吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公有知己，但老婆認為個知己好有問題（1） ...

夫婦情感今日: 15|主題: 42442

收藏本版

回覆發帖

返回列表

跳至頁

查看: 40216 | 回覆: 60

老公有知己，但老婆認為個知己好有問題（1） [複製鏈接]

12 3 4

onlylegalwife

洋房

積分: 64

1^#

發表於 23-6-18 01:10 |只看該作者 |倒序瀏覽 |打印

想同大家講個故仔。
呢個係講一個有婦之夫有知己的故仔。
一個男人同一個女人讀書時相識至18年之後結婚，結婚差不多快8年。响呢26年來，總會有D風浪。男人係屋企么仔，有老豆老母家姐照顧，未算媽寶。女人，單親家庭長大，家中長女，照顧自己完全無問題。男人隨和，但唔太遷就女人，怕是會寵壞女人，心底裡係愛鍚女人。女人脾氣比較差，自我，梗頸，唔衰得。

本主題由 bktcc 於 23-6-19 12:39 合併

0 0 0

私人傳訊回覆引用

onlylegalwife

洋房

積分: 64

2^#

發表於 23-6-18 01:12 |只看該作者

老公有知己，但老婆認為個知己好有問題（2）

拍拖一段日子後，女人想自己搬出黎住，先行去揾屋，因為人工唔高，當年只可以去揾大劏房(當年都仲未興劏房呢個名字)，當時男人都有陪女人睇屋，男人認為女人一個住果D地方都唔係咁好，就一齊揾D正常單位開始大家嘅同居生活。工作上，男人同女人大家算係同行，只係做的產品同類別。男人做開大公司，工作時間長，經常OT。女人做細公司，需然多嘢做，但未及男人辛苦。未住埋之前，女人經常會覺得好無安全感，其實都唔應該歸納入安全感，只係男人好少理會女人，女人認為缺乏男人的注意力就係無安全感。點解？男人的嗜好唔多，打機，睇漫畫經已佔用咗男人唔少嘅時間。

私人傳訊回覆引用

onlylegalwife

洋房

積分: 64

3^#

發表於 23-6-18 01:15 |只看該作者

老公有知己，但老婆認為知己好有問題（3）

男人鍾意去機舖打機，又鍾意响屋企打機；漫畫，本地薄裝漫畫，日本漫畫都啱。女人都會陪男人去機舖打機(無辦法情況下)，有時女人攰到挨住男人响機舖瞓着，男人都唔會覺得有問題。當一齊生活之後，男人要打機，又要睇漫畫，每個禮拜有1X本漫畫等住被男人寵幸，女人自然排到最後。後來漫畫蒙主寵照，繼而手機遊戲，家庭遊戲，電腦遊戲皆成為寵妃。女人，就好似生活响冷宮咁樣。

私人傳訊回覆引用

onlylegalwife

洋房

積分: 64

4^#

發表於 23-6-18 01:17 |只看該作者

老公有知己，但老婆認為知己好有問題（4）

當男人同女人結婚後，男人轉投新公司；女人開始工作上經常出差，每個月總要有一個禮拜唔响香港。男人在新公司時，遇到一個女同事，女同事（下稱西西）咁啱係同男人年少時工作過的同一家公司，
只係唔同時期入職/離職。呢一刻意大家就如他鄉遇故知，開始佢地尋找他鄉的故事。跟住，女人工作愈來愈多，女人係一個唔想輸比男人的心態去工作，做嘢唔想比其他男性差，每個月都要出差1至2次，每次都去足成個星期。男人無女人响身邊，果刻自然有人招手陪食飯，仲以為男人乖乖咁放工返屋企。(咁呢方面，十數年後女人先至知)，男人同西西同一team 前後坐，

私人傳訊回覆引用

onlylegalwife

洋房

積分: 64

5^#

發表於 23-6-18 01:18 |只看該作者

老公有知己，但老婆認為知己好有問題（5）

本帖最後由 onlylegalwife 於 23-6-18 01:19 編輯

日見夜見，但辦公時間what's app無間斷。日日要行孖beat食飯，食煙，放工都要一齊。

由於男人公司所在地同女人舊公司算係一街之隔，自不然會有女人的舊同事撞見。女人嘅舊同事撞到就即刻揾女人：見到你男人同個女嘅一齊拍住行，佢食煙架？
女人：我知個係邊個，我識架，有見過。
女人人都要面子，只可以咁回答。

男人同女人講已經戒煙，大話嘅嘢，有邊個唔講喎。
女人唔出聲，男人就會覺得呃到全世界，亦係正常賽果。

經過大約4-5年，男人又轉另一公司，臭西都做其他公司。從來，女人唔過問西西嘅事，男人講，女人就會聽。

私人傳訊回覆引用

onlylegalwife

洋房

積分: 64

6^#

發表於 23-6-18 01:20 |只看該作者

老公有知己，但老婆認為知己好有問題（6）

疫情一開始，女人被公司辭退，留响屋企抖，未打算揾工住，點解？大家都記當時真係好多人失業，而家衝出黎揾工，仲邊會有好工吖，一係做到死，一係人工壓到接受唔到。
返份HEA工年幾，女人會始想過返正常的辦公生涯。因為份HEA工人工實在太低，屋企屋租都貴過成份糧，生活壓力，精神壓力都好大。

估唔到，呢D事，又關西西的事，佢又差一腳向男人講東講西，又叫女人做呢份工做果份工，誅多意見又叫女人去自己公司見工。女人比面男人就去下。

私人傳訊回覆引用

onlylegalwife

洋房

積分: 64

7^#

發表於 23-6-18 01:22 |只看該作者

老公有知己，但老婆認為知己好有問題（7）

無幾耐，女人終於見到有D(emoji)光，經朋友嘅介紹，揾到份新工，今次人工好咗啦，响2022年，人工返而去返2014年的薪金，唔係經理級，而係由底做起，這刻，女人認為問題唔大，職位低，唔需要負責任，連壓力都細咗。

男人呢，人到中年，本來做的行頭已經無辦法再做落去，只可以轉行。男人的工作算係服務業啦，有突發事件時都要開夜。去年的結婚紀念日前約2個月，女人已經同男人講已經請定假，男人都有應機。到紀念日之前幾日，女人問男人當日會去邊，男人答佢無請假，女人條氣點會順呢，晨早講定唔會請假的話，係無問題。當時女人唔會消假，認為無問題，可以自己一個人過。

私人傳訊回覆引用

onlylegalwife

洋房

積分: 64

8^#

發表於 23-6-18 01:24 |只看該作者

老公有知己，但老婆認為知己好有問題（8）

隨後男人先去補鑊，補鑊呢味嘢都唔係第一次。當日男人都有即刻安排節目，但意義唔同咗。
自從呢一次開始，女人開始心底有嘢拮吓拮吓咁。而家開始分享一下，就會知道，點解佢叫西西。

私人傳訊回覆引用

onlylegalwife

洋房

積分: 64

9^#

發表於 23-6-18 01:25 |只看該作者

老公有知己，但老婆認為知己好有問題（9）

西西事件薄(1)
自從呢單事開始，女人發現男人同西西原來係一直keep頻繁往來，傾電話，whats app日日無間斷，紀念日當日，西西揾男人，男人whatspp回西西要陪老婆，西西竟然回一個喊的sticker，咁係咩意思？

過咗幾日，女人知道咗西西要見男人，女人同男人講星期五晚想係屋企打邊爐，男人諗都無諗：果晚公司要開會，唔返屋企食飯。
女人：又開？上星期先開完果個會，又開？
男人：係架
女人：咁你收工去xx買xxx返黎。 (女人係情急智生咁要求佢响公司附近果間舖買返屋企)
男人：好。
星期五晚，女人放工返屋企途中，知道男人人唔响公司而身處另一地方。

私人傳訊回覆引用

onlylegalwife

洋房

積分: 64

10^#

發表於 23-6-18 01:27 |只看該作者

老公有知己，但老婆認為知己好有問題（10）

女人去到，開頭有打算去撞男人，但改變諗法。到較夜時間女人响附近打電話比男人，男人無接電話，女人再打都唔接。
隔咗一陣，男人回電。
女人：放得工未呀？
男人：未，仲有D嘢做
女人：我而家响XX（同男人同地點），啱啱同朋友食完飯。
男人（語氣即刻好緊張）係咩？咁你幾時走？
女人：就快。
跟住大家收線。
無耐女人離遠見男人好快咁行過，女人電話响起。
男人：你走果時搭咩車？
女人：梗係去xx搭啦。
收線後，女人梗係唔會話比男人知佢會用咩途徑返屋企，而係暗中再睇情況。
女人見到男人又返轉頭，四周徘徊。

私人傳訊回覆引用

onlylegalwife

洋房

積分: 64

11^#

發表於 23-6-18 01:28 |只看該作者

老公有知己，但老婆認為知己好有問題（11）

提示: 該帖被管理員或版主屏蔽

私人傳訊回覆引用

onlylegalwife

洋房

積分: 64

12^#

發表於 23-6-18 01:31 |只看該作者

老公有知己，但老婆認為知己好有問題（12）

西西事件薄（2）
西西曾經同男人講，女人情緒化，人家兩公婆嘅事，容得到西西比意見咩？
西西事件薄（3)
西西又推男人叫女人轉工，做呢樣好做果樣好，人家老婆的工作前途關你咩事？西西事件薄（4）
西西經常向男人放負，自己轉工又叫男人轉工。呢個唔係你嘅男人，唔輪到你多事。
西西事件薄（5）
而家嘅世代，有咩人會無payme,轉數快？西西唔止一次叫男人幫手轉錢交呢樣交果樣。佢自己都有仔，幫唔到手咩？無其他朋友咩？點解要揾我的男人去幫佢做咁多嘢？

私人傳訊回覆引用

onlylegalwife

洋房

積分: 64

13^#

發表於 23-6-18 01:32 |只看該作者

老公有知己，但老婆認為知己好有問題（13）

西西事件薄（6）
自己唔識去的地方，自己條仔唔同佢去，都可以問清楚，google map都查到啦！點解又叫男人陪佢去？

西西事件薄（7）
男人家有帛事，西西又差一腳，借問聲，你係咩身份？不知所謂。

西西事件薄（8）
數年前，女人夜晚11點幾打比男人：點解咁夜仲未返？
男人：我去咗西西屋企。
女人：你痴線架，你係有老婆嘅男人，去個單身女人屋企，即刻同我返屋企。
男人：佢條仔都响度。
女人：即刻返屋企。
今年，女人知道當晚西西屋企無其他人。正常嘅女性有自己嘅男伴，會相約其他的男人去自己屋企傾計？仲話自己屋企無人。呢樣係咩玩法？

私人傳訊回覆引用

onlylegalwife

洋房

積分: 64

14^#

發表於 23-6-18 01:32 |只看該作者

老公有知己，但老婆認為知己好有問題（14）

提示: 該帖被管理員或版主屏蔽

私人傳訊回覆引用

onlylegalwife

洋房

積分: 64

15^#

發表於 23-6-18 01:34 |只看該作者

老公有知己，但老婆認為知己好有問題（15）

西西事件薄（12）
西西問男人，自己死咗，男人會唔會為佢喊。如果男人死咗，西西會好傷心。
咁我祝你快D死！
西西事件薄（13)
西西問男人，梳起頭髮好睇定係放底頭髮好睡。梳起嘅話街上其他男人會望多幾眼，正一發姣嘅女人。
西西事件薄（14）
星期六日係family day,西西有約，但想約後見男人，憑咩要男人分時間比你？
西西事件薄（15）
男人同女人打算搬屋，西西又伸一腳幫手揾屋。要唔要預返間房定床位比你呢？

西西一日未死，故事未會完結，請大家用心等待聽呢個故仔，比女人抒發一下。

私人傳訊回覆引用

free2020

侯爵府

積分: 23941

16^#

發表於 23-6-18 01:46 |只看該作者

onlylegalwife 發表於 23-6-18 01:12
拍拖一段日子後，女人想自己搬出黎住，先行去揾屋，因為人工唔高，當年只可以去揾大劏房(當年都仲未興劏房 ...

洗唔洗開十幾個post呀

點評

茶類愛好者

發表於 23-6-28 08:26

私人傳訊回覆引用

varievarie

男爵府

積分: 6520

17^#

發表於 23-6-18 01:56 |只看該作者

歸納同一個post啦

私人傳訊回覆引用

onlylegalwife

洋房

積分: 64

18^#

發表於 23-6-18 02:02 |只看該作者

老公有知己，但老婆認為知己好有問題（16）

西西事件薄（16）
响女人疫情期間留家攤抖的時候，男人話西西有D，game唔玩住可以同我地交換玩，对我來講本來無問題，男人諗都冇諗就出去攞一啲佢認爲女人唔玩嘅game出嚟諗住攞俾西西。
男人諗都冇諗就去攞一啲佢認爲女人唔玩嘅game出比西西。咁女人就即刻問個男人，可唔可以問佢攞某只game翻黎玩。男人就即刻話可能人哋仲玩緊呢。咁女人就答翻佢，你問你都唔問人就即刻答我，但系你有冇問過我仲玩唔玩，你就即刻攞去俾人，你咁樣系咩態度咩意思啊。咁樣俾我嘅感覺就系覺得你會尊重果個女人，但系你冇尊重過自己老婆。

私人傳訊回覆引用

onlylegalwife

洋房

積分: 64

19^#

發表於 23-6-18 02:03 |只看該作者

老公有知己，但老婆認為知己好有問題（17）

西西事件薄（17）
話說，男人喺公司惹咗啲蚤翻屋企，搞到男人同老婆都要都要去睇醫生。男人幾經辛苦先至買咗到一只好勁藥性嘅滅蝨粉翻嚟屋企。但系用咗都唔系100PERCENT搞得掂。最後都系要換牀換牀褥。點知事發冇幾耐，西西就同男人講佢，屋企都好似有蝨，要問男人攞嗰樽滅蝨粉？男人同老婆講攞去比西西，老婆就唔同意，叫西西自己去買。果個唔係自己女人點解要咁緊張，佢殘廢㗎？

西西事件薄（18）
男人個個星期都要上汕尾工廠，女人諗到將淘寶寄去工廠，由男人帶返屋企。男人唔同意話好麻煩。點知，西西淘完嘢就寄去男人工廠，仲要攞埋比西西。