呢啲遺傳問題,只可以話較高機會但醫生都唔可以話到畀你聽大唔大、yes or no,正如自閉症家庭,的確係機率高,但亦有好多兄弟姊妹係完全正常。
既然呢個係上天安排嘅孩子,屋企有能力承擔,咁就順應天命。如果屋企有嚴重自閉症呢啲就話驚自己年紀大承受唔到負累,同埋小朋友多病痛,但 ADHD 唔係「世界末日」,甚至可以話因為有大仔,家庭可以更早留意觀察,必要時透過藥物同行為、心理治療去幫助控制衝動、分心問題。
呢個時候最重要係控制自己情緒,唔可以先入為主覺得自己小朋友有問題,否則咁多個月心理壓力,更容易影響胎兒發展,同埋就算阿 B 出世,好容易覺得佢做乜都係有問題。孕婦心身最重要!