少年成長今日: 2|主題: 15859

收藏本版

回覆發帖

返回列表

跳至頁

查看: 23563 | 回覆: 0

教養 [複製鏈接]

csir3290

子爵府

積分: 10992

1^#

發表於 23-12-17 11:16 |只看該作者 |倒序瀏覽 |打印

近呢兩星期都喺網上啲車cam片段度睇到有家長拖住啲細路仔違例過馬路搞到畀車撞到，不約而同都係兩個阿媽拖住啲細路過馬路時發生意外，而佢哋都係話因為趕時間所以咁樣過馬路而最終發生意外。又係成日都提到嘅有啲家長把口就教細路仔要守規矩，但係自己做出嚟嘅就另外一套，好似呢兩宗意外咁發生咗先至後悔。趕時間同唔方便就成為唔守規矩嘅藉口。咁啱琴日睇報紙專欄就睇到一篇文章，主題就正正係講細路仔嘅教養唔係真係教返嚟係睇返嚟嘅！喺邊度睇呢？正正就喺家長身上睇返嚟從中潛移默化而學到嘅。

有啲家長以為成日用把口同細路仔講要守規矩要有教養要有禮貌，細路仔就會學到，冇錯細路仔成日聽，但係就喺自己家長身上睇唔到佢哋有咁樣做。教細路仔忍耐但家長少少事就大發脾氣；教細路仔守規矩但係一話趕時間同唔方便就乜規矩都唔守；教細路仔有禮貌，但係自己就一啲禮貌都冇，見到人都唔打招呼；教細路仔要欣賞但係自己就事事奄尖埋怨等等，實在有多不勝數嘅例子。

最慘最極端嘅，就係有啲家長以為乜嘢都係由學校去做，連基本嘅教養責任都交曬畀學校，以為由學校教咗就得，冇錯我相信香港嘅學校係真係有教呢啲品德教育，但係最慘就係學校教一套，屋企又見到另外一套。到有事嘅時候或者細路仔畀人話冇教養嘅時候，就將責任推畀學校，話學校教得唔好話學校冇教。

所以其實好同意琴日睇到嗰篇文章講，一個細路仔嘅教養並唔係用聽就能夠學到，最重要係用眼睇，由家長身上睇到學返嚟，話一個細路仔冇教養其實係一個好嚴重嘅指控，就正正係話緊呢個細路仔嘅家長本身其身不正！家長以為成日用把口有講就係教咗，但係原來教養其實就係嚟自家長日常嘅一年一行，對細路仔嘅潛移默化同埋影響。當然聽到人話自己嘅仔女冇教養嘅時候，家長當然會好嬲，但係更加重要嘅就係反省自己究竟喺日常生活入面有冇盡到教養嘅責任，教養唔係淨係盡咗養嘅責任就可以，更高層次既係要令到細路仔成為一個品德良好嘅人。作為父母嘅真係時刻要反省下自己有冇盡到令細路仔成為一個有教養嘅人嘅責任。要細路仔有教養，父母就先要自己以身作則成為一個有教養嘅人，成為細路仔嘅榜樣。

0 0 0

私人傳訊回覆引用

跳至頁

返回列表

上一主題 • 下一主題

回覆

發帖

頻道

討論區

熱門搜尋：

少年成長 今日: 2|主題: 15859

少年成長今日: 2|主題: 15859