懷孕前後今日: 7|主題: 329730

收藏本版

回覆發帖

返回列表

跳至頁

查看: 10754 | 回覆: 2

宮外孕的身,心路歷程, 給一個警醒 (長編文) [複製鏈接]

AngelVenus

別墅

積分: 775

2024年龍年勳章

1^#

發表於 23-12-11 16:41 |只看該作者 |倒序瀏覽 |打印

本帖最後由 AngelVenus 於 23-12-11 16:53 編輯

前段時間知道自己無來M已經即時驗孕知道自己有左, 真係好開心, 因為里胎係第二個,同大囝相隔9年幾, 另一伴終於點頭願意, 但係好奇怪驗孕條線真係超淺...
好景不常, 係知道自己有左前後日子都有肚痛, 腰痛同埋開始流啡,
我自己之前生過一胎從來都無試過禁, 最多好後期流血入過醫院1日到,
當時已經上網去search到底咩問題, 睇下有無其他人係禁,
見到有D姐妹話有試過, 最多去到睇私傢醫生俾安胎藥再返屋企臥床休息, 或係去醫院叫你留院一晚檢查完無咩事就放你出院. (其實個人覺得起碼醫療儀器齊全, 都係浪費你一日時間, 檢查早日知道自己咩事,
無事都可以放心D阿~我唔係話個個有咩事都去浪費醫療資源, 自己個人情況取捂啦)

我等左幾日由淺啡去到深啡再去到出鮮血(出血量少過M血好多), 一路肚持續痛左幾日,
真係發覺有問題唔對路就即時book政府街症再囉住醫生封信直接搭的士去醫院
(本人係住元朗區, 前一胎生前生後小朋友既經歷就係!! 你千祈唔好去博愛!!! 因為往往玩你1,2粒鐘先轉你去屯門)
所以唔好浪費你既時間記得一定要去屯門醫院! 係直接去!
其實當我係街症(容鳳書)診所醫生同我講我懷孕出血情況係唔正常叫我盡快去醫院時我已經喊到咩禁,
因為我真係好擔心, 好在我當時既醫生係一個好醫生佢不停安慰我, 連D姑娘都好關心我, 好感動...

搭的士去到屯門醫院(另一伴去左開會做野走唔開), 唯有令自己冷靜強大去面對,
去到急症佢地知道我情況加上係懷孕所以一切都好快, 放左我係緊急輪侯,
好快就有醫生幫我check, 我個人好驚鴨嘴鉗事關曾經博愛有個急症醫生粗魯對待, 當其時差幾個月生得,
無提示之下一野就來攪到我又痛又出血.... 好在今次係屯門提前同個醫生講佢話會溫柔慢慢來叫我唔好驚,
佢同我講因為我週數淺有經會睇唔到, 所以要用兩個方法幫我
第一個就係先用超聲波, 如果照唔到就要簽同意書, 第二就係放一支儀器入去照
如果兩個方法都搵唔到, 就會懷孕係宮外孕....

好不幸地....我真係試左兩樣都睇唔到, 醫生就好快安排我上左房到留院觀察
當晚分別有實習醫生同婦科醫生去問症同入房檢查都係得到同一個答案,
BB唔係子宮到反面見到子宮外有影..所以佢地安排我做抽血做荷爾蒙測試, 即係睇下懷孕指數,
如果好低即係宮外孕機會好大...因為唔係一個正常既懷孕...
醫生亦都有好凝重地解釋, 宮外孕係好危險, 嚴重情況係係入面爆左會失去人體既50%血係會有機會死的,
會即時肚痛到暈低同失血過多, 所以真係要好小心! 因為我另一伴既媽咪(禁當初好多年前啦) 醫學無禁先進,
佢自己又唔知結果爆左要成個切左所以一世都無得生育...

到左覆診日報告出左...當時指數得雙位數...好低...醫生已經好肯定禁講係宮外孕...
安排再次入院, 醫生話因為要做2次先有比較, 所以留院抽血等第二次報告, 結果指數係升既...

醫生話好在我發現得早可以好多選擇
1.佛係咩都唔做等個荷爾蒙指數下降禁就恭喜我, 如果不跌反升...就等如如明顯仲生長緊怕爆既風險...
2.打針 (抗葉酸）醫生叫化療, 有副作用會嘔唔舒服唔可以飲酒唔可以爆曬唔可以做劇烈運動, 有D人無事,
打左針會額外提高10%宮外孕風險, 本來已經有宮外孕之後都會一直有里個風險, 但唔代表你唔可以再有BB wor
你一樣都有機會可以成功順利懷疑再生產wor, 打左針三個月唔可以行房, 醫生建議最好六個月後,
如果想有健康既BB最好一年後先再做bb
此針手尾長, 因為之後間唔中要朝早返去睇下指數升跌情況, 正常醫生話一般人打一針就OK,
但都會有15%失敗既機會要再打第二針
3.切一半, 醫生話正常懷孕排卵唔係雙邊出, 係單邊出, 就算無左一邊第二邊都會順利排卵懷孕生產

如果係你, 你會點選擇呢?

最後我作出左了選擇, 休息左一排後已經正式返返工, 好在公司體諒, 因為公司病假要連4日先有4/5,
所以打工既記得睇清楚自己公司政策自己同醫生商量, 如果唔係錢都無埋=.=

係到希望我自己個人既經歷可以幫到得到里方面既知識及理解,
當中最難過係有左既喜悅及失去既心情...最重要既係有家人既支持係最緊要,
唔開心既搵信任既人傾訴, 千祈唔好唸到太差, 係你既總會係你既會來既! 有成功既案例ga~

以上係靠自己既金魚記憶記下, 如果有咩唔岩, 請留言更正, 原諒! 謝謝!

希望各位唔好灰心! 加油! 努力! 打打氣! 之後好好養好身體調理! 迎來新生命的到來!

P.S 原來我地一直都係有錯誤既思想! 葉酸係你"準備" 懷孕 "前三個月"就要開始食ga啦!!!
唔係有左先食阿!