論盡家傭今日: 1|主題: 133734

收藏本版

發帖

返回列表

跳至頁

查看: 8307 | 回覆: 8

錦欣行係黑店！ [複製鏈接]

jasmineyu

民房

積分: 5

1^#

發表於 19-5-2 18:46 |只看該作者 |倒序瀏覽 |打印

本帖最後由 jasmineyu 於 19-5-2 19:14 編輯

我喺2018年透過一間喺屯門華都商場嘅叫做錦欣行嘅印尼僱傭中介公司請咗一個工人，工人嚟到香港之後工作表演一直都強差人意，直到有一日我個女話我知佢飲嘅水又好奇怪嘅水龍頭水味道於是乎我就開始注意我屋企嘅閉路電視翻查返每日佢喺我個女間房做緊啲乜嘢，終於畀我發現呢個工人竟然可以無攞我個女喺房嘅水樽入廚房嘅情況下refill番啲水俾佢飲！冇幾耐我仲發現我飲嘅水有漂白水味，當日我終於報警，後來警方拉咗呢個工人，由於呢個工人到港只係幾個月，而且佢又將啲漂白水畀我飲，所以根本冇可能再留低呢個工人喺我屋企直至到新工人到港，所以警察釋放呢個工人之後佢就一直喺中介公司逗留直至到案件完結。期間我再次透過同一間中介公司錦欣行請了另外一位新工人，但係等候了三個月。在三個月期間被警察拉咗嘅工人，還去到勞工處投訴我要求我賠償代通知金畀佢，代通知金最後當然佢冇辦法攞到我！因為我當時基於佢犯咗咁嚴重嘅罪行即時開除佢！
而佢亦同日被警方即時喺我屋企帶走，最後係我自願撤銷案件佢先至獲得釋放。
因為僱傭公司屢次勸告我大事化小，如果今次件事令到印尼領事館关注，以後用我個名就再請唔到印尼工人… 加上又心軟，所以當時就咁撤銷控罪！
如是者，
呢間中介行話幫我代買機票讓工人返回印尼，當時佢報畀我嘅機票係比正常我自己喺網上購買嘅貴咗兩倍有多，
最後我當然冇透過佢買機票而自己買咗張機票，係單程嘅！連工人姐姐交通費100蚊入畀佢呢間中介公司代轉交畀工人姐姐。
最後我發現呢間中介公司並沒有將工人送回印尼，而將呢個咁恐怖嘅工人咁差嘅工人介紹咗畀另一個僱主😖😖😖
因為上機當日我打去航空公司check過，
工人根本冇上到機，
所以最後就知道左。
無獨有偶，同佢請嘅新工人嚟咗冇幾耐，
啱啱講緊工作咗幾個月，工人姐姐就要求我要喺屋企拜佢嘅神，一日拜十次八次，每次十分鐘，唔拜就會無力量工作，又完全唔肯學廣東話，
我已經覺得好奇怪…
我請工人十幾年從來未有一個工人姐姐會要求我畀佢喺屋企拜神！
但係我考量到每個人嘅宗教都值得尊重，
只要唔妨礙佢平時工作唔妨礙我生活，
我最後都可以接受左。
最近有一次工人姐姐亦都係因為溝通不良，將吸塵機掃把等類似嘅物件放咗喺我哋主神檯正面於是乎嗰日嘅夜晚我就致電畀中介負責人高小姐希望佢能再一次話畀佢聽，
我屋企嘅神枱都好重要，唔能夠將啲雜物放喺神上面！
就係咁樣！
點知過咗兩日，
突然間喺前日晚上10點倒，有一位香港太太打電話嚟，話搵工人姐姐，
話係中介俾我電話佢！
原来錦欣行嘅負責人高小姐一直以為我個手提電話號碼係我嘅工人姐姐手提，
所以將我嘅電話號碼畀咗新僱主叫佢打嚟搵姐姐試工！
新僱主太太原來因爲佢爸爸有嚴重嘅疾病，中風急需要人照顧，當佢听完我講述我工人姐姐嘅情況，就知道高小姐呃佢，
因為呢個工人姐姐嚟咗香港五個月都係堅持用左手直接清潔去大便的地方😖
第二日我主動同昨天打電話給我的新僱主Whatapp問佢點解有我個電話,
佢就同我講呢個電話係中介公司錦欣行高小姐俾嘅,後尾佢知道自己搞錯咗就立即回收,但係說時遲那時快,佢已經打咗畀我,因為當時佢係急需要工人姐姐用.
錦欣行呢間係黑店！
大家要小心唔好上檔！
當日同佢投訴工人姐姐嘅情況佢已經一路追我叫我拿拿聲落去搵個新工人如果真係唔滿意…但係後來我同工人溝通咗其實就冇問題！不過呢間中介佢為咗做生意，不惜一切！我都冇同意話換工人嘅情況下佢就主動叫新僱主打畀我工人姐姐試工！😡
而且明知道如果我工人姐姐走咗就會冇人照顧我爸爸，因爲佢係病人，行動不便，亦都係重病患者，
咁冇良心嘅中介僱傭公司我一定要將呢件事話畀所有人知！
免得其他人誤墮入呢間黑店嘅陷阱！
佢就係明知我拿不定主意去找她請另一個新工人嘅情況下,叫另外一個新僱主主動打畀我嘅工人姐姐去試工,繼而迫使我去佢公司再搵一個新嘅工人姐姐.
這樣一年裏面就咁樣就要畀三次僱傭費畀佢呢間公司！
佢呢種無良嘅經營手法，如果唔係有今次呢件事，我都以為我上個工人可能真係咁啱咁橋係工人佢唔好，唔關中介事！
而家想返起其實係肯定中介同個工人夾埋做滿約六個月，還曬佢哋印尼中介財務公司嘅中介費跟住就開始變咗另外一個人，
咩都唔做,
叫佢做嘢就坐喺度,
一係就踎喺度，
淨係講nonono.....
僱主換一次工人，
中介行又可以賺一筆，
而且仲可以喺工人身上又賺一筆。！
講番呢件事，
最後呢間中介行知道我知道咗呢件事，
仲藉詞狡辯話自己搞錯咗唔知道工人姐姐電話，
不過因為嗰個新僱主同我whatsapp咗，
大家都好清楚件事發生緊係咩事！
我只係想將我嘅經歷話畀香港其他僱主知，
如果真係要搵工人千祈唔好搵呢間錦欣行！喺屯門華都商場嘅中介公司！
保證佢介绍嘅每個工人只係做最多六個月，
六個月之後工人會變臉
到時又要俾多次中介費，
中間仲會有真空期，
呢間係無良黑心公司，
連俾漂白水僱主飲嘅工人都可以轉介俾新僱主，
我覺得件事實在太恐佈！