6個月-1歲

收藏本版
發帖
返回列表
跳至頁

首頁
1

尾頁
   0
一嚿大番薯


大宅

積分: 2224


1#
發表於 20-8-16 19:33 |只看該作者
本帖最後由 一嚿大番薯 於 20-8-16 20:12 編輯

想請教下各位媽媽，我bb十一個月大，瞓得偏向少，每日只瞓到十到十一個鐘。我見話呢個階段嘅bb每日要瞓到12-14個鐘。然後佢近呢個月每晚都瞓得好差，佢好似好忟咁，瞓咩姿勢都唔啱位咁係咁碌黎碌去，明明剛瞓著又突然喊醒又碌碌下，碌到坐下起身又瞓低又起身，成晚輾轉反側。我都俾佢搞到無覺好瞓，我已經好耐好耐無試過連續瞓多過兩三個鐘了...然後終於到佢瞓得著，又到老公鼻鼾..我根本就無好好地瞓過..有時佢鼻鼾又大，根住bb又會俾佢嘈醒，然後又係一個循環。我其實真係好攰，老公話叫我俾保嬰丹佢食，有無bb食過係ok?同埋仲有無其他方法可幫下bb瞓得好啲呢？
私人傳訊

venice621


大宅

積分: 2081


2#
發表於 20-8-16 22:54 |只看該作者
一嚿大番薯 發表於 20-8-16 19:33
想請教下各位媽媽，我bb十一個月大，瞓得偏向少，每日只瞓到十到十一個鐘。我見話呢個階段嘅bb每日要瞓到12 ...

你bb係咪就係比你老公d鼻鼾聲嘈住所以訓得唔好呀？
私人傳訊

一嚿大番薯


大宅

積分: 2224


3#
發表於 20-8-17 04:30 |只看該作者
venice621 發表於 20-8-16 22:54
你bb係咪就係比你老公d鼻鼾聲嘈住所以訓得唔好呀？

唔係呀，佢係自己真係瞓得差嘅，我老公鼻鼾通常係嘈住我多啲lol..係間中佢會突然扯一下好大聲嘅鼻鼾bb先會醒，但普遍係佢自己瞓唔冧，好少一覺瞓到天光。呢個月更甚，唔知係咪出牙？之前喊醒我抱佢都ok,而家有時連抱住佢都好忟咁，其實唔知佢咩事同點幫到佢...而我自己嘅精神質素都好差。

好彩嘅係我暫時未返工住，但九月有可能要返，如果到時都係咁我應該會死，因為我而家一晚都要醒好多次暗返佢瞓。
私人傳訊

夢雪雪媽


大宅

積分: 1622


4#
發表於 20-8-17 17:35 |只看該作者
回覆 一嚿大番薯 的帖子

似出牙，我寶寶出牙(吽緊出牙)都會一瞓著好快又扎醒返，可能一瞓著果下俾出牙痛醒返(係好慘慘㗎)，怪睡姿因為點瞓都唔太舒服咁，出緊果排d睡姿都係好奇特的。
出牙嘅睡眠差好快就捱過，的確有時出牙唔舒服會忟憎會點氹都唔ok，唯有多陪伴啦～

頂住呀！寶寶同寶爸寶媽都加油!!

私人傳訊

一嚿大番薯


大宅

積分: 2224


5#
發表於 20-8-17 18:16 |只看該作者
夢雪雪媽 發表於 20-8-17 17:35
回覆 一嚿大番薯 的帖子

似出牙，我寶寶出牙(吽緊出牙)都會一瞓著好快又扎醒返，可能一瞓著果下俾出牙痛醒 ...

thx so much ! 其實我睇見佢都覺得佢好辛苦。所以我自己幾攰都好，都有耐性暗佢瞓返。係我老公可能第日要返工，瞓得差佢會有一兩下燥燥地，開頭會捉住bb話下佢，我自己其實就覺得佢都唔想瞓唔到，bb唔舒服就係喊黎表達，同埋我都想快啲氹返佢瞓，我又有得瞓返因為佢喊就全部人都無得瞓，佢就覺得等佢喊飽佢攰就會瞓，但我仔係唔會停的。開頭我話可能吽牙佢覺得我成日幫佢搵藉口，佢話又無牙出lol, 我知其實佢都辛苦嘅，始終成晚佢都真係醒十次八次，搞到大家都瞓得唔好，希望呢段時間快啲過，佢可以瞓得好啲。
私人傳訊

sabsab122


大宅

積分: 3147


6#
發表於 20-8-17 21:46 |只看該作者
本帖最後由 sabsab122 於 20-8-17 22:01 編輯

回覆 一嚿大番薯 的帖子

你bb日間nap 時間同質素如何？可否講下你bb作息schedule?
平時點暗訓教？抱訓？奶睡？
有無用奶咀？
私人傳訊

一嚿大番薯


大宅

積分: 2224


7#
發表於 20-8-17 22:24 |只看該作者
sabsab122 發表於 20-8-17 21:46
回覆 一嚿大番薯 的帖子

你bb日間nap 時間同質素如何？可否講下你bb作息schedule?

佢而家通常係夜晚十點左右瞓，瞓到朝早七點到七點半左右。中途係會醒十次八次，通常可以快瞓返，係近呢個幾月，佢醒完都係好難入睡，會碌黎碌去好忟憎咁。朝早起身後佢會大約十二點幾再瞓一次，長嘅可以瞓到兩個鐘，短嘅半個鐘，時間長短真係好浮動日日唔同。不過佢都瞓得冧嘅。然後以前四點幾佢又會眼瞓，但而家佢可以等到七八點先眼瞓，如果俾佢瞓左夜晚佢就會半夜醒個幾鐘，唔俾佢瞓嘅就等到九點同佢上床瞓，就可以瞓得冧啲但都會醒好多次。但變左其實佢每日只瞓到十一個鐘左右。佢而家通常奶睡多，我仲餵緊人奶嘅。
私人傳訊

sabsab122


大宅

積分: 3147


8#
發表於 20-8-18 13:12 |只看該作者
回覆 一嚿大番薯 的帖子

可以試吓調整個作息時間表，太不規律建立唔到規律的生理時鐘，就唔識定時眼瞓。如果7-7:30鐘起身，12點先nap實在太遲，
11個月bb清醒時間大概3-4小時（由瞓醒個刻開始計），
每2hr45mins左右抱BB入房預備瞓，氹大概20mins, 要第三至第四個鐘頭之內要瞓着。
試吓跟以下schedule
7~7:30:wake up
10~10:30 nap 1 (1.5 hour-2 hours)
11:30-12:00 wake up
2:30-3:00 nap 2
4pm-4:30 wake up
臨瞓之前嘅清醒時間可以長少少，去build sleep pressure , 但不要過長，否則疲勞過度又係好難瞓。
7:45-8:30 之間瞓（即是7:45前做好睡眠儀式e.g.bath time, 清潔口腔） 目標係瞓最少10個鐘(最理想係11小時，但我自己暫時都未做到，好間唔中先至瞓到11個鐘)
介奶睡，半夜(11之後）喊都唔好再feed.
試吓比其他代替品例如comforter / pacifier

11個月BB應該瞓14個鐘
晚上最好連續瞓到11個鐘，一間小睡2次大概3小時。
我而家學緊睡眠訓練，我調整左時間表之後我個BB瞓得好咗好多，你可以試吓
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見