Baby Kingdom - 親子王國 香港 討論區 › 首頁 › 夫婦情感› 玩家老公(超長慎入)

夫婦情感

收藏本版
發帖
返回列表
跳至頁
玩家老公(超長慎入)   [複製鏈接]

首頁
12345...10

尾頁
   11
hearingwhite


大宅

積分: 2356


1#
發表於 20-10-14 18:43 |只看該作者
我今年35歲，26歲時離過一次婚，宜家老公細我四年，好貪玩......

我同佢由2015年8月底認識，
當時我完全唔知道佢係有一個拍拖四年嘅女朋友，9月中我地喺埋一齊，11月頭佢先同我講佢同女朋友分左手，原因係因為有個女人有左佢bb，嘈到翻屋企，佢女朋友接受唔到提出分手，我嗰時先知道原來我做左第三者，佢10月9號同個女仔求婚，喺尖沙咀海旁，但佢求婚之前仲可以嚟我鋪頭搵我，搞完我轉頭去求婚，佢同我講冇呃我，同女朋友感情有問題想認真搵過個，但我之後發現，到十二月聖誕時候，佢一直求前女友復合，佢話要留喺屋企整個爆炸盒比我 ，原來佢仲整左一個比前女友
私人傳訊

hearingwhite


大宅

積分: 2356


2#
發表於 20-10-14 18:44 |只看該作者
嗰時佢一方面仲叫我幫佢生bb(emoji)到2016年我發現自己真係有左佢bb，佢好開心話會負責，我都好開心，我地兩個開始籌備結婚，其中我發現佢仲繼續玩交友app，之後我問佢佢理所當然同我講係但冇人覆佢，然後我發現佢之前玩d wechat 原來佢仲搞大左一個女人個肚(emoji)個仔會喺五月出世，佢完全冇同我講過，再睇埋其他對話，佢以前根本就係一個玩家...
私人傳訊

hearingwhite


大宅

積分: 2356


3#
發表於 20-10-14 18:45 |只看該作者
我唔介意佢以前啲嘢，但係我係佢老婆，佢係咪應該同我講佢有個仔就出世？我問佢，佢話覺得同我講冇用，我幫唔到佢，我覺得佢好恐怖，佢講大話講到自己都信...嗰時我媽入醫院要通波仔，佢同個女人講話係佢自己呀媽通波仔，要比好多錢...又話喺地盤炒散，根住我發現，我自己就好似一個隱形老婆，人人都以為佢結左婚係同前女友，佢仲成日send自己求婚段片比人睇，到我個仔出世，我真係忍唔住，我唔想人地覺得，我個仔係其他人生嘅，於是我叫佢將FB PROFILE 轉做我地三人全家福..因為咁 佢怪左我幾日
私人傳訊

hearingwhite


大宅

積分: 2356


4#
發表於 20-10-14 18:46 |只看該作者
我坐月嘅時候，見到佢成日瀏覽叫雞網站，我好記得有一次，係星期日，我爸同媽去左澳門，佢叫我喺房訓 佢同個仔訓梳化，佢七點幾開始成朝都係睇叫雞心得，搞到我坐月嗰時成日胡思亂想，然後有一次，我見到佢電話相簿有張肌肉男相，我問佢係咩相黎，佢一手搶左部電話del張相，我問佢點解咁緊張要del ...佢態度好差咁話唔想比我睇，根住嬲左我幾日，到佢再講話只不過係一個健身群組send出黎嘅相，話我唔信佢，佢爸又話佢，佢發好大脾氣翻到屋企係咁掉嘢，又掉bb床，嚇到個仔係咁喺度喊...(

私人傳訊

hearingwhite


大宅

積分: 2356


5#
發表於 20-10-14 18:47 |只看該作者
之後我同佢道歉 話我唔應該唔信佢 但後來我發現 張相係一個叫雞後心得嘅群組send 出嚟 ，唔係乜健身群組，但我冇再話佢，我幫佢quit左個group，如是者我發現 ，佢每日翻到公司就裝翻個whatsapp join翻個group...我都冇出聲，每次一見到，我就幫佢quit
私人傳訊

hearingwhite


大宅

積分: 2356


6#
發表於 20-10-14 18:48 |只看該作者
2017年4月15日，我翻工，由下午兩點幾到收工都揾唔到佢，淨係見佢定位係停車場，於是收工諗住接埋佢一齊翻屋企湊仔，點知停車場見佢唔到，我行左大個山頭大概半個鐘，佢打嚟比我，話喺屋企，翻到屋企，佢同我解釋去左邊，我係好嬲，覺得佢好冇交帶，但個仔喺度，我唔想同佢嘈，到夜晚沖完涼我順手幫佢執袋，發現左有部未見過嘅電話，我認我係懷疑，所以開機嚟睇，真係比我發現佢flirt 其他女仔，同人講話想偷情，我一路睇，手一路震，我拎住部電話問佢，佢話唔好喺屋企嘈，落樓下傾
私人傳訊

hearingwhite


大宅

積分: 2356


7#
發表於 20-10-14 18:48 |只看該作者
落到樓下，佢認佢有做過 ，仲話佢咁做係睇我信唔信佢，因為上次del相件事，佢覺得佢點做我都唔信佢，所以佢就索性去做，佢覺得挑戰同暪到我佢好開心，我唔明，仲有十日就係我地結婚一週年，點解要喺我覺得最幸福嘅時候，比我當頭棒喝？ 我喺條街度喊到收唔到聲，仲撞頭埋柱度，佢同我講，就算我點喊，佢都唔會覺得我可憐，因為係我唔信佢，係我唔啱，佢話如果我緊張佢愛佢，我就算知都唔應該拆穿...
私人傳訊

hearingwhite


大宅

積分: 2356


8#
發表於 20-10-14 18:49 |只看該作者
其實我好想不如就咁算，我同佢根本溝通唔到...
佢講嗰啲全部都係歪理，但我個仔點算？佢好鐘意爸爸，我想個仔有個正常家庭，
過左幾日，佢帶我去賣左部電話，仲比埋張電話卡我，話佢會cut左唔用，佢話佢覺得我同個仔係最重要，我原諒左佢，但係信任唔係咁易建立翻，我突登send左個信息去嗰個電話号碼嘅whatsapp 呢個msg ，我希望佢以後唔好見到，我亦都唔想見到藍剔..
私人傳訊

hearingwhite


大宅

積分: 2356


9#
發表於 20-10-14 18:50 |只看該作者
之後我心血來潮㩒入去封存信息，最唔想見到嘅事發生左，佢係6号睇個信息，即係星期六我要翻工嘅時間，我問佢，佢話佢冇，冇去交費，已經cut左，但我問過中移動，人地話最少60日保鮮期，舊電話号先會比新客户用，試問4月22日仲用梗，點會宜家五月頭就比左人用？ 但係佢堅持話係我屈佢，仲不停鬧我，話我唔信佢，話無論佢做得幾好我呢世都唔會信佢，我開始懷疑，到底係咪真係誤會左佢？夜晚我同佢道歉，佢話唔接受，仲封鎖左我電話，我想同佢傾，佢叫我死就死遠啲，唔好嘈佢訓，佢覺得好煩，我好白痴，又界到只手花唒，成床都係血，但佢一樣冇理我
私人傳訊

hearingwhite


大宅

積分: 2356


10#
發表於 20-10-14 18:51 |只看該作者
我問，咁係咪成世唔講嘢？佢話，咪唔好講囉！我終於知道佢其實一啲都唔愛我，到我冷靜落嚟，佢先攬翻住我..第二日，佢都係繼續封鎖我，淨係FB同佢講到嘢，佢話，等我表現好啲先解封
我好嬲，我想知道係咪真係誤會左佢所以我要承受呢種委屈，於是我去左電話公司 ，中移動話梁先生5月6号先交左費，冇咁快要交錢，下次截數係20号，登記人係佢本人..我當時真係醒唒(emoji)次次都係咁，佢做錯事如果我冇証據佢一定撑到底，話翻我轉頭 就算有証據佢真係做錯，都係因為我唔信佢佢先做錯，總之，最錯嗰個係我
私人傳訊

hearingwhite


大宅

積分: 2356


11#
發表於 20-10-14 18:52 |只看該作者
但我唔係偵探，我唔想每次都有証有據咁捉對方有乜錯，我淨係想我老公，唔洗我廢心，等我可以安心翻工同湊仔，點解要咁不甘寂寞？就算我問佢，佢又會講，出翻個number都唔代表對唔住我，但係，呢個number 通訊錄全部都係啲無謂人 ，點解我會知？因為我都曾經係呢個number嘅常用聯絡人，可能佢真係覺得，呢啲人緊要過我，緊要個頭家，所以佢拎我地頭家去賭....
私人傳訊

hearingwhite


大宅

積分: 2356


12#
發表於 20-10-14 18:53 |只看該作者
2017年9月30號，我媽生日，因為趕住拎蛋糕我催左佢幾下出門口，佢話我態度差，摑左我幾巴，奶奶見到阻止佢，我隻耳仔好似就黎聾，好痛好痛，之後我媽見到，好心痛，我更加心痛，因為覺得自己好不孝，生日流流搞到佢咁唔開心(emoji)
私人傳訊

bsg


男爵府

積分: 6171


13#
發表於 20-10-14 18:53 |只看該作者

回覆樓主：

本帖最後由 bsg 於 20-10-14 18:54 編輯

咁樣你都好辛苦，信任已經無晒
，仲要最新個段條畜生家暴你
私人傳訊

hearingwhite


大宅

積分: 2356


14#
發表於 20-10-14 18:57 |只看該作者
2018年11月，又開始行蹤可疑，有時揾唔到人，我直覺非常之凖，2019年3月終於爆煲，又一次見到佢喺公開網站出現，比人抹黑，原來由前一年11月開始，佢已經開始約會唔同女仔，仲打上森美903節目度向人表白，之前我講過話懷疑，佢又話我敏感，叫我比佢有私人時間，佢只係想抖下會有分寸，我信左，終於又一次令我失望，有人喺Fb send video 比我，話佢同人開房，之後一直喺Fb唔同群組比人抹黑，佢開始驚，話係因為我份工工作時間太長，冇時間陪佢，所以佢先出去識其他人
私人傳訊

hearingwhite


大宅

積分: 2356


15#
發表於 20-10-14 18:58 |只看該作者
我戇居，又再一次信佢，仲諗住放棄自己份高薪厚職，去佢公司做野，佢亦都應承我，唔會再搞搞震，唔會再呃我，點解我咁白痴會信你改？係咪因為我太愛佢？定因為我唔想個仔冇左爸爸？點都好，我對佢都仲有希望，希望佢再一次吸收教訓，希望佢珍惜我哋個家，但佢冇，因為一次大聲左同佢講嘢，再一次出手打我，將我㩒喺地下，用把遮不停打我，我唔敢出聲，喊到震唒，事後佢同我講，打我係因為我抵打，叫我反省下點解人地要郁手，點解我會咁怕佢，因為佢連自己老豆都可以郁手打，我哋都好驚！
私人傳訊

hearingwhite


大宅

積分: 2356


16#
發表於 20-10-14 18:59 |只看該作者
2020年10月，已經幾個月覺得佢有可疑，佢同我講，信任好重要，佢話唔會有人無事無幹出去搞搞震，我一直都記得佢講嘅說話，就算佢放低部電話，我都唔會睇 ，
就算佢夜番，我都安慰自己，都係做嘢姐，佢話想我陪佢多啲，我宜家逢星期日放假，日日都放早，係佢唔知去左邊，晚晚番屋企一大陣香水味，又成日買啲小禮物，㩒電話温女温到半夜，周圍send 祼照比人....
私人傳訊

hearingwhite


大宅

積分: 2356


17#
發表於 20-10-14 19:00 |只看該作者
我覺得我自己好好笑，為左個家，出心出力，到頭黎佢覺得太安穩所以出去搞搞震，10月12日，仲book左四季酒店套房同個女仔慶祝生日，整唒佈置，又話因為冇同佢慶祝之前29年生日，買番29份小禮物，book埋Amigo 餐廳晚飯，佢明知我嬲緊，但選擇去陪另一個人，我覺得我好冇用，喺酒店lobby 睇住個老公同人一齊check out，個女仔唔知有我，仲自以為好幸福，最可笑係我，唔敢出現喺你哋面前踢爆佢...
私人傳訊

hearingwhite


大宅

積分: 2356


18#
發表於 20-10-14 19:00 |只看該作者
佢同我講因為個女仔好靚，所以好想花心思比佢，因為另一個女仔好明白佢，佢覺得係紅顔知己，個個佢都唔捨得，係唯獨我可以隨時拋棄，佢話可能因為冇失去過我，對我係完全冇唔捨得感覺，又話我生完bb之後鬆左六成....佢話佢未玩夠..佢都好想改，但擁有咁多女朋友覺得好威.
私人傳訊

Yee_ng


男爵府

積分: 6303


19#
發表於 20-10-14 19:02 |只看該作者
hearingwhite 發表於 20-10-14 18:50
之後我心血來潮㩒入去封存信息，最唔想見到嘅事發生左，佢係6号睇個信息，即係星期六我要翻工嘅時間，我問 ...

傻女佢d咁嘅解釋咁都信，佢根本就係未玩夠，亦唔在乎係咪有細路，你道歉佢只會無限輪回個問題，除非你由佢玩唔在乎只要個仔有爸爸
私人傳訊

hearingwhite


大宅

積分: 2356


20#
發表於 20-10-14 19:02 |只看該作者
我地之前好窮，旅行都要借錢分期還，啲錢個個月清，我每個月喺記事本度mark低
要用幾錢，要留番起幾多錢，公一份婆一份，到宜家環境好少少，你將啲錢去氹其他女仔，洗一萬一晚喺人地身上..事實係咪話我知，做一個好女人根本冇用，佢話知道有個仔，但我會照顧到，冇左我，都好怕有人取代到....最悲哀嘅係..佢同我坦白左全部嘅事...而我仲未放棄..我知我好大篇文，表達出黎嘅都係我好犯賤，明知係咁都仲留低，但呢一刻我真係好心痛...
私人傳訊


首頁
12345...10

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見