唔係唔鬧就好關係,事實係要賞罰分明,就算鬧都唔代表唔愛錫,唔係單純同仔女做朋友就可以關係好,父母始終有父母嘅責任同特權,要建立仔女對自己嘅信任,自小養成佢地有咩都同父母講。
我係由仔女好細個開始每晚食飯就講每日發生嘅事,最初係問下仔女去幼稚園有咩玩,同邊個同學玩,有冇瞓晏覺等,同事我同老公都傾下我地返工所見所聞,仔女慢慢大就參與話題,佢地有疑問就問,問完我地解答,以前仲有bed time talk。而家兩個仔女都高中就升大學,我同個女比較close,因為女生話題多D,而且我地一齊去學跳舞,有時沖涼,我地會坐喺浴室出面同對方傾計,我去買餸,仔女陪我去幫手拎嘢,順便傾計。
仔女算係好乖,但都唔係唔會做錯嘢闖禍,我同老公鬧完處理完會同佢地解釋佢地嘅決定/行為有問題,不同決定會帶來咩後果,細個要俾佢地試過錯過先會識得點樣做決定,過份保護唔得,太過自由又唔得,不竟而家世界太多壞人。
花旗太太生活在花旗國,留意時差,你問我未必即時答到。