自由講場 今日: 121|主題: 1302488

多謝親子王國選中我參加今次BRAUN MULTIQUICK 9 手提攪拌捧免費試用體驗。MULTIQUICK 9手提攪拌捧有好多配件，手提攪拌捧就係每日整固體食物比我對一歲孖仔嘅必備工具，其他配件好似打蛋器、切碎器等，都可以整好多唔同嘅食物，適合一家大細使用。

今次我就整左絲瓜瘦肉粥俾BB，材料有絲瓜、蒜頭、洋蔥、瘦肉等等。

只要用BRAUN 手提攪拌捧將材料磨成蓉就可以，可以俾BB感受到唔同味道。

之前我都有用過其他牌子既手提攪拌捧，BRAUN MULTIQUICK 9 有D功能真係比較人性化同貼心。首先佢個不銹鋼外殼清洗方便，手提攪拌捧可以向下加壓，將容器最底嘅食材也秒速打爛。而容器配有蓋子，打爛咗嘅固體如果一餐食唔完(因為BB食量唔多)，可以直接放到雪櫃儲存，不用另外再倒去其他食物盒。佢亦可以按我唔同力度來攪拌食材的幼細度，可以配合BB唔同月齡的咀嚼能力。

羽衣甘藍雞肉蕃茄粟米芯粥仔

首先要準備好材料

羽衣甘藍15g

粟米芯 1條

無激素雞髀 1隻

蕃茄 1/3個

胚芽米20g

洗淨所有食材，雞髀去皮，蕃茄切粒，然後加入120ml清水將食材煲滾（羽衣甘藍除外），水滾後慢火煲15分鐘，直至粥煲綿。然後加入羽衣甘藍煮5分鐘，加入羽衣甘藍試吓稍為撕碎，方便處理。

食物已經煮好，然後要根據bb喜愛的幼滑度打爛食物。我囝囝7個月大，仲係鐘意食幼滑嘅口感。好幸運地被選中，試用MultiQuick 9手提攪拌捧，可以輕鬆及簡單地處理食物。Braun MultiQuick 9 一盒配有不同配件, 適合不同情況使用。今次用左不鏽鋼攪拌棒直接將已煮好嘅食物攪爛。

Braun MultiQuick 9 獨有activeblade 技術，令食物可以攪得更碎更幼滑。而我最鐘意佢嘅安全鎖設計，有時忙起上黎會整到粒粒亂，用以前舊嘅手提攪拌器好容易會整損手好危險。而家MultiQuick9有嘅安全鎖設計，能夠保障BB同媽媽嘅安全!

一碗好味又幼滑，營養又豐富嘅羽衣甘藍雞髀番茄粟米芯糊仔話咁易就準備好啦。BB唔夠10分鐘就已經食完！！