Baby Kingdom - 親子王國 香港 討論區 › 首頁 › 少年成長› 冇辦法

少年成長

收藏本版
回覆 發帖
返回列表
跳至頁
冇辦法 [複製鏈接]

首頁
1

尾頁
   0
csir3290


子爵府

積分: 10992


1#
發表於 23-11-26 10:24 |只看該作者
早幾日同啲親戚食飯，大家不其然嘅話題都係去到啲仔女度，尤其係大家啲仔女都差唔多年紀嘅話，話題大部分都係集中喺自己仔女身上。其中有個親戚佢個仔同我個仔差唔多大，大家都係今年入中一，但係佢一講到自己個仔，就皺曬眉頭成日話冇辦法教佢唔掂。

佢話個仔自從升中一到而家開咗學都係兩個零月，但係就已經成日收到學校老師打電話嚟投訴話佢個仔欠交功課，仲成日都要留堂補做功課。佢又覺得自己個仔唔夠勤力成日玩手機，啱啱過咗測驗當然成績都係非常知唔好，佢話對住個仔真係冇曬辦法，鬧又鬧過，但係就係搞唔掂，連起碼交齊功課都做唔到，搞到成日畀老師投訴，而個老豆就覺得好冇面因為學校成日打嚟投訴。我問佢點解覺得冇辦法，佢話佢同老婆都要返工，屋企就得個工人睇住個仔，兩公婆放工返到嚟個仔有陣時都可能已經食咗飯，就自己喺房度打遊戲機或者玩電話，有陣時可以話係全日都冇乜時間見到個仔。佢話每一次學校打電話嚟之後，佢都有即刻話個仔，個仔跟住就應承佢會交齊功課，但係一次又一次，直至到下一次老師又打電話嚟，佢先知道個仔又是欠交功課。佢話如果唔係今次測驗派成績表，佢都唔知個仔原來啲成績咁跟唔到。佢話對住個仔真係已經冇曬辦法，鬧又鬧過，老師打嚟投訴，佢唔係唔理佢，次次都有話個仔，但係都唔知點做，佢話佢連同老師講都係話畀老師聽佢冇辦法，因為兩公婆都要搵食，自己學歷又唔高又唔識得教個仔做功課，而且返到屋企嘅時候好多時個仔都已經喺自己房入面。

一路聽佢喺度呻，其實我都有啲忟忟哋，幸好呢個親戚都算係比較熟，大家都傾到偈我先至直接同佢講，其實你成日都話冇辦法，如果做家長都冇辦法，咁邊個可以有辦法教到你個仔呢？講真佢只係旨意學校老師去教，但係做唔做功課或者溫唔溫習，如果家長都唔理都唔知老師又點教到呢！其實講真我都覺得佢個仔學校啲老師都已經算係負責任，會通知家長佢個仔欠交功課，亦都會嘗試留低佢個仔喺學校補做番啲功課。但係如果啲家長都係成日同學校講話自己冇辦法，咁學校又有啲乜嘢方法呢！

我話我都明白佢哋放工可能都夜，但係既然出咗咁多次事，學校已經咁多次投訴，點解唔借住呢個藉口要個仔每一晚做完功課都擺出嚟畀佢哋檢查一次呢！就算你唔識睇佢啱唔啱，就算只係數數量對番佢有冇做齊，其實都可以做到。點知佢又話都唔知個仔有冇寫齊手冊，咁我話其實老師都肯想方法幫手，你咪打電話同個班主任傾下，睇下會唔會可以幫到手，每日請同學檢查咗佢本手冊寫齊功課未，咁夜晚咪可以跟住本手冊數齊佢啲功課從而減少欠交功課。其實每一次咁投訴，連佢個仔都知道佢父母冇辦法，所以咪繼續係咁囉！佢個仔唔係壞，只不過係比較懶散，所以只要佢覺得自己家長都開始緊張，而且會嘗試用唔同方法嘅時候，其實佢個仔都應該會上心啲！佢哋之前冇習慣檢查功課，而家趁佢仲係中一可以改嘅時候，就應該改變下佢啲生活習慣。至於溫書方面，如果自己真係幫唔到佢手，就真係可能要諗下會唔會畀佢去啲補習班或者請人哋幫下手。或者試下問下學校，睇下學校有冇啲溫習班畀啲同學參加咁。

總之做家長唔好成日將「冇辦法」呢三個字掛喺嘴邊，講真如果我係老師成日聽到啲家長都係話冇辦法又唔合作，咁學校又有啲咩辦法可以做到呢？就算學校有辦法都要個家長肯合作先至可以有機會成功。好似我呢位親戚咁，成日以為鬧咗就已經解決咗，佢覺得已經鬧咗但係個仔都唔改善所以就冇辦法，其實除咗打鬧之外，我相信總會有方法，只不過係家長肯唔肯擺心機同時間落去，總之如果家長自己都覺得冇辦法，其實仲會有邊個有辦法可以幫到自己嘅仔女呢！
私人傳訊回覆 引用

appledai


伯爵府

積分: 19564

BK Milk勳章


2#
發表於 23-12-5 13:00 |只看該作者
樓主好提醒，不能總是「冇辦法」掛嘴邊。要積極尋求解決問題的方法，自己「冇辦法」可以向外求
私人傳訊回覆 引用

肥pat


複式洋房

積分: 147


3#
發表於 23-12-12 18:08 |只看該作者
csir3290 發表於 23-11-26 10:24
早幾日同啲親戚食飯，大家不其然嘅話題都係去到啲仔女度，尤其係大家啲仔女都差唔多年紀嘅話，話題大部分都 ...

我都好明白，無野係無辦法。
但人總有百幾款性格，有啲真係好難攪，個細路係都做唔齊功課，可以點？？已經日叮囑，夜叮囑，我又唔可以捉住佢隻手幫佢做，佢唔郁可以點？？成績唔好搵補習，已經搵私補，跟出跟入帶埋佢去，補2個鐘遲到大半個鐘或臨時唔出門口， 咁大個人可以點？抱佢去？？？去得到，每一堂阿sir 出黎都係講返，佢唔做，佢唔諗。可以點？？？
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見