少年成長今日: 2|主題: 15859

收藏本版

回覆發帖

返回列表

跳至頁

查看: 26007 | 回覆: 3

怎樣的父母教出怎麼的孩子 [複製鏈接]

csir3290

子爵府

積分: 10992

1^#

發表於 24-1-7 11:38 |只看該作者 |倒序瀏覽 |打印

呢兩個星期，因為工人姨姨放咗假，所以差不多日日都要食外賣，於是趁放假就成家一齊出去食晚飯，嗰日食飯之前行下行下，就行咗去灣仔海濱，原來嗰度剛剛放咗部舊款火車喺嗰度做展覽同保育，咁當然唔放過機會影吓相同上去睇下，可能假期關係所以好多人，亦都好多家長帶埋小朋友喺度睇，當時已經發現好多小朋友當嗰架展覽嘅火車係玩具不停咁喺度跑嚟跑去同玩道車門，而啲家長就好似放養一樣由得佢哋跑嚟跑去，由於多人所以叫做影咗兩張相就離開。後來喺網上面睇到好多關於呢架火車展覽嘅事情，其中原來近排炒得好火熱嘅兩條網上短片都係同呢架火車有關。

第一條就係有個細路仔喺度玩緊道火車門，由於咁玩法實在有啲危險，所以有其他人出聲干涉，其實都只係提下佢唔好玩門，但係呢個細路嘅家長就反應好大，覺得個細路仔只係玩吓，而且玩門都冇乜影響，點解其他人要出聲，呢個細路仔嘅家長仲越鬧越大聲，鬧到好似想打人咁，當然其他人都出聲回應佢，仲要講到好似想打交咁，要其他人分開呢對家長同埋其他人，但係重點係忽然之間，呢個細路仔好似情緒失控咁喺度大鬧其他人，仲話要打死其他人。而佢個家長都仲繼續喺度鬧，片段去到呢度就完結。最多人討論嘅就係個細路點解會鬧到咁情緒失控。但係睇返呢段片，其實一啲都唔出奇，因為見到呢個細路仔嘅家長你就會明白，究竟點樣嘅家長先至可以教到一個咁情緒失控嘅細路仔呢！如果個細路仔係正常嘅，睇片段佢都只不過係未夠十歲嘅一個細路仔，咁究竟係邊個教到佢唔懂得控制自己嘅情緒，唔懂得去反省自己有冇做錯，當有唔如意嘅時候就情緒失控咁去鬧人呢！

另一個片段我就更加覺得好笑，又係因為細路仔玩度門，呢個細路仔又係畀人話，跟住個細路仔就去話畀自己個阿媽聽，因為個阿媽當時喺度講緊電話，根本就冇留心自己個仔，佢個仔同佢講話畀人話嘅時候，個阿媽即刻大發雷霆，要搵話佢個仔嘅人出嚟。片段影到個阿媽搵到話佢個仔嘅後生仔，個阿媽不停鬧嗰個後生仔，話佢做乜要講粗口鬧佢個仔，但嗰個後生仔一路否認自己有講粗口，只不過係勸佢個仔唔好玩道門，個媽繼續不停問過後生仔點解用粗口鬧佢個仔，話佢唔應該講粗口。但呢個片段最好笑嘅係，呢個阿媽其實自己不停講緊粗口鬧緊嗰個後生仔，差不多每一句說話都有粗口。佢不停用粗口去話人唔應該用粗口話佢個仔。最後又係好似情緒失控咁，講到又要打又要鬧，最後仲要勞動到啲保安出嚟勸交。一個咁樣嘅媽媽，雖然佢好似好保護自己個仔咁，但係佢會教出一個點樣嘅細路仔呢？

其實呢兩位家長所做嘅嘢只不過係冰山一角，網上面大把呢啲所謂生仔要考牌嘅片段。而家人人手上面都有部手機，個個都當自己係記者，其實做家長嘅就更加應該小心自己嘅言行，可能呢兩位家長唔怕畀人擺上網，因為覺得自己做得啱，但係你想像下呢啲片段流到去網上面，如果畀個仔啲同學老師見到會有咩反應呢？又會點睇佢哋嘅細路仔呢？最慘嘅係呢兩位家長會教出一個點樣嘅細路仔呢！生仔而家真係唔需要考牌，學歷高又未必懂得教仔。但係肯定嘅係有修養嘅父母先至可以教得出有收修嘅細路仔。