吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 坐月：代茶、白開水的迷思？

懷孕前後今日: 24|主題: 329758

收藏本版

發帖

返回列表

跳至頁

查看: 5649 | 回覆: 7

坐月：代茶、白開水的迷思？ [複製鏈接]

LittleSnail88

別墅

積分: 919

1^#

發表於 22-9-4 19:59 |只看該作者 |倒序瀏覽 |打印

有講法坐月期間飲「白開水」係寒涼、會水腫與第日難收肚，聲稱要以「代茶」或湯去取代飲白開水。
但我諗極都唔明，其實代茶或湯咪又係水份嘅一種，飲落肚，何解會有咁大分別？
唔好介意我提出質疑，因為就係呢種迷思，令到我第一胎唔敢飲白開水，代茶及湯水又預備及服用不足，間接令到我奶水分泌唔夠，不能行人奶路。
我都係想集思廣益，唔想有其他新手媽媽被迷思影響而加劇坐月嘅心理壓力。
如果有支持論說者，又熟悉中醫觀點，或有任何相關經驗，請解說或分享一下。多謝大家！

0 0 0

私人傳訊

hearsay14

大宅

積分: 3060

2^#

發表於 22-9-4 22:25 |只看該作者

LittleSnail88 發表於 22-9-4 19:59
有講法坐月期間飲「白開水」係寒涼、會水腫與第日難收肚，聲稱要以「代茶」或湯去取代飲白開水。
但我諗極 ...

我產後住院一個星期，月子餐包的炒米茶要等出院後才送。留院期間只有水。

住院期間一直餵母乳，反而係bb啜唔掂，要靠自己揸出來餵，第五日已經上奶，一餐可以揸60ml，隻手揸到要廢……

等月子餐的炒米茶送到，我也沒有立即開嚟沖，淨係月子餐的湯水和開水已經夠我上奶，後來我嫌炒米茶濃味一日飲四杯左右。

我這次是第一胎，無陪月無工人無長老，但有神隊友老公幫手，堅持餵母乳又泵又埋身，頭兩個月即使一日瞓大約五小時，也就這樣捱過來了，現在全埋身，奶泵只係用來半夜泵奶。

個人覺得所謂陪月即使有幾好，都係湊一個月，bb第一個月食完就瞓唔會難湊，反而第二個月會脹氣喊得仲多，仲麻煩。

產前沒有水腫，產後有輕微水腫，但這是荷爾蒙影響的正常現象，兩個禮拜左右就消了。比較幸運的是我無妊娠紋，產後個幾月個肚縮到同懷孕前差唔多，至少懷孕前著的褲和內褲都著得返。

總括嚟講，坐月時上奶黃金期幾乎都係飲水、湯水早午晚一碗（買月子餐）、睡眠不足，無影響上奶，餵母乳最重要係堅持。

私人傳訊

CCab123

大宅

積分: 1105

3^#

發表於 22-9-4 23:58 |只看該作者

住院五日日日飲炒米茶
出院之後好懶，飲水同湯就算
無水腫，而且人奶都足夠
而且個肚兩個星期內收得好快
由生完似六個月到第15日已經得番少少漲

私人傳訊

EstrellaDamm

水晶宮

積分: 53953

4^#

發表於 22-9-5 00:54 |只看該作者

本帖最後由 EstrellaDamm 於 22-9-5 00:59 編輯

LittleSnail88 發表於 22-9-4 19:59
有講法坐月期間飲「白開水」係寒涼、會水腫與第日難收肚，聲稱要以「代茶」或湯去取代飲白開水。
但我諗極 ...

要人奶夠，最緊要、最理想係密密（包括深夜）埋身。喺頭一個月，最好埋身，泵盡量係喺特別情況（如與BB分離）下先好用。確保媽媽姿勢、BB嘴型正確，唔肯定、食到痛的話就盡快去搵健康院或生產醫院嘅母乳姑娘。

飲品其實冇話一定飲咩，總之能夠幫你補充足夠水分便可。不過，若果你相信湯／代茶有益，飲湯／代茶能令你安心，飲湯／代茶就好大可能對你有幫助。若果媽媽飲唔夠呢類飲品而覺得沒信心、唔安心繼而唔開心，就會影響產奶。問題其實唔在於湯／代茶本身，明白嗎？

我自己平日都冇飲湯習慣，因為唔覺湯水特別有益，所以湯之於我並非 comfort food。反而，我平時係唔飲大量水都唔安樂的。第一胎初初99準備代茶，叫我千萬唔好飲水，只可飲代茶或湯，咁樣老實講我覺得好攞命！因為唔飲水我真係唔開心。結果我冇理佢，只飲代茶幾日，湯後來都唔係日日飲（滿月後更加係唔再飲），反而一直飲大量清水、未出院時飲醫院派或買嘅各款紙包飲品、出院後飲 decaf coffee 等等等等，一樣都係餵人奶。