想生BB 今日: 2 | 主題: 109077

積分: 181

1^#

發表於 17-12-22 11:39 |只看該作者 |倒序瀏覽 |打印

半年前12w小產。。當時非常傷心，之後看中醫調養了半年，加上努力做運動，令心情已平復好多，就算再同朋友講返件事我都唔會再喊，我以為我的心情已經冇事，但其實原來唔係，今日收到老公的細佬whatsapp group 的相，係BB APP的截圖，張相係指佢地的BB仲有一個月就出世，呢個app係我陀B時成日用嘅，一見到張我即刻崩潰狂喊。。。點解佢地可以咁幸運？點解我的BB就冇左？點解我小產左的時候佢老婆就有左？我真係好唔開心。。。今晚做冬返99家又要見到佢腹大便便的老婆。。我的心情真係好差，好唔想見到佢，但又要扮冇嘢

0 0 0

私人傳訊

Ccart

積分: 127

2^#

發表於 17-12-22 12:11 |只看該作者

我明白。。。我剛剛第二次小產了。自己娘家阿嫂+老公家弟婦都係同期懷孕，前路茫茫，2邊都唔想返，所有人都唔想見。

私人傳訊

Cts99

積分: 4108

3^#

發表於 17-12-22 12:53 |只看該作者

回覆樓主

好明白。我之前8w幾小產，本來12月中我都夠3個月。我都以為自己已經平復左，但當12月中係fb見到有3個朋友都宣布夠3個月，我都忍唔住係街係車喊左出黎，好傷心。
明明自己無做壞事，但偏偏只發生係我身上
無經歷過真係唔會明白可以咁痛心。
我暫時都未敢見大肚既朋友，我怕又觸動情緒
但要同自己講喊完後要努力振作，小天使1定會返黎！大家加油！

私人傳訊

Manbe02

積分: 475

4^#

發表於 17-12-22 13:07 |只看該作者

回覆樓主

好明白、但其他人係唔明白個種傷痛、
我又係第二次小產啦、我一直都無做過壞事、
都唔明白點解要係我身上發生、
我都覺得好傷心欲絕、
依家我都唔想見人同返屋企、
只好祈求寶寶再回來我身邊。大家一起加油啦！

私人傳訊

桃多多

積分: 3376

5^#

發表於 17-12-22 13:28 |只看該作者

我都試過小x過，明白你心情。
試試做多點善事，助養小孩，幫助到其他人時候感覺就會開心。
之前有段日子我好唔開心，成日諗自己無做壞事，但點解會咁，但可能係自己做得唔夠多好事，之後同我c6 一齊助養左個小朋友，可能上天知道後，佢送返份禮物俾我，好快我就bingo 返。
有機會你都試下

私人傳訊

積分: 181

6^#

發表於 17-12-22 13:28 |只看該作者

Manbe02 發表於 17-12-22 13:07
好明白、但其他人係唔明白個種傷痛、
我又係第二次小產啦、我一直都無做過壞事、
都唔明白點解要係我身上發 ...

呢種心情真係要同路人先明白。。偏偏自己老公唔明白，淨係識叫我唔好亂諗嘢，冷靜啲。。件事唔係發生喺佢身上佢當然可以冷靜！唉。。。。。好係好在而家有呢個平台，大家可以唔開心一齊講，因為有啲嘢就算同朋友同屋企人講都冇用，因為佢哋冇經歷過係唔會明。

私人傳訊

積分: 181

7^#

發表於 17-12-22 13:31 |只看該作者

Ccart 發表於 17-12-22 12:11
我明白。。。我剛剛第二次小產了。自己娘家阿嫂+老公家弟婦都係同期懷孕，前路茫茫，2邊都唔想返，所有人都 ...

呢個時候更加須要俾自己時間獨處下。。。俾著係我都唔想返去啦！見到人地有左，但又要扮冇事嗰下先辛苦。。。

私人傳訊

積分: 181

8^#

發表於 17-12-22 13:32 |只看該作者

桃多多發表於 17-12-22 13:28
我都試過小x過，明白你心情。
試試做多點善事，助養小孩，幫助到其他人時候感覺就會開心。
之前有段日子我 ...

你助養小朋友好好呀。。支持你(emoji)(emoji)(emoji)(emoji)呢件係善事黎！

私人傳訊

方張師奶

積分: 1454

9^#

發表於 17-12-22 17:11 |只看該作者

回覆樓主

我都好明白你感受，我都以為自己可以放底，但原來唔可以，之前我同同事同時間有左，上星期佢已經生左喇，而我仍然未有，其他人不停恭喜果位同事，我都好恭喜佢，但內心自己好痛，唔係葡萄人地，而係自己仲未得，亦會提醒左自己如果小天使無走，佢都出左世喇。

私人傳訊

purplerain0348

男爵府

積分: 9888

想生BB熱投

10^#

發表於 17-12-22 17:32 |只看該作者

回覆樓主:

同路人都係感同身受!其實你老公可能只係唔知點安慰你!
我自己一開始都好唔開心，但俾自己大喊完一場開始平復心情，但當我朋友係我面前不斷講佢個女點點點，我又忍唔住喊咗! 睇電視時講親子主題，當有一個媽媽對個仔講“仔，你係媽咪身上的一塊肉”我即時眼淚流咗出黎，我自己心入面唸，我bb都係我身上嘅一塊肉，失去佢真係好心痛! 呢段期間又係有朋友生咗，又有一個就快生，有時都會埋怨點解只有我咁唔好彩，但依家漸漸覺得再唸都改變唔到事實，只要將佢放係心中，掛住佢嘅時候就唸下，無必要忍住! 而且我依家已經係成日見到人地bb都唔會再突然大哭，我相信我嘅小天使好快會再返黎我身邊! 加油，一齊努力!

私人傳訊

kinki2130

積分: 1572

11^#

發表於 17-12-22 18:50 |只看該作者

daisy222 發表於 17-12-22 11:39
半年前12w小產。。當時非常傷心，之後看中醫調養了半年，加上努力做運動，令心情已平復好多，就算再同朋友 ...

我係過來人，明白你的心情。我都以為自己放低左，就算而家我已懷孕33周，我有時都諗起之前冇左嘅bb而喊...
加油，養好身體，bb一定會返黎！

私人傳訊

karytse90121

積分: 2280

12^#

發表於 17-12-22 21:44 |只看該作者

ME TOO :(
呢幾日我都係諗緊同一樣野..
甚至好怕下一次懷孕..

但我老公佢狂叫我唔準諗點解人地有, 自己無..
佢話下次一定會成功.. 仲會加把勁

慢慢,
我都諗.. 或者今次既離開,係代表下一次回來:)

私人傳訊

kelly2487

別墅

積分: 644

13^#

發表於 17-12-23 02:29 |只看該作者

回覆樓主

同路人。。。
1年半時間，已小x2次。身邊好多人有左既有左，生左既連第二胎生埋，自己咩都無，仲要FB每日比bb相洗版，有左既朋友就成日share近況，心情真係低落到一個點。。。
同老公講，只會話平常心，唔好諗太多。舊肉係自己身體內無左，佢根本唔會明白。連喊都要躲埋，怕佢又話我。
因為咁，我有埋抑鬱症，要食葯控制。3個月前先開始停葯，想靠自己，希望下年再努力。。。但陰影真係好大。。。唔知自己捱唔捱得過。。。

各位同路人，加油！

私人傳訊

yanyanyan910

積分: 2881

14^#

發表於 17-12-26 02:04 |只看該作者

kelly2487 發表於 17-12-23 02:29
同路人。。。
1年半時間，已小x2次。身邊好多人有左既有左，生左既連第二胎生埋，自己咩都無，仲要FB每日比 ...

同路人..same feeling,唉

私人傳訊

siumuelmuel