我對SEN有一定認識,但對佢評估嘅方法、準則唔認同而已。
無錯,好多專業人士都有SEN特質。而呢D所謂SEN特質,係近呢十幾廿年開始被廣泛認同,然後作為評估是否有特殊需要的準則。但上面我都提過,大部分呢D準則,都非絕對科學,好似驗血咁驗證到出來。於是,結果係標準可以愈set愈高。
其實,你所講嗰D不自知有SEN的成年人,尤其有成就嗰批,有冇人統計過,佢哋在無被標籤和無接受training 底下成長,有幾多%有你所講的「因為自身的小眾SEN條件但要適應大眾準則的日常生活而造成的問題,內心的焦慮壓力等等問題」?
有冇人去研究吓,究竟被標籤問題大D,定不被標籤問題大D?
呢批人,在不被標籤,沒有training 下成長而能夠在社會爭取到過人成就,咁佢哋被標籤的需要在哪?假如佢哋並沒有感受到你所講的焦慮和難以適應的話。
我之所以咁講,係因為我有認識過都幾多呢類已成年,算是社會上比較有成就,而用現在標準睇,小時候有SEN特質的人。由於我對呢個範疇有興趣,所以我會問佢哋一D問題去了解一下。佢哋大部分無你形容嗰種焦慮,成長過程無所謂適應問題。我估計係因為當年的社會,並沒有如今日般咁去標籖咁多唔同特質的人。