今日有開心事,話說一早搓完個pizza dough就返工,到咁上下就去廚房準備搞二發,見到仔女坐喺入面張餐枱度,枱面有女嘅iPad同notebook,聽到哥哥解釋緊代數俾個妹聽,妹妹就話唔係好明,哥哥就再講。。。我聽到佢地對話,同哥哥講:如果妹妹唔明,試下用另外一個方法再講吓啦。
之後我就去搞舊粉糰,偷聽(呀,唔係,係公然聽)佢地對話,哥哥好proud of自己以前一學就識,話而家數學老師好嚴,如果妹妹下次跟著佢就要醒醒目目。。。
後來我問妹妹明白晒未,哥哥講完會唔會理解到點演算,佢話OK啦,但未係好get得晒,於是我俾咗個tips佢,只要相反個算式就會容易搵到個未知數,當然佢學緊嘅唔係咁簡單,但一理通百理明,好彩我以前數學根底都算唔錯,咁多年我都冇將D數俾番老師(想俾都唔得啦,我個中學數學老師已經過咗世好多年)。
午飯前見到SF灣區呢度應該今個星期公佈將SIP延期至月底,老公話好難一直都封鎖晒所有retail,經濟會頂唔順,我都明白嘅,始終有一日會解封,已經預計到會局部解封,就算而家話再延長SIP,消息指會對某D活動規範放寬。
花旗太太生活在花旗國,留意時差,你問我未必即時答到。