吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 我都有個箍牙的故事

自由講場今日: 1623|主題: 1304980

收藏本版

回覆發帖

返回列表

跳至頁

查看: 13761 | 回覆: 49

我都有個箍牙的故事 [複製鏈接]

12 3

ahngau

大宅

積分: 1770

1^#

發表於 23-5-17 21:53 |只看該作者 |倒序瀏覽 |打印

我原以為我仔是個特殊例子，但是見到隔離貼一個類似的個案，都係上來講吓故仔，讓大家有個參考。

我仔有倒及齒，我家族也有上顎骨細，上排爆牙的問題。2021年，他7歲，屯門學童牙科保健的醫生叫我們找矯齒專科跟進，說未需要即時介入，但要跟進他的顎骨生長和換牙進度，在適當時候再介入矯正。

當時荃灣的伍醫生，在網上有很多讚揚的貼子，所以我們在當年6月看了他。當時我仔未換門牙，所以簡單拍了X光，便叫我們等阿仔換了門牙再覆診。我跟他說牙科保健醫生有提過擴闊顎骨，他像聽不到，沒有接話。

買單千五，姑娘還叫我們下次覆診不用再收錢。

0 0 0

私人傳訊回覆引用

ahngau

大宅

積分: 1770

2^#

發表於 23-5-17 21:54 |只看該作者

我一直認為如果一個醫生未能把問題解釋清楚給你聽，是時候找2nd opinion，所以我們找了屯門泰籍的矯齒科醫生，結果意見都係一樣，換了恆齒再來，也不收錢。

如是者我們等，等了大半年後雖然門牙乳齒還未甩，但牙科保健醫生覺得問題沒有自己改善，改要我們半年睇一次。到了今年3月，醫生也急了，以為我們是經濟問題遲遲未搞，花了很長時間和我們分析早介入早箍的好處。但其實我們已經找了兩個專科醫生，都叫生齊恆齒才箍。

沒辦法下我們一邊去了菲臘牙科睇街症，一邊再約荃灣伍醫生。

私人傳訊回覆引用

ahngau

大宅

積分: 1770

3^#

發表於 23-5-17 21:55 |只看該作者

菲臘牙科看完，說他們沒有矯齒科，俾咗個矯齒專科醫生名冊我，叫我地自己揀，打發我走。後來我才知道菲臘牙科是有矯齒科的，不過只收私家症，而且診金比外面私家更貴，但這是另一個故仔了。

又等左幾星期（是的，香港矯齒專科醫生只有70幾個，好多在政府或醫管局做，唔睇我哋普通人，所以約私人執業的，次次要約一兩個月後），見到伍醫生了，一睇就叫換完牙再嚟過。但今次我真係急，阿仔咀嚼時倒及牙撞到下排門牙，下排已經開始鬆，牙科保健醫生話再唔整下排牙有可能甩！

私人傳訊回覆引用

ahngau

大宅

積分: 1770

4^#

發表於 23-5-17 21:56 |只看該作者

回覆樓主：

本帖最後由 ahngau 於 23-5-17 23:37 編輯

伍醫生這才拿把小鐵尺量度一下阿仔棚牙，再照X光，之後給的治療方案是，先把上排箍到哨牙，暫時緩解下排牙撞鬆的問題，之後大個咗換完牙，再剝牙箍返正！先唔好講這樣做等於箍兩次牙，痛苦兩次，仲要俾兩次箍牙錢。個問題係，阿仔顎骨唔夠大，點解唔擴闊顎骨？

他的答覆是，顎骨擴張器嗰啲嘢唔得嫁！

我唔知佢畢咗業這廿年仲有冇update下自己，但已經講到咁了，我唯有再找過個醫生。

最後我終於找到銅鑼灣的陳醫生，終於有個醫生話要襯阿仔未發育，先擴闊顎骨，箍正已出的恆齒，等未出的有位生出來。所需時間短，預計幾個月箍完，所以價錢也相對便宜。

私人傳訊回覆引用

ahngau

大宅

積分: 1770

5^#

發表於 23-5-17 21:56 |只看該作者

回覆樓主：

本帖最後由 ahngau 於 23-5-17 23:01 編輯

下星期便開始了，經過3個普通科牙醫，3個矯齒專科牙醫，共6個opinions才找到理想的治療方案！

特別鳴謝屯門學童牙齒保健中心的醫生和牙科保健員，沒有他們耐心的解釋和引導，我一早放棄，等阿仔換完牙，再剝牙箍牙算了。

私人傳訊回覆引用

skylanlan

大宅

積分: 3714

6^#

發表於 23-5-17 22:10 |只看該作者

ahngau 發表於 23-5-17 21:56
伍醫生這才拿把小鐵尺量度一下阿仔棚牙，再照X光，之後給的治療方案是，先把上排箍到哨牙，暫時緩解下排牙 ...

可pm醫生嗎？我仔都有倒及

私人傳訊回覆引用

ahngau

大宅

積分: 1770

7^#

發表於 23-5-17 22:25 |只看該作者

本帖最後由 ahngau 於 23-5-17 23:33 編輯

skylanlan 發表於 23-5-17 22:10
可pm醫生嗎？我仔都有倒及

嘻，我上來share個故仔姐，況且我仔未完成療程，效果好唔好未知，所以就不推薦醫生了。

私人傳訊回覆引用

annie133

伯爵府

積分: 17825

8^#

發表於 23-5-17 22:30 |只看該作者

本帖最後由 annie133 於 23-5-17 22:31 編輯

ahngau 發表於 23-5-17 21:56
伍醫生這才拿把小鐵尺量度一下阿仔棚牙，再照X光，之後給的治療方案是，先把上排箍到哨牙，暫時緩解下排牙 ...

其實呢D年紀大所謂有名氣的醫生，又唔update又落伍，不會接受新事物，真係信唔過

私人傳訊回覆引用

57xt52

大宅

積分: 1391

9^#

發表於 23-5-17 22:51 |只看該作者

annie133 發表於 23-5-17 22:30
其實呢D年紀大所謂有名氣的醫生，又唔update又落伍，不會接受新事物，真係信唔過

...

我同你既情況好似，阿仔有倒及網上介紹睇左伍醫生，話宜家未換晒牙，箍左都會再移位，叫我半年再返去。之後有朋友介紹左我屯門泰藉醫生，約左下個月才睇，我都好驚會錯過時間。

你可以pm你銅鑼灣醫生資料俾我嗎？

私人傳訊回覆引用

hnh_mami

子爵府

積分: 14033

10^#

發表於 23-5-17 22:57 |只看該作者

annie133 發表於 23-5-17 22:30
其實呢D年紀大所謂有名氣的醫生，又唔update又落伍，不會接受新事物，真係信唔過

...

治療都要睇雙方，特別而家醫療發展得快，有好多唔同既藥/治療方式，最重要係雙方既溝通。

好似我仔有哮喘，細個時要食青蛙仔（氣管藥）,一個年老既醫生話唔使食，另一個年輕d既醫生建議食，各有各理據，真係睇下自己信邊個。

欣賞樓主跟仔仔狀況跟得足，又會自己research 了解狀況，最終揀到適合既方式。