心聲留言

收藏本版
回覆 發帖
返回列表
跳至頁

首頁
1

尾頁
   1
hihi123ah


複式洋房

積分: 472


1#
發表於 23-6-26 01:28 |只看該作者
隨著親人離世，可能都會同自己講叫自己放低/move on. 通常話move on100個入面100個都只係將心事收埋，但未必能真正move on，一個原因可能係親人離世以前段關係入面有好多野仲等緊我地去做，去表達。

一段關係可能隨著親人離世而正式結束，但之前同親人相處之時會產生左好多事，而係關係正式結束之後呢D事仲等緊我地去完成。例如我地做錯事需要向佢道歉，佢做錯事需要我地原諒，佢幫助過你你好感激想多謝佢，你仲有好多野想講，而呢D事本來要去做就仲未去做；相處之中亦會產生好多感受，而呢D感受仲等緊我地去表達，例如相處之時我地會開心，傷心，無奈，焦慮，後悔，憤怒，欣慰，懷念...而呢D感覺仲屈係我地個心度，未好好咁一樣一樣咁梳理同表達出來。。。

所以就要完成番呢段關係入面要做既野：係未必能與對方坦誠和耐心對話既大前提下，將一段關係入面未道既歉道左佢，未原諒既原諒左佢，未多謝既多謝番對方，未鬧既鬧番對方，未讚既讚番對方，未講既感受一個一個咁講番哂出來。。。咁一段關係入面要做既野做左，要表達既感受表達左，呢段關係入面你無野需要再去做、再去表達，就可以話你已完成哂所有事情，所以就可以同呢個人正式道別，同埋正式係人生旅途中放下呢段關係。咁就可能可以move on到。

但move on 只係走去完成呢D野既其中一個原因，另外一個更重要既原因就係呢段關係無論最後如何，本身都係人生當中佔據一個好重要既位置。呢段關係值得我地係繁忙既人生中花少少時間坐底，完成番關係入面要去完成既事情，表達番未表達既感受。

咁具體可以點做?
私人傳訊回覆 引用

hihi123ah


複式洋房

積分: 472


2#
發表於 23-6-26 01:32 |只看該作者
搵個安靜既地方，私下寫一封信，將(以下只供參考，可自行選擇/加減/更改)：

有遺憾，如果可以想再重新再來過既事
感到後悔，希望當初唔好咁講/做既事，同埋如果俾你揀，你希望當初係點樣對佢(例如對佢做/唔做/講/唔講D咩)
如果有得選擇，你想佢當初點樣對你
你心入面曾經對呢段關係有過既期望/憧憬
未能達成既願望，理想，期待
對方做錯，令你好傷心/好嬲的時候
關係入面受到既創傷/冤屈/不公
覺得受輕視，唔重要，被擺埋一邊既時候
感覺驚恐，焦慮既時候
你願意/唔願意原諒對方既事
令你感到矛盾，掙扎，茫然，不知如何面對既時候
屈係內心既諗法/感受
感受到快樂及善意，所以想多謝對方既事
對方既照顧及付出
想永遠停留係度的美好時光
感動既時刻
覺得受重視，被珍惜既時候
自己被溫柔對待既時候
最後想對方知道既心聲

完完整整，仔仔細細咁表達出來。
不論大小，誰對誰錯都好好咁寫出來。
歡樂同淚水，滿足同遺憾，憎恨同記掛都寫哂出來。
呢D都係好重要既回憶，係人生中不可磨滅既一部分。無論結果如何，都值得去完成番未完成既事，同埋將自己收埋左既感受仔細咁寫出來。

如果件事為你帶來好既感受，寫完果件事之後可以係信度好好多謝對方。
如果係件事入面你認為對對方唔住，寫完果件事之後可以係信度好好向對方道歉。
如果果件事對方做錯而你係嬲對方/好有怨氣，寫完果件事之後就係信入面正式原諒對方，但原諒之前想指責對方做得唔好既地方就指責番，並且清楚寫出因為咁當時你受到咩傷害，而佢係應該點樣對待你的。
當然唔一定所有負面經歷/感受都一定會係嬲對方/好有怨氣，例如件事入面你只係傷心/失落/遺憾/無奈/掙扎/不安，咁可能就未必有野要需要被原諒，對方亦未必會有野你係想鬧/指責的，咁就要好好諗下你真正需要既係D咩，係理想中件事應該係點樣的，以及佢係會如何對待你的，之後係信入面仔細咁描述出來。

最後係信入面寫下再見，同呢段關係，同佢，好好咁講再見。

如果可以，將呢封信讀俾信得過既人/輔導員聽。
唔得就當佢係你面前，清清楚楚咁講一次俾佢聽，將心底話好好咁講出來。


***請注意，封信係唔寄出去的。
之後視乎唔同人既選擇，可以銷毀信件，作為人生中一段重要關係既休止符；
亦都可以選擇保留信件，在適當時間拿出來回憶。
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見