現年31歲嘅張明偉,畢業於美國加州大學洛杉磯分校(UCLA)的傳理系;而喜歡唱歌演戲嘅佢,2012年畢業於第廿五期無綫藝員訓練班,翌年參加過《星夢傳奇》,自彈自唱《Let it be》,大騷音樂才華。其實佢本身亦係創作歌手,以及係樂隊「Charming Way」嘅主音及結他手。張明偉父親同哥哥都係法律界人士,媽媽係英文老師,家境相當富裕。張明偉選擇入娛圈由低做起,初入行時亦一度被標籤為「玩玩吓」嘅二世祖。張明偉表示知道自己幸福,但無論富二代定屋邨仔都有各自的辛酸同難處,無論標籤係正面定負面,佢都要承受、接受,工作上亦無得抵賴,無藉口做得唔夠好。