我相信你本身係一個階級觀念好重嘅人。
香港本地學校英文課程好唔錯,去外國讀書,grammar 數一數二,native 口音根本唔係重點,但你明顯首先第一個嫌棄。希望你唔會係聽到人哋講廣東話唔正,會暗地嫌棄笑人嗰啲。
再講你愛國但用BNO,因為BNO 去讀書最平。你啲行為同成日俾人詬病呃福利新移民有咩唔同。
State school 同香港地區派位理念相似,唔同地方學校嘅校風成績都唔同,想讀好啲嘅,自然付出多啲成本,選區好緊重,亦有好多人同你爭。
同埋你都未去讀,已經話咩多黑人,嫌棄黑人。想問你憑咩睇唔起人,覺得黑人一定差?英國係移民國家,好多唔同種族嘅人居住,印度人都好多㗎!