99成日小小事就罵(渴果種罵,我聽過佢點罵,好似癲左甘)我個仔,又叫我個仔拎隻手出黎俾佢打,我個仔又真係俾隻手佢打,
細細力既,但我真係好唔鍾意~我睇CAM見到,工人(二五仔,哈哈)都有話我知~
我覺得就算打都係父母打,99可以打番自己仔女,我無意見
同埋我打會打鍋金既,唔係小小事就打下手仔,有意義咩!?
早兩日我個仔扔壞左一個房鍾,係99房扔壞,我估計99掛住玩電話,我個仔又唔生性,平時都有教佢唔好扔野,
但佢一時時記得(小朋友剛2歲)
99又想打我個仔隻手,甘岩C6係度見到,99無打到,只係口講話打
同C6呻過,C6唔想同99嘈(我明既,之前已經因好多小事嘈過,依家我同99相敬如賓(同住,但一日講唔到10句野),我好滿足架喇~)
叫我忍下,過多1個半月小朋友都番全日N,會減少見面架喇~
我地都過多3年左右就搬~我同C6反應過接受唔到99小小事就罵同打小朋友,小朋友可以慢慢教,我覺得小朋友
只係得兩歲,好多事都仲係學習緊(唔同我地生活左3X年同6X年)
我比較擔心係小朋友經常俾人打罵,心理發展會唔好,我C6話唔會~雖然同住,但99同我個仔玩大概一星期兩日左右~
99成日煮既野都唔新鮮,可能放左兩星期既肉同菜都話拎去煲湯,99自己飲我無意見,
一般黎講我唔會俾我個仔飲,仔既飲食我分開買,姐姐分開煮俾小朋友,
99早幾日話煲左湯,叫我俾小朋友飲,我問佢咩湯同有無落鹽,佢話無落鹽,跟住話湯料有蘋果,意米,蘿蔔
就甘聽都無咩問題,我話都飲得(雖然我唔想俾小朋友飲,因為佢0的蘋果唔知放左幾耐先拎黎煲,但老人家一番心意,唔想拒絕)
但後尾佢話有落瑤柱,我話瑤柱太鹹,唔想俾小朋友飲住~
但後後尾,我發現99係問我之前已經俾左小朋友飲~係湯呢件事上,我唔係好嬲,只係覺得攪笑,你都俾左佢飲,做咩仲要問我呢!?
對99甘有戒心,係因為仲有好多小事我接受唔到,有機會先再呻下~