本帖最後由 858D 於 19-12-21 06:15 編輯
回覆 Cloudch 的帖子
長篇,請慎入
我係你老公呢類妳覺得係「好變態」0既女人。我係完美主義者,有潔癖。我在香港住時,我日日都要自己好似「啊信」抹地咁 抹到家中地上每一平方寸都可以訓得人。家人個個番來,我都要佢地除鞋。
分別係,我知我自己在某類型人眼中係「變態」0既。
分別係,我唔要求人地來做到我潔癖的要求,人地做唔到,我自己來繼續做到我自己要求為止。我唔會話人。我資源有限,專注我的專業得來,我顧不及家居環境,唯有放手任我前夫打理,佢打理得唔和我規格,我只有自己委屈多年,搞到27年後的我情緒憂鬱到失去工作賺錢的能力。
好在,有我現在的先生懂欣賞我,有能力提供一個我舒服的環境過每一天。我得以慢慢地調理好我自己的情緒健康,身理健康。佢明知我有 Obssesive Composive Disorder and Asperger,明知我係咁,佢愛我就是如此,從來不惹怒我。
我問我先生點解我身邊D人靜係佢唔會被我冒犯到?
佢0既分析係:
1. 佢性格
2. 佢花時間了解我
1. 佢性格 佢在家排中間,佢懂如何搵出個平衡點就得我來又就得佢0既。雖然佢同我前夫都好大男人,但佢會睇到在某D位可畀我按我方法來做。但我前夫就乜野都按他方法來管理來做,唔會就我,咁我一定唔開心,臉露不悅之情,他見到又話我畀面色他看。I just could not win.
2. 佢花時間了解我 (其實我覺得係佢有能力了解我)佢知我特別唔同人,雖然我用0左同一句話,佢唔用佢解譯其他人的方式來解譯我。所以我唔會冒犯到佢。好似 佢問我 愛唔愛佢,我第一個答案就話我唔知到我愛唔愛佢。(我地一齊已經6年,我都咁答佢)畀著一般人都會接受唔到呢個答案而生我的氣。但佢知道只要等下我,畀D時間我,我會好詳細分析我自己究竟愛唔愛佢,愛佢0既憑據係乜野。結果我幾日後的反應的確如他所料。
Love is when the other person’s happiness is more important than your own ~ H. Jackson Brown