眼訓 發表於 20-3-13 14:42
最壞打算真係要送貨了。買到就買d stock up下,騰空送貨員去送俾d真係有需要嘅人。有段新聞話有對老夫婦, ...
我識有個blogger,佢朋友住喺New Rochelle,喺FB度講話媒體報導到佢地果度好似坐監等死咁,話佢地俾國民警衛軍看守,其實National Guard只係去睇下有冇人有需要,幫忙派發物資及協助消毒工作,但好似New York Daily News 同好多網站都唔會求証就話當地居民被限制出入。
加州尋日開始又瘋搶,今次重點搶食物,另外水呀廁紙呀有就掃,不過都唔係完全冇,我經過華人超市都仲有好多,我自己慣咗同老公周末都6點幾7點起身去shopping,貪少人唔駛排長龍俾錢。聽日去買番D生果同瓜菜,我今日買咗D點心同麵包,不過兩隻化骨龍放學已經食咗1/3(發育中嘅青少年食得比大人多),聽日要去補番少少嘢。
我地尋日下午校區宣佈下星期一開始停課兩星期,加埋之後一星期嘅Spring Break,有三星期兩個小朋友喺屋企,已經有人擔心D白痴帶細路出去玩,有人一早book晒Spring Break去旅行,希望佢地三思,錢冇咗事少,自己染病係咎由自取,但帶菌惹到其他人就死十次都彌補唔到。之前學校有班家長仲話維持Spring Break去學校老師辦嘅旅行去DC,而家應該全部會取消啦,延期老實講都唔知拖幾耐,旅行啫,成世人流流長,實有機會去。
有樣嘢我呢度政府做得唔錯,校區關校,政府關閉圖書館同轄下康樂中心,充當臨時托兒中心,分流俾小學同中學生去不同地方,一來可以繼續供應免費或減費午餐,二來可以幫到請唔假湊仔嘅家長,當中包括醫護、公務員等,政府呢個真係變通方法,極有可能校區之前一直唔宣佈停課係要安排配合嘅措施,我其實星期三晚收到我地學校校長嘅通訊都覺得好快會停課,佢話已經準備緊所有班級都set up google classroom,老師亦加緊upload material and textbooks上去,點知尋日就有兩間小學學生同家長測試呈陽性反應,所以尋日即刻宣佈停學。我公司一早搞緊全員remote access,但有人真係未能即時配合,而家停學又影響到一班人冇childcare support嘅同事,我覺得公司已經反應得好快,因為我地喺亞洲都有分部,有香港停課經驗,呢邊早於二月初已提出,但太多員工,又要測驗又要stress test,又有人真係old school到連裝個App都唔識,我解釋咗幾十次咩係mobile access key咩係remote access,點解要裝3個app。。。想快都難。
我今朝突然想,美國呢邊擴散得快嘅不乏有錢城市,除咗好多由大陸嚟嘅人之外,有好多係上過郵輪去過國外開會或旅行嘅人受感染,果D人口流動性比較少嘅地方個案少好多。
花旗太太生活在花旗國,留意時差,你問我未必即時答到。