因為自己身體出現左呢個問題,嘗試上網搵相關資訊, 但好少… 所以想借呢度少少位, 紀錄下又好, 分享下又好, 希望將我自己既經歷幫到將要做宮腔鏡既朋友仔.
2020年因為月經失調, 斷斷續續食過幾次 “Norethisterone”調經, 2021年把心一橫, 入院做宮腔鏡, CHECK下乜事… 結果發現子宮內膜有一粒1cm長既息肉, 即時割左, 之後再食3個周期既“Norethisterone”, 好番2年.
2023年4月份又有失調既跡象… 突然之間無經期,
之後5月又正常番…到6,7月既月經得幾滴, 當時心知不妙..去左做陰道超聲波. 但又無乜發現. 結果8月份既月經真係再次失調, 又係唔識停….
我見超聲波無異樣, 西醫又話荷爾蒙問題, 咁我咪食中藥調理囉. 調左成個月, 藥粉/針灸/拔罐乜都試晒, 都停唔到D血. 反反覆覆.. 最後選擇食荷爾蒙藥, 同埋去左荃灣港安睇專科門診睇另一個婦科醫生, 醫生話過40歲, 做宮腔鏡排除子宮病變… 結果出來, 又係內膜息肉, 今次仲要係差唔多4cm…化驗結果係良性, 無增生, 無病變, 總算叫做安心番, 但係息肉兩年再番發, 而超聲波又照唔倒…真係好擔心佢2年後又番發…
講番個宮腔鏡手術先, 2次宮腔鏡手術既分別.
1) 兩年前, 手術前要食1粒放鬆子宮既藥, 食左之後子宮收鬆, 個人好辛苦, 好肚痛, 好唔舒服. 但今次既主診醫生, 佢知我兩年前對呢隻藥既反應, 佢話唔洗我食, 只係在手術前幫我塞2粒藥響陰道就可以了, 果然塞左藥, 我係無任何痛既感覺. 真係要感恩.
2) 兩年前, 係全身麻醉, 而今次係醫學監測麻醉, 所以醒番都唔覺累同唔覺太眼訓, 好快可以食番野同落床行.
3) 兩年前, 主診醫生開左抗生素同止痛藥比我食, 今次既主診乜藥都無開.
至於“Norethisterone調經藥, 21日停7日, 食3個周期:
(第一個周期, 每日3次) 我係由10月23日開始食既, 11月3日做手術. 食到11月13日(完成第一個周期21日) 呢後時間, 都一直有少量血流出, 我唔知係傷口血定係食左Norethisterone都無效, 繼續有血出….不過反正少量, 就先觀察.
(11月15日來經, 直至11月20日, 6天都係鮮紅色, 未有停既跡象, 就要開始第二個周期既藥, 所以都要再觀察, 睇下究竟開始食番呢隻藥後幾天, D血停唔停先)
(第二個周期, 每日2次), 11月21日(今日)開始食, 又係血未停,就要開始最後一次周期既藥, 不過今次食第一粒藥後, D血就停左(早上食,晚上已經啡血了).. 一直食食食, 食到1月8日.最令人期待既日子終於到了.... 停藥後, 等左2日, 1月11日開始月經, 究竟今次識唔識停呢..日日都響到諗, 真係好擔心. 去到1月16日, 即係第6日都仲係紅色鮮血...當時個心好灰... 心情好低落, 每次去廁所都好緊張... 結果第8日終於見到啡色既血....之後2日就慢慢咁停左血到現在(更新時間:2024年1月29日)
發表於 
愛情是：當感覺、熱情和浪漫統統拿掉之後，你仍然珍惜對方．
返回列表
