Hello pochaccoboy, 2歳小朋友忍耐力有限,未識得用說話講出自己需要,當表達唔到/ 遇到唔如意嘅事會用發脾氣/喊和大叫,會經常講”我會”或 ”我要/我唔要”,唔容易順從/配合,去吸引大人嘅注意,依D都係一種叛逆情緒,即係常常聽到”trouble2,係成長嘅必經階段。媽媽多留意弟弟嘅需要,多D同佢傾計、唱歌、講故事增加佢嘅說話能力,協助佢用簡單言語表達自己嘅需要/情緒。小朋友係遊戲中學習係最好架,例如係屋企同佢一齊玩角色扮演/交換身份遊戲,練習到溝通技巧,亦可以增加彼此了解架。
唔駛客氣 細佬仲細未識得體會別人感受、控制衝動、預見後果、社交的能力,如果見過別人”咬人” “打人”,佢會認為依D動作可以做的,係特定情況下,為左引起注意/釋放情緒,也會相同方式表達,如果佢打/咬哥哥,媽媽可以嘗試用收起玩具/唔去公園/唔去遊樂場玩作為處罰,同細佬用簡單直接語言溝通,哥哥亦需要時間去學習對細佬忍讓和理解,耐心聆聽哥哥和細佬想法,小朋友都鐘意被人讚同和認同,當哥哥細佬做得好/有進步時,多D講讚賞說話去加強佢地自信,媽媽鼓勵和愛係小朋友進步最大動力。加油!
pochaccoboy 發表於 18-4-9 23:02
本帖最後由 pochaccoboy 於 18-4-9 23:06 編輯
本帖最後由 pochaccoboy 於 18-4-9 23:04 編輯
媽媽既要返工又要照顧2個年幼小朋友,的確唔容易,菲姐姐回到香港可以分擔媽媽照顧工作呀
哥哥和細佬仲好細,內心會十分敏感害怕被忽略,渴望得到媽媽更多的愛和關心,加上對媽媽嘅依戀/依賴,會鍾意媽媽擁抱/身體接觸,從而得到安全感,有時會出現爭寵表現,都代表佢地好鐘意您呀! 小朋友精力充沛,如果有每日落街做運動/跑跳,晚上自然會易D入睡,媽媽可以考慮同哥哥、細佬協調一拖二係出街時安排,去附近10分鐘開始,輪流做決定去邊度/玩什麼,如果2個都表現合作,就可以慢慢增加出街時間,考慮安排一星期中3日同哥哥、3日同細佬瞓,可以減少佢地因為憤怒、恐懼、不安等發展成為嫉妒嘅情緒,只要佢地明白媽媽嘅愛會平均分配,自然會容易D相處。支持您呀
要小朋友服從大人指示,最重要有良好親子關係做基礎 同意媽媽採用正面管教方式教導小朋友,即係用有建設性,唔傷害小朋友自尊心嘅方法去幫助佢地建立良好嘅行為,用鼓勵、讚賞引導佢地學習到咩野係可以/唔可以做,菲姐姐嘅文化同我地唔同,佢嘅管教方式同媽媽有分別都好自然,所以哥哥會鐘意黐住媽媽。試下由媽媽同哥哥商量訂立基本規則,每日時間表,加強訓練哥哥自理能力,可以減少佢同菲姐姐角力機會。媽媽欣賞和讚賞係小朋友進步動力,媽媽試下用貼紙表作為激勵,根據小朋友的程度,訂定一個清楚、明確、可達到目標,用貼紙表作為激勵,例如:在40分內完成午/晚飯,自己收玩具等。媽媽加油