我囡而家8歲半, 佢N同K1係讀天水圍德怡, 後來德怡校舍續唔到租之後讀英藝, 讀左一年K2, 到K3開左學之後接到德怡係元朗開返既消息就立即轉返去德怡讀K3.
畢業之後就去左元朗一間英文私小度讀小一, 到小二下學期時就轉左去讀IB School
當然, 我囡都畢左業幾年, 而家德怡係點我唔太清楚, 但當年既德怡同英藝, 我絕對揀德怡, 我囡讀英藝果陣都K2, 英文係完全冇進步過, D所謂考試, 問返D小朋友, 原來係考之前老師先同佢地做一次, 先至考, 咁有咩意思呢?
至於英文, 我囡第一語言係英文, 係佢未入學之前, 我地冇話全英文, 因為我地都唔叻, YOUTUBE係好大既助力, 但德怡N班既老師真係幫到佢, 佢好習慣同外國人傾計, 到K1時係街見到唔識既外國人都可以搭咀傾2句果種, 到畢業果陣, 老師都覺得佢英語能力同外國同齡既小朋友係一樣!
到而家考左入IB School, 佢地既老師幾乎全部都係外國人(中文科除外), 佢讀得好好, 英文流利, 中文聽講都OK, 係讀寫差D, 但補緊中文
其實我囡小二時點解要轉校, 第一, 小二班主任針對佢, 第二, 讀左一年英文私小, 佢英文仲停留係幼稚園畢業既程度, 所以我即刻搵學校同佢轉, 所以我覺得, 你覺得呢間學校唔好, 真係要轉, 唔係果每月5100真係會令你好激心, 我囡轉左咁多次學校, 經驗話我聽, 轉左未必更好, 但唔轉就一直都唔好! (咁當然你搵下一間時就梗係要針對住你唔滿意既地方來轉啦, 例如我對囡既英文私小英文程度唔滿意, 我就直接轉間IB School來讀)
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!