吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 【信邊個好？】李聾基女友被爆曾西雅圖徵婚借錢唔還 ...

自由講場今日: 233|主題: 1301872

收藏本版

回覆發帖

返回列表

跳至頁

查看: 4828 | 回覆: 41

【信邊個好？】李聾基女友被爆曾西雅圖徵婚借錢唔還 [複製鏈接]

12 3

唔係細路

男爵府

積分: 9706

1^#

發表於 24-1-19 10:23 |只看該作者 |倒序瀏覽 |打印

本帖最後由唔係細路於 24-1-19 13:52 編輯

https://www.facebook.com/as1hk.entertainment

李龍基「有米」未婚妻Chris
被爆曾在西雅圖徵婚
2018年向落疊男借3萬美元後失蹤
借貸短片曝光
Chris反駁借錢唔還指控出示還款「證明」︰
“同年7月已經一筆過還番畀佢”
提供「學費單」多處串錯字現改稱是學校「報價單」
============

73歲 #李龍基，4年前與比自己年小36年的內地未婚妻 #王青霞(#Chris)譜「父女戀」，還自誇仍有心有力，絕對可維繫感情。又聲言已將手上七個物業轉到未婚妻Chris名下。怎知原定去年底再婚娶嫩妻的他臨門撻Q，理由是Chris家有白事，婚期押後，令李龍基非常失落。

0 0 0

私人傳訊回覆引用

唔係細路

男爵府

積分: 9706

2^#

發表於 24-1-19 10:24 |只看該作者

李龍基不單因此被網民取笑為「提款基」，他眼中的「專才」未婚妻，琴、棋、書、畫皆精，又識揸飛機的人設下，卻被網民發現Chris多幅畫作，在淘寶竟有一模一樣的畫出售，被質疑她PM淘寶商家，搵人畫！

上周李龍基偕Chris一起接受傳媒訪問，反擊關於Chris被指貪圖他的財富、及曾「坐枱」傳聞。李龍基堅稱未婚妻出身富裕家庭，王家在佛山設廠從商，Chris 10歲時被家人送到外國留學，接受精英教育。不過報道出街後，網民指Chris曾在社交網出示的學歷，包括「Stanford Undergrad Diploma學位」，及訪問時出示的大學學費單，統統被發現破綻。

私人傳訊回覆引用

唔係細路

男爵府

積分: 9706

3^#

發表於 24-1-19 10:24 |只看該作者

【被KOL Tsar Pang爆料酒店房拍借貸短片】
，自稱有米的Chris日前又有新嘢被揭。#SmartTravel頻道 KOL Tsar Pang爆料，稱獲報料者提供一條獨家短片，片中王青霞對住鏡頭，神色有點尷尬的說︰「本人之借款，於2018年3月30日，借款3萬蚊…」然後鏡頭由王青霞移到她身後坐在梳化的男子，不過該男子事後被Tsar打格借樣，才能播出。
片中背照是在酒店房，Tsar複述報料者提供該片段的來龍去脈，Tsar先說︰「中間佢(王青霞)講咗一個人名，但報料者唔想借錢俾佢(王青霞)嘅人名字曝光，所以我mute咗，至於打格仔係個男人，年約30—40歲，樣貌不錯。

私人傳訊回覆引用

唔係細路

男爵府

積分: 9706

4^#

發表於 24-1-19 10:25 |只看該作者

回覆樓主：

本帖最後由唔係細路於 24-1-19 10:35 編輯

【被指向落疊男借錢後無影】
「2018年3月，Chris喺美國西雅圖登報徵婚，自我介紹係飛機工程師之類，呢樣我唔排除佢係嘅，話自己識得揸飛機。結果有個男人中招，報料者就係呢個男人嘅家屬，對方指當日男方約佢出嚟見面，及有發生關係

私人傳訊回覆引用

唔係細路

男爵府

積分: 9706

5^#

發表於 24-1-19 10:25 |只看該作者

回覆樓主：

本帖最後由唔係細路於 24-1-19 10:35 編輯

，之後呢個 Chris同佢講︰『自己有做生意，但一時周轉唔嚟，可否借3萬蚊美金俾我，之後還番俾你。』，相識咁短時間借3萬美金，即約廿幾萬港紙，話多唔多，話少唔少，加上一個剛相識嘅人，佢唔放心，所以要求拍呢條視頻(作為借據證明)。」至於片中背景是酒店房，Tsar謂︰「上酒店房做乜嘢呢！」
Chris在上周訪問講到家境富裕無憂，還說父親一度反對她與老龍基拍拖，開出送股份及送電動車Tesla的豐厚條件，希望李龍基離開女兒。但原來2018年，Chris連3萬美元都要問人借，她的富爸爸到底去那兒。借完之後有無還？ Tsar 續道︰「借完錢之後，人唔見咗失蹤，個男人想搵佢都搵唔到。」

私人傳訊回覆引用

唔係細路

男爵府

積分: 9706

6^#

發表於 24-1-19 10:25 |只看該作者

【廣州女子狙擊】
事情未完，還越揭越多！Tsar說︰「之後個男人終於搵到女朋友，女友係一名廣州人，久不久飛去西雅圖見男友。」她指廣州女子得悉Chris曾在她男友身上的所為，即展開一場內地女對決內地女。因廣州女友知道王青霞現是李龍基未婚妻，對方聲稱去年5月來港，到尖沙咀警署報案。

私人傳訊回覆引用

唔係細路

男爵府

積分: 9706

7^#

發表於 24-1-19 10:26 |只看該作者

【認拍片紀錄借錢 3個月還多4000】
就此事，《娛壹》致電李龍基了解，他隨即把電話交給身旁的Chris，還叮囑她勿動氣。對於那條借貸短片，Chris直認不諱，不過她說的又是另一版本。首先她稱有還錢，「我當時因為公司周轉不靈，又打緊官司，所以2018年3月問佢借，同年7月已經一筆過還番畀佢，我未可以一次過還晒之前，我每月一千一千咁過畀佢，其實佢額外賺咗四千蚊。我以為還咗，條視頻會刪除，點知仲留住。」她稱當時從事飛機零件採購生意。

私人傳訊回覆引用

唔係細路

男爵府

積分: 9706

8^#

發表於 24-1-19 10:26 |只看該作者

【家境有米幾十萬要外借】
明明家人從商，生活富裕，點解唔係向家人拿三萬(美元)解決燃眉之急，而要問外人，還要拍下借貸短片，Chris咁樣拆︰「因為當時兩國打緊貿易戰，被迫停止生產，我家人匯款畀我亦好遲先收到。如果我冇還錢，佢大可以同我對質。」聽着未婚妻解釋的李龍基，也在旁說︰「我係公眾人物，要搵佢同我唔難呀。」之後她發了兩張截圖給《娛壹》，其中一張是2018年7月3日，轉帳銀碼$30,000 ，顯示帳號其中數字「85xx」，另一張截圖是美國銀行帳單，資料顯示一名姓歐陽的人，帳號其中數字是「85xx」。不過未知是否有關連。

私人傳訊回覆引用

唔係細路

男爵府

積分: 9706

9^#

發表於 24-1-19 10:27 |只看該作者

【Chris︰我使乜徵婚呀！】
Chris非常激動︰「我使乜徵婚呀！冇發生關係。如果我同佢只係發生過一次關係，就可以借咁大筆喎，佢都幾大度，除非佢好捨得使錢。如果當時我唔係騷畀佢睇，我有間咁大公司同持有嘅股份，佢會唔會咁戇居借俾我。(記︰你哋係點認識？)係朋友，美國有啲團契，喺呢啲地方認識。當時我話俾貿易戰搞到好煩，佢話借俾我無問題，你錄條片俾我啦。
「我以前喺西雅圖住過一段時間，咁啱嗰次我要返西雅圖攞啲嘢，所以問佢借呢筆錢。當時無錯，佢係有請過我食飯，但我住嘅酒店，機票全部由我自己畀，如佢所講發生關係後借呢筆錢，咁點解我要畀呢個酒店錢…」

私人傳訊回覆引用

唔係細路

男爵府

積分: 9706

10^#

發表於 24-1-19 10:28 |只看該作者

報料者在Smart Travel頻道對她另一指控，稱曾有一名王青霞女子，去年在尖沙咀一間名為奧斯汀補習社任教，之後被炒魷，Chris斬釘截鐵︰「冇！我冇喺度返過工，不過我承認我有去過間學校，因為我朋友開嘅，當時搞過一帶一路講座，我有出席一啲例如乒乓球活動，有去過參觀同影相。至於嗰個人話報咗警，到而家未有警方聯絡我。」

私人傳訊回覆引用

唔係細路

男爵府

積分: 9706

11^#

發表於 24-1-19 10:28 |只看該作者

【FB簡介消失︰我無收埋，係無公開過】
Chris的學歷及她早前接受訪問提供的一張飛行學校學費單，亦成為網民嘲笑熱話。指Chris於社交網站簡介透露曾於多地留學，包括荷蘭萊頓大學（Leiden University），美國加州飛行學校Pacific States Aviation，及美國史丹福大學（Stanford University）等，其中她向傳媒提供在Stanford的「證書」，Mechanical Engineering 同Computer Science同列當中，但網民與Tsar都說，Mechanical Engineering 同Computer Science根本是兩個不同學系。

私人傳訊回覆引用

唔係細路

男爵府

積分: 9706

12^#

發表於 24-1-19 10:29 |只看該作者

Tsar更指她在社交網簡介自稱是「phD」(博士)，提出質疑︰「個學位要讀好耐，同埋啲人通常攞兩個碩士學位，都唔想讀一個博士學位，因為好漫長。」
不過今日看Chris 的facebook，除發現轉了不公開，連網民指她列出的學歷都不見。問Chris是否把簡介學歷刪掉，她否認︰「我唔係將啲學歷收埋，係我無公開過，至於佢哋嘅披露，而家網上越來越多，各樣版本唔同。(記︰你意思係從來冇喺社交平台，出示過你學歷？)冇！我會唔會咁無聊，我係有騷過學飛機嘅三個執照學歷。」

私人傳訊回覆引用

唔係細路

男爵府

積分: 9706

13^#

發表於 24-1-19 10:30 |只看該作者

https://www.facebook.com/as1hk.entertainment

from 娛壹 fb

續

【否認自稱擁有博士學位】
再次問她是否曾在簡介自稱過擁Stanford的博士學位，她這樣解畫︰「冇！呢啲係網民做我，越描越…驚我跌唔死。但我喺 Stanford係有學習過，係有完成一啲課程，但唔等如畢業，畢業係完全喺嗰間學校讀完先叫畢業，如我短暫課程，同交流課程都當係嘅話，我無嘢好講。」

私人傳訊回覆引用

唔係細路

男爵府

積分: 9706

14^#

發表於 24-1-19 10:30 |只看該作者

【「學費單」錯處多︰其實係學校報價單】
Chris早前向傳媒提供在飛行學校的學費單，除被網民笑指單上學校logo ，竟粗糙得疊着標題字，連KOL Tsar都笑︰「雞記都唔會咁啦！」還發現學費單有多處串錯字， optional串咗做optioanl；referred變咗refered；letter變lette。網民又發現，Chris提供給傳媒獨家刊登的學費單，單上寫「Chris Wong」，但她提供另一張Stanford證書，名字是「Qing Xia Wang」，到底是Wong定Wang？

私人傳訊回覆引用

唔係細路

男爵府

積分: 9706

15^#

發表於 24-1-19 10:30 |只看該作者

【朋友DIY文件】
對於那張錯字多多的「學費單」，Chris今日推翻稱不是「學費單」，「我想講嗰個唔係學費單，我係騷一個課程報價單，格價睇下邊間師資好啲。張嘢串唔串錯字都唔係我著重，仲有我最後讀嘅，都唔係呢間學校。」既然那張是「報價單」，不是「學費單」，為何訪問出街至今，仍沒告之更正，且騷「報價單」又意義何在？Chris咁樣拆︰「當時成堆資料騷俾佢(記者)睇，之後同老公要趕住去一個酒會，過幾日又同老公去咗美國，就無睇訊息。之後佢哋都刪除咗國務院感謝狀，因為嗰個只係我曾經參與一個項目，然後朋友整出嚟嘅DIY文件，同嗰個完全無關係。」吓， DIY文件！

私人傳訊回覆引用

唔係細路

男爵府

積分: 9706

16^#

發表於 24-1-19 10:31 |只看該作者

【IG關留言功能︰全部要我一死以謝天下】
網民質疑她的畫作是淘寶購入，不止她送給蓋鳴暉的粵劇打扮畫作，還有她畫林青霞、馬匹、鷹等的畫，竟在淘寶出現雙胞胎，上架兼完成交易，買家更「匿名評論」給予五星「讚好」。
今日Chris再度在IG 反擊，出示她聲稱與淘寶商家的對話，「我搵番呢個商家，質問佢同要求下架，佢話係客人攞我嘅圖片落order，商家仲話係我fans，俾佢激死。」問她為何在IG關了留言功能，Chris說︰「因全部要我一死以謝天下，又恐嚇，同埋我老公啲粉絲或其他，佢哋令我精神好困擾。」

私人傳訊回覆引用

唔係細路

男爵府

積分: 9706

17^#

發表於 24-1-19 10:31 |只看該作者

她所指的精神困擾，相信包括連日來在小紅書對她不利的留言，有聲稱是Chris的同學，留言說：「點解10歲去了美國，我還在南海實驗中學見到她3年的？難道我又去了美國？」亦有網友留言︰「她大話太離譜了吧，去了一年美國說是那裡大。」、「正一超級大話精，好似以為佛山佢無同學睇到咁！」不過暫未見有人提供圖片及資料。

私人傳訊回覆引用

唔係細路

男爵府

積分: 9706

18^#

發表於 24-1-19 10:31 |只看該作者

說回李龍基上周在反擊訪問中，稱Chris搭小巴無辜受襲︰對方還拋下一句︰「賤人，嘔返基哥七層樓出嚟！」因此他推翻已將七個物業轉到Chris名下的說法，堅稱只是傳聞。他說當日為與Chris一起，決跟前妻離婚，並謂︰「我將我所有嘢畀晒佢。」意指包括物業同車位全給前妻，也間接承認Chris是他第二段婚姻的第三者。
不過KOL Tsar 在節目中就指李龍基講大話，她說尋回2020年李的一個訪問，當時他說︰「你知啦，我哋做呢行成日飛來飛去，萬一有乜事佢就乜都無，所以七間屋寫晒佢個名。」

#娛壹