我又唔覺得你個老細特別衰，有D更衰你未見過啫。
我以前有個老細，佢可以成日搵你，見唔到你喺位就周圍問人，咁行開行埋收信去廁所都要啩，佢個秘書只要老細喺公司果日就唔會出去食飯，連買飯都唔敢，只要老細打電話搵佢唔到就嘈，但個秘書係好好人，好識做，而且人緣好，老細要靠佢，後來佢提早退休，老細千挑萬選至搵到個代替嘅。
你老細其實冇講錯，當你自己買嘢，你會搵咩資料？兩個牌子你點揀？幾個款邊款好邊款冇咁好？行程又係，當你自己會帶仔女去街，咁點預時間？邊度泊車？停車場幾錢？係咪得一個停車場？請客食飯的話，有冇人有嘢唔食？有冇人係素食者？海鮮食唔食得？牛豬羊呢？幾多男人幾多女人？菜夠唔夠食？有冇人飲酒？飲咩酒？有冇開瓶費？餐館有冇代客泊車？附近停車場喺邊？遠唔遠？簡單講，秘書係要細心，好細心，當老細係仔咁湊，隨時要補鑊執漏，亦要隨機應變，另外形象都好重要，因為你代表老細，處事上講嘢上都要小心，不但只唔好得罪人，仲要時刻同其他人保持良好關係，方便自己做事，亦幫老細加分。
我係一個部門經理助理，做嘅比秘書多，我唔只湊一個老細，係同時幾個（有分主次嘅），可能我以前做嘢去到中層，有自己部門秘書，我特別明白Manager想秘書或助理做咩幫咩，咁自己將心比己就自然知道有咩係應該做，有咩係必須做，有咩做咗令成件事都完美加分，當然人夾人，有D老細真係天生衰格，咁只能做好自己本分，問心無愧。
你不妨約老細坐低傾下，開心見誠同佢講你嘅想法，請佢俾D意見你，點樣幫你可以做得更好，點樣可以做到佢要求。
花旗太太生活在花旗國，留意時差，你問我未必即時答到。
發表於 
，呢個先係樓主嘅原罪 
祝大家身體健康
我都想可以做到好似你咁
返回列表
