少年成長今日: 0|主題: 15857

收藏本版

回覆發帖

返回列表

跳至頁

查看: 19563 | 回覆: 1

完整家庭 [複製鏈接]

csir3290

子爵府

積分: 10975

1^#

發表於 24-3-10 11:11 |只看該作者 |倒序瀏覽 |打印

早幾日表妹打電話畀我約我出嚟食飯，呢個表妹自細玩到大所以關係好好都好熟，間唔中就會約出嚟食飯，不過自從各自有家庭之後，大家就見面少咗，不過間唔中都係啲家庭聚會度遇到，過年嘅時候都仲會去對方屋企拜年，所以關係算係好好。但係早幾日佢特登搵我出嚟食飯，我都感覺到有少少問題。原來佢同我講話佢老公喺出面識咗第二個，雖然同老公而家未分開，仲係同一個屋企，佢覺得好辛苦。佢話考慮緊離婚，但係又驚阿仔會冇咗個「完整家庭」，總之好多考慮所以想問下我意見同我傾下。

首先我呢個表妹其實自己都有返工，兩公婆得一個仔，今年九歲，平日除咗工人照顧個仔之外，我表妹就主力照顧個仔，佢兩公婆表面睇冇乜嘢，仲好似幾好咁。但係老公就成日顧住工作，但係外人睇佢一家其實都覺得冇乜嘢仲好似幾開心咁。所以今次聽到我表妹咁講我都打咗個突，我表妹話其實佢老公同出面嘅第二個都已經開始咗一段時間，佢話其實男人喺出面有第二個總會有啲蛛絲馬跡，所以佢一早就有啲懷疑，直至到發現咗真憑實據之後，佢老公想唔認都唔得。但係最矛盾係佢又想維持住個仔有一個「完整家庭」，佢又好似覺得個老公最終都會同出面嗰個會分開，所以就一直維持住表面冇事嘅家庭關係。佢話時間慢慢過去，佢覺得佢老公好似根本冇意圖去改變現狀，佢雖然表面上好似都仲係好錫個仔，每晚都仲會返個屋企瞓，但係佢覺得佢老公個心都唔喺佢度，所以覺得好辛苦。最慘係佢為咗唔想影響個仔，又唔想畀啲老人家知道，所以成日扮冇事。佢話佢冇同個仔講㗎，繼續維持住好似一家人冇事咁，因為佢老公根本平時成日都話工作好忙，所以都唔係經常有啲乜嘢家庭活動。更慘嘅就係要去啲家庭聚會嘅時候，仲要扮到一家人冇事好似好開心咁，但係其實心入面就一啲都唔開心。

佢同我講其實講到最尾最矛盾嘅都係驚影響咗個仔，驚冇咗個「完整家庭」對個仔影響好大。又講到話如果個仔見到學校啲同學個個都有爸爸媽媽，自己只得媽媽一個驚會對佢有影響。我聽佢呻完一輪之後，我就問佢話其實佢成日驚過對個仔有影響，但係佢個仔都成九歲啦！日日望住阿爸阿媽其實冇乜嘢講，各自生活，其實阿仔越嚟越大過，唔多唔少都會感覺到父母感情生活有問題。而且個仔都就嚟十歲，其實佢都應該有權知道爸爸媽媽發生咗啲乜嘢事，如果望到媽媽一路生活咁唔開心，其實對個仔將來嘅影響重大，我話其實「完整家庭」嘅意思係希望個細路仔可以喺家庭入面活得開心，有一個快樂嘅童年，但係如果屋企只係好似而家咁維持現狀，其實阿仔喺呢個家庭入面生活係咪真係生活得開心呢？佢個童年又係咪真係開心幸福呢？反而成年人撇脫啲果斷啲去解決問題，然之後重新出發，咁樣佢自己都會覺得開心啲，到真正喺屋企入面其實佢同個仔嘅相處都會變得真真正正嘅開心，而且個仔將來大個都要學習點樣去愛一個人，而家庭就係細路仔學習愛嘅地方，如果呀仔繼續見到父母咁樣嘅生活，喺屋企入面大家都唔講嘢，又或者間唔中就見到阿媽匿埋喊嘅話，其實對個細路仔將來嘅感情生活或者學習愛嘅時候嘅壞影響仲大。我話而且另一方面如果佢主動撇脫啲解決個問題，其實亦都可能可以令到佢老公真真正正面對問題，從中作出抉擇，如果佢老公最終都係揀分開嘅話，咁反而大家仲可以有一個了結，唔使長此落去互相折磨，當大家解決咗各自感情上面嘅問題時嘅時候，反而可以放低其他嘢專心照顧個仔。另一方，佢成日話驚唔知點同啲老人家講，我話其實如果自己放得開嘅話，為咗個仔嘅最大利益著想，其實老人家嗰啲好容易面對，講真又唔係一齊住，一年見得幾多次呢！就算唔知點開口都只不過係需要鼓起勇氣一次同啲老人家講去解決問題，總好過一路係咁拖，沒完沒了無了期嘅唔開心。

我最後都同佢講，我話唔好成日攞個仔出嚟做藉口，如果係真係為個仔著想嘅就應該盡快解決問題，咁先至係最好嘅解決方法。今時今日離婚單親已經唔係乜嘢特別，我話我自己就係一個最好嘅例子，我表妹都知我自細就已經係單親家庭長大，但係都唔見得對我有好多壞影響，唔係話有所謂嘅「完整家庭」就對個細路仔最好，如果所謂嘅「完整家庭」只不過係虛有其表，咁對細路仔嘅成長又係咪真係好呢？

最後我同表妹講話旁人畀你嘅都係意見，其實最終都係要自己決定，但係一路拖落去最終其實對大家都唔好，尤其是對個仔，如果真係為個仔著想嘅就應該估起勇氣盡快解決問題。

0 0 0

私人傳訊回覆引用

wholemilk

大宅

積分: 2799

2^#

發表於 24-3-17 01:23 |只看該作者

下次你表妹再搵你時，你問吓佢所謂證據是什麼。如果唔係捉姦在床，而你whatsapp對話、小小肢體動作、生活習慣突然改變之類，你應該聽完佢個故事版本後，回應佢讚佢係好好嘅媽媽，讚佢係家族入面最完美的人，讚佢由細到大都好聰明之類，不必評論佢段婚姻，女人會因為自命直覺好準而結婚，就自然會因為自命直覺好準而離婚，段婚姻未必真係有「問題」存在。

私人傳訊回覆引用

跳至頁

返回列表

上一主題 • 下一主題

回覆

發帖

頻道

討論區

熱門搜尋：

少年成長 今日: 0|主題: 15857

少年成長今日: 0|主題: 15857