冇嘔過。
到10周時去私家做產檢, 醫生已經話bb頸皮好似有D厚, 叫我到11周返去做T21, 到左11周諗住做T21, 醫生照超聲波就話bb頸皮厚over 5mm,真係幾厚, 又好似有層膜包住咁, 成個胎同正常胎比係唔同,醫生就叫我不如唔做T21直接抽絨毛膜驗,因為更家準, 同唔洗比完T21錢又要比錢再做抽絨毛膜。個時一出醫生房就喊左, 不過c6安慰我要向好個方面諗。我同醫生講我有登記政府醫院檢查,佢就寫左封信比我比政府醫生,我即日fax左封信過去,好快就約我十日內去見醫生。期間我上網search左好多關於頸皮厚case,厚過5mm真係唔多,仲多數係有事, 於是我同c6都有最壞打算ga la。
見醫生個日,醫生照超聲波照得好詳細同照左好耐,抽埋絨毛膜。醫生個時話初步認為個b係有問題,佢話心臟有問題,應該同染色體有問題有關, 佢話等有報告再詳細講, 醫生就約我3星期後覆診。我見醫生個日係星期五,快速測試星期一就有結果la,不過只係驗倒最常有問題的13, 18同21染色體,呢3對都冇事,打黎係姑娘, 姑娘又講唔倒bb有幾嚴重問題, 要知其他染色體有冇問題要3個星期先有結果,雖然我有最壞打算, 但都係想有奇蹟出現ga ma。
因為政府醫生又未講得好清楚bb心臟係咩問題, 於是我去搵左劉子建醫生再check, baby kingdom好多jm都推介佢, 如網上資料所講, 我朝早11點打去, 姑娘好醒目咁問我有冇特殊情況, 我講完, 佢就比個即日lunch time期我, 我同c6夾倒時間就即日去見劉醫生。劉醫生都係照左好耐好詳細,連埋consulting應該見左佢乘個鐘有多。佢都話問題嚴重,心室唔健全,通去心室條血管得一條,又話個心臟生到偏埋一邊, 有機會係其他器官都生長得唔好,佢都認為終止懷孕係合適。就係咁我同c6就決定送走bb la,不過都想知究竟係咩染色體有問題, 所以決定等埋詳細報告先入院, 劉醫生建議我地做埋晶片檢驗, 於是我地有去政府醫加錢做埋。
到左30號政府醫院覆診期, 絨毛膜同晶片驗染色體報告都有, 結果係第15對染色體其中一小折小左,所以個b會心臟發育異常。醫生話第15對染色體有問題都算罕見, 叫我同c6抽埋血驗睇下關唔關我地基因事。
覆診係星期五, 我星期一就入院送走bb。我唔知足月生bb出黎有幾痛, 但我由開始食藥到bb出黎, 乘個過程係14個鐘, 我真係覺得好痛, 食止痛藥都止唔住, 痛到標冷寒同喊, 咁大個女都未試過咁痛, 做媽媽呢條路真係唔易行。我係住QE ga, 頭尾住左3日, bb同胎盤出左黎之後, 即晚有醫生檢查, 第二朝再有醫生檢查, 話入面D組織未清, 即日安排埋刮宮手術。好多人話享政府醫院有唔好待遇, 我覺得我待遇算係咁, 雖然我都見倒好多實習同後生醫生都有少少擔心, 但係病房D姑娘都係經驗型, 手術完左, 我已經冇乜血流亦都唔痛la, 而家已經返左屋企休息。
另帶一提, 住院其間見倒好多唔同婦科病人,同我情況一樣都有,大家真係要定其檢查,越早發現有問題, 越易解決, 我見好多人都要切子宮, 有個得21歲ja。
呢件事真係令心情起伏好大, 原本好開心, 唔夠3個月就變成傷心, 最後要接受同平伏, 個肚由冇野變有野, 又由有野變冇野, 而家會好好休息, 調理好身體, 仍接下一個健康bb。