得罪講句,壓力大部分都係家長比既,小朋友讀緊一線小學精英班,默書評估功課一向都係佢自己負責,佢開口我先幫。
3點幾返到屋企,食啲嘢休息下先開始做功課,5點落公園玩到6點幾返屋企,7點左右食飯,食完飯之後睇吓佢要唔要溫書,之後就係佢嘅free time ,課外書、睇電視、玩玩具,9點左右刷牙,傾吓計然後上床訓。
至於興趣班,星期一6-7pm跆拳道,佢自己鐘意嘅,星期三游水,我要求嘅,星期五上門6-7:30補習,我抖下氣,星期六畫畫,佢鐘意嘅。星期六、日早上都會溫下書,30-45分鐘,唔可以耐,我頂唔順始終讀書嘅係佢唔係我,我唔想變成我嘅責任。