moniy 發表於 21-3-16 20:37
我又唔覺得特別濕喎! 我只係用食譜30%的粉量, 以1:1水, 扣返食譜的水量咁做, 無多到水
紋理方面, 我之前响 ...
今日我都有少少猶豫想加多少少粉,但見到個麵糰又上到勾,好有機會我計錯份量,因為波蘭種材料我用克計,但主麵糰我個原食譜係量杯計,應該中間有D出錯,下次整之前要再計過數。
我已經用pizza cutter切到都係2至3mm咁上下,但個麵糰濕,D紋理有時卷起會唔齊整,又唔係話見唔到,但我呢D對呢方面有OCD嘅人就會覺得有少少礙眼。
我第一次整係掃融化牛油,第二三次都係掃牛奶,我見有人係掃蛋,個色會深少少,仲有人話出爐後再搽一層牛油會更靚更香,不過我懶,如果唔大分別就算數,反正好味就得。
花旗太太生活在花旗國,留意時差,你問我未必即時答到。