夫婦情感 今日: 7 | 主題: 42460

積分: 862

1^#

發表於 19-12-30 00:50 |只看該作者 |倒序瀏覽 |打印

本帖最後由 raul07 於 19-12-30 07:53 編輯

我同我太太拍左九年幾拖,結咗婚兩年,本身感情都冇乜事,係間中鬧過一兩次交,直至有一段時間佢好似對我冷淡左,初時我以為係因為屋企有白事所以影響到佢,但最後尾畀我發覺唔係,我不斷追問佢點解呢一排對我冷淡咗,佢一開始都唔肯答我,但我份衰人性格就係我覺得有問題一定要佢講,到最後佢同我講我想離婚,我嗰時先發覺到嚴重性,我同佢講我會改過,但係佢話有啲嘢太遲,到最後佢冇話要即時離,我打算修補我同佢嘅關係,本身可能我淨係覺得我同佢金錢價值觀上有問題,所以我開始買返啲禮物畀佢,希望可以氹下佢,因為結婚兩年之後,我要供樓所以有一段時間都冇買太多禮物氹佢。
相處多兩個月,其實都會同佢出街食飯,亦都會行街買嘢,外人見我哋好似冇乜嘢咁,但實際上我哋已經開始分房瞓,我一直以為個關係可以改變,直至兩個月後我覺得係時候我哋要再傾一傾,因為一直分房瞓我覺得會影響到夫妻之間嘅感情,到最後佢本身都唔係好想正面回答我問題,但畀我逼得急咗佢講不如我哋分開下,佢覺得對我有感情但係冇咗愛情,我個心情即刻沉一沉,我覺得冇啦！

我唔知係我察覺唔到我哋時間真正嘅問題喺邊度,定係佢真係唔再愛我啦！我同佢拍拖差唔多拍咗九年先結婚,我估唔到喺結婚呢兩年就出事,我曾經覺得一齊咁耐所有愛情都會變感情,但係我錯啦,喺呢兩年裏面我對佢冇以前咁好,我以為結咗婚一齊感情係理所當然,我而家真係好後悔,真係太遲！佢同我講我可以繼續住喺度,佢唔介意,但係我真係唔知點樣面對佢,雖然呢一次交談裏面冇講話要離婚,但係佢話最好分開下,到最尾我同佢講佢既然覺得拍拖之前係好開心嘅,不如我哋試下好似拍拖以前咁,佢有佢嘅生活,我有我嘅生活,睇下會唔會好啲,我真係好想修補我哋嘅關係,但我而家究竟可以點做？

0 0 0

私人傳訊

little_chamo

男爵府

積分: 6978

BK Milk勳章

2^#

發表於 19-12-30 06:18 |只看該作者

raul07 發表於 19-12-30 00:50
不如我哋試下好似拍拖以前咁,佢有佢嘅生活,我有我嘅生活,睇下會唔會好啲,

我贊成你呢種做法, 俾大家分開下, 俾大家自己私人空間.

愛情變感情係遲早嘅事, 有小朋友就變得仲快.

其實好多夫婦都係用責任維繫緊感情. 新世代比較自由,如果冇咗感覺又冇小朋友,我覺得離婚冇咩問題. 起碼唔需要屈住成世.

又放假!!!

私人傳訊

PTMCYS

子爵府

積分: 11889

3^#

發表於 19-12-30 06:59 |只看該作者

raul07 發表於 19-12-30 00:50
我同我太太拍左九年幾拖,結咗婚兩年,本身感情都冇乜事,係間中鬧過一兩次交,直至有一段時間佢好似對我冷淡左 ...

樓主, 你打咁多字都係一段, 睇的人會比較辛苦, 失興趣.... 所以表達的文字, 段落都要看看怎樣可以吸引人注目. 這個雖然是小事, 但可能已是一個例子, 反應平日覺得自己可以, 但忽略對方接受的感受, 我只是說例子, 未必對, 只是一個參考.

係咪婚前婚落差落很大, 拍拖有沒有吵架, 有沒有第三者, 當女人說要分開, 基本上很難救, 分房只是離分的步處, 令不用一下子太難受... 特別係沒有小孩的女人....

你們一直有拖手嗎? 行房的感覺怎樣, 其實這些細即, 應該都可以感受到一點... 我跟太太經常有小吵架, 其實吵架都係一個提示, 未必唔好的. 不吵架只係大家死忍, 要看看實際的情況....

太太跟我生左仔後, 都有講過我無以前咁愛她, 我亦都有反省, 所以溝通和互動好緊要, 你有沒有很多時, 她一說/分享想法, 你就不給機會人表達, 這個亦是會令女性死心的原因......

私人傳訊

積分: 862

4^#

發表於 19-12-30 07:51 |只看該作者

其實我地出街一直都有拖手,老實講,喺婚後行房的次數真係比拍拖時少,我有解釋過因為生活壓力比較大,佢當時亦有體諒,但有時當我ready好,反而佢會拒絕,當時家裏發生了一些事（家人逝世）,所以我以為佢冇心情,所以冇迫佢,但過多一兩個月,越諗越唔對路,先不斷追問佢

私人傳訊

積分: 862

5^#

發表於 19-12-30 08:06 |只看該作者

其實而家佢都會同我出街,出街都有拖手。

私人傳訊

crystal媽咪

寶石宮

積分: 330786

2024年龍年勳章 2024勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 2018母親節勳章 2018父親節勳章畀面勳章環保接龍勳章 BK Milk勳章

6^#

發表於 19-12-30 08:11 |只看該作者

回覆樓主:

唔好再分房
係咪冇小朋友？我冇留意
做多啲野關心下佢，未必一定係物質上、行為上、言語上都得

不要從別人的嘴裡去認識我

私人傳訊

積分: 862

7^#

發表於 19-12-30 08:47 |只看該作者

回覆 crystal媽咪的帖子

冇小朋友，其實我都唔想分房，但佢而家堅持唔俾我入番房

私人傳訊

Rilakkuma312

子爵府

積分: 11764

8^#

發表於 19-12-30 09:09 |只看該作者

raul07 發表於 19-12-30 08:47
回覆 crystal媽咪的帖子

冇小朋友，其實我都唔想分房，但佢而家堅持唔俾我入番房 ...

通常做到咁，好大機會有第二個

私人傳訊

積分: 862

9^#

發表於 19-12-30 09:31 |只看該作者

回覆 Rilakkuma312 的帖子

我已經同佢講，如果真係有第三者或者有人追，同我講我就放手，但佢話冇，其實平安夜同聖誕佢都有陪我，我想問一個女人完全死心，會唔會仲同老公慶祝聖誕？

私人傳訊

AudiQ7

積分: 1175

10^#

發表於 19-12-30 09:38 |只看該作者

raul07 發表於 19-12-30 00:50
我同我太太拍左九年幾拖,結咗婚兩年,本身感情都冇乜事,係間中鬧過一兩次交,直至有一段時間佢好似對我冷 ...

你肯唔肯定無第三者？

私人傳訊

AudiQ7

積分: 1175

11^#

發表於 19-12-30 09:44 |只看該作者

raul07 發表於 19-12-30 09:31
回覆 Rilakkuma312 的帖子

我已經同佢講，如果真係有第三者或者有人追，同我講我就放手，但佢話冇，其實平 ...

你老婆咩星座

私人傳訊

積分: 862

12^#

發表於 19-12-30 09:52 |只看該作者

回覆 AudiQ7 的帖子

獅子座，佢話冇第三者

私人傳訊

CMMANDY

公爵府

積分: 27447

牛年勳章

13^#

發表於 19-12-30 09:55 |只看該作者

本帖最後由 CMMANDY 於 19-12-30 10:20 編輯

每人內心把尺唔同, 你明白她的尺度嗎? 你自己把尺變左度法, 你知道嗎? 她覺得吾想咁, 理想與現實, 如果太違背, 實在係好委屈, 有口難言

最近我自己, 煮飯時, 發現無salt, 叫老公去買, 他買左半粒鐘, 但我樓下有間超市, 回到來, 我問佢去左那, 隔離村, 他說順便去買支飲品俾個囡, 我好清楚佢去夾價

, 我內心好氣憤, salt 3 元包, 都耍找間便宜的, 唉! 同人講, 人家話, 妳老公好呀! 肯辛苦自己都去搵, 慳到都係為妳為頭家, 難得呀! 知道嗎? 我見到佢咁, 我自己好多野, 都為個慳字, 唔捨得買

, 除左頭家和囝囡用既嘢, 唉! 當然, 他就更什

個份感覺, 就係好唔自然

私人傳訊

Perpersis

積分: 1740

14^#

發表於 19-12-30 09:57 |只看該作者

回覆 raul07 的帖子

可能有第三者，而第三者係有婦之夫。當然亦都可能有其他難言之隱，令佢覺得悔疚/拖累你。

私人傳訊

jojocatjojo

積分: 2087

15^#

發表於 19-12-30 10:12 |只看該作者

raul07 發表於 19-12-30 09:31
回覆 Rilakkuma312 的帖子

我已經同佢講，如果真係有第三者或者有人追，同我講我就放手，但佢話冇，其實平 ...

本帖最後由 jojocatjojo 於 19-12-30 10:14 編輯

負面D諗，可能第三者亦有家室，聖誕要返屋企交人。
其實如果老婆給你一個解釋一個答案，甚至鬧你都好，你起碼至少有個方向去挽救。需知道冰封三尺，非一日之寒，夫妻感情不是一朝一夕變差的，你點都會有些頭緒，只要老婆不是哀莫大於心死，樓主唔好咁易放棄，用真誠感動老婆

私人傳訊

積分: 862

16^#

發表於 19-12-30 10:19 |只看該作者

回覆 jojocatjojo 的帖子

咁我點樣去確定佢有冇第三者？迫佢講？其實我而家真係好心痛，其實我都唔想自己呃自己，我都覺應該有第三者，因為佢星期日假日會留喺我身邊，但一至五就出街...

私人傳訊

Nancy20090615

瑪瑙宮

積分: 129010

17^#

發表於 19-12-30 10:31 |只看該作者

似有第三者, 唔係做乜分房, 女人多數痴實個老公驚行開一刻老公心野, 佢完全唔驚, 好可疑. 佢個心不在你處, 襯無小朋友分好過. 係好唔捨得都無辦法.

私人傳訊

積分: 862

18^#

發表於 19-12-30 10:47 |只看該作者

其實當初佢突然同我講想離婚，係我提議想佢冷靜下，暫時分開房一下，我唔知係咪我做錯

私人傳訊

hha