自由講場 今日: 1467 | 主題: 1301903

積分: 6989

113^#

發表於昨天 08:42 |只看該作者

Matthew.Wong 發表於 24-5-14 07:42
剛剛去完宿營回來，哥哥跟老師約好去老師到換褲仔同換底褲，沒有被同學發現佢瀨尿同著片片。
再謝謝大家之 ...

咁就好啦

但同學有冇奇怪早晚去老師房呢個行為？有冇諗定一個說法

私人傳訊回覆引用

積分: 220

112^#

發表於昨天 07:42 |只看該作者

Matthew.Wong 發表於 24-3-26 19:49
Update一下大家，上個星期已經同副班主任傾過偈，講咗個情況俾佢知。老師話可以幫佢保管住啲褲仔，叫佢宿 ...

剛剛去完宿營回來，哥哥跟老師約好去老師到換褲仔同換底褲，沒有被同學發現佢瀨尿同著片片。
再謝謝大家之前俾不同學校的做法參考，謝謝！

私人傳訊回覆引用

babytt2

珍珠宮

積分: 38554

111^#

發表於 24-3-27 01:22 |只看該作者

Matthew.Wong 發表於 24-3-26 19:49
Update一下大家，上個星期已經同副班主任傾過偈，講咗個情況俾佢知。老師話可以幫佢保管住啲褲仔，叫佢宿 ...

祝你一切順利

私人傳訊回覆引用

amywon

積分: 9991

2024年龍年勳章

110^#

發表於 24-3-27 01:05 |只看該作者

多幾個人知，風險都大咗，但你要同阿仔溝通下，件事萬一穿咗都唔好太介懷，都不是什麼大件事，只是身體暫時未達標，真係唔好太在意

私人傳訊回覆引用

白玫瑰

子爵府

積分: 11765

109^#

發表於 24-3-26 23:40 |只看該作者

Matthew.Wong 發表於 24-3-14 10:34
大仔五月參加畢業營，但他因為身體問題晚上仍會尿床，要著片褲訓。

在家中他是可以完全自己照顧自己的，他 ...

臨訓先換片，早上換厎褲，帶個膠袋(不透明)裝回家掉或臨走那天先一次過掉連埋D唔要嘅衫褲掉，因通常去camp,我會叫仔帶D舊衫褲under,用完掉，叫仔裝埋一袋，同小朋友講，ee叫佢加油

私人傳訊回覆引用

ctsang

積分: 7254

108^#

發表於 24-3-26 22:03 |只看該作者

Matthew.Wong 發表於 24-3-26 19:49
Update一下大家，上個星期已經同副班主任傾過偈，講咗個情況俾佢知。老師話可以幫佢保管住啲褲仔，叫佢宿 ...

唔洗客氣，我仔之前都有夜尿問題，所以特別明白做父母嘅難處，幫到你就好

私人傳訊回覆引用

積分: 220

107^#

發表於 24-3-26 19:49 |只看該作者

ctsang 發表於 24-3-14 15:38
我仔小二時要跟學校去五日camp,開家長會時，老師已經講明如果小朋友有尿床問題要同老師講，到時尿片放老師 ...

Update一下大家，上個星期已經同副班主任傾過偈，講咗個情況俾佢知。老師話可以幫佢保管住啲褲仔，叫佢宿營當日上課室之前首先去教員室交俾佢，同埋記得用唔透光嘅袋入住。在宿營瞓覺時間之前可以去老師房度換褲仔，起身之後亦都可以去老師房換返底褲。老師話雖然六年級要着尿片瞓覺不常見，但佢都透露以前都曾經有其他同學有這個情況，學校也會盡量配合。

唯一就係老師話老師房亦會有其他班的男老師，佢都一定要事前同其他老師講會有學生來換尿片，當然老師們也會保守秘密。我也跟兒子解釋了，他也信任其他老師，同意可以同其他老師講。所以應該就是這樣安排了～

算是解決了一件事，臨瞓前才去換褲仔，瞓醒之後再去換返底褲，咁樣被發現的機會就很少了。

感謝大家的意見，特別是這位朋友建議的做法，好讓我可以有個方向跟學校討論怎樣安排，謝謝！

私人傳訊回覆引用

snorlax

大宅

積分: 2037

106^#

發表於 24-3-19 20:43 |只看該作者

Matthew.Wong 發表於 24-3-19 10:38
一晚3-5次夜尿又真係難搞d....真係無教好訓.....
我都聽講過有d伯伯因為老左夜尿多，就算識醒都著成人紙尿 ...

睇西醫食西藥可以止夜尿，但經常有副作用例如頭痛同成日覺得攰，阿女食停咗一段時間，副作用冇但結果夜尿又越嚟越嚴重，而家要夜晚要著尿片先瞓得好，我女有時佢瀨咗都唔知，因為佢已經習慣夜晚著尿片，一時急醒自己又迷迷餬就直接屙，著左尿片冇顧忌，有時佢又真係唔識醒發廁所夢或者不自覺就瀨尿，瞓覺長期依賴著尿片又係另一個問題。

私人傳訊回覆引用

積分: 220

105^#

發表於 24-3-19 10:38 |只看該作者

snorlax 發表於 24-3-19 00:59
還有尿床問題的兒童和青少年話多唔多話少唔少，但通常呢啲尷尬問題家長和小朋友多數都收收埋埋唔願講出嚟包 ...

一晚3-5次夜尿又真係難搞d....真係無教好訓.....
我都聽講過有d伯伯因為老左夜尿多，就算識醒都著成人紙尿片訓，如果唔係上上落落就訓都無得好訓。不過伯伯老就無計，13歲女就睇下醫生有無野可以幫到手......

不過我仔是醒都唔識醒，一訓就訓到天光，然後尿片就濕左。所以都無計，要用住褲仔先....

私人傳訊回覆引用

snorlax

大宅

積分: 2037

104^#

發表於 24-3-19 00:59 |只看該作者

本帖最後由 snorlax 於 24-3-19 01:09 編輯

還有尿床問題的兒童和青少年話多唔多話少唔少，但通常呢啲尷尬問題家長和小朋友多數都收收埋埋唔願講出嚟包括我自己，我女以前又係晚晚都瀨尿，睇左好多年政府醫生都係斷斷續續有改善，到而家13歲夜晚尿床問題終於大有改善，夜晚多數識醒唔會瀨尿，但夜尿就變得好厲害，依然要食藥，唔食藥的話夜尿又會變得好勁一晚夜尿可以3到5次，夜尿多到唔知邊度嚟，阿女話夜晚瞓得好差，朝早返學冇精神，要求夜晚著尿片夜尿時直接在尿片解決佢會瞓得好好多，又唔驚突然失手瀨尿，所以我都繼續畀佢瞓覺用尿片，尿片自己買自己處理，直到佢覺得唔需要用嗰陣就唔好用，我女自細瞓覺都慣咗包尿片，所以我都覺得佢對尿片有依賴，試過放個尿壺喺床邊佢都覺得麻煩，話用尿片訓覺更安心瞓得更好。阿女對尿片又好有要求簡直專家，嫌市面尿片太薄有時夜尿多得滯會漏，佢自己淘寶買啲特厚夜用尿片唔驚漏可以一覺瞓天光，我都話過佢唔好一急就諗都唔諗直接噓落塊尿片，咁搞法有排都戒唔到片，佢話夜急噓完好快瞓得著，如果專登起身去廁所就好難訓得返，我聽完真係好無奈，冇佢辦法。

以前讀小學嗰陣我女都係唔敢參加呢啲宿營活動，去到五六年班，阿女有三四個非常信任的同學仔，幾個同學仔都知阿女夜晚有尿床問題要用尿片，反而令阿女放心去參加夜宿活動，衹要提前同老師講安排同個同學仔同一間房就冇問題，sofar到而家幾個同學仔都讀同一間中學，而家都唔再擔心尿床問題而唔敢去夜宿，阿女啲同學好好個個都理解，唯一唔方便就真係次次出去夜宿都帶尿片出去，復活ap我畀阿女跟佢兩個同學仔去歐洲旅遊，又有佢同學家長帶隊，我都放心畀佢同兩個同學一齊去，所以有信得過的同學係好重要。最深刻係試過阿女啲同學去我屋企，最後太夜同對方家長協調我就畀佢同學仔喺屋企留宿，佢同學直接同我講知阿女要用尿片，唔會介意孖鋪，唔使理佢哋要我好好休息，佢哋會自己搞掂，哈哈哈...

阿女的尿床問題我老公從來完全唔理，話女仔嘢交給阿媽全權處理，話知阿女尿濕床單或者去睇醫生，我老公就算在香港一樣都懶理，我本身平日都要返工都覺得好辛苦，最怕阿女夜晚瀨濕張床單，到時又搞咗阿女又搞著我，所以阿女的問題我自己都好被動。

私人傳訊回覆引用

積分: 220

103^#

發表於 24-3-17 19:21 |只看該作者

buenapark 發表於 24-3-17 14:20
我仔個同學都係咁，讀到中三都仲著緊尿片，
好在個同學本身性格豁達，就算俾同學仔笑都無乜所謂，當娛樂大 ...

呢位同學好犀利，心理質素好強！
我同埋我細仔就係要學習呢一樣

真係好希望有機會可以認識呢位同學仔。介不介意我八卦少少問吓是邊一區的中學？謝謝！

私人傳訊回覆引用

登陸火星

侯爵府

積分: 22359

2024年龍年勳章

102^#

發表於 24-3-17 14:27 |只看該作者

可以成人細碼尿片，配鬆身褲

私人傳訊回覆引用

buenapark

大宅

積分: 2473

101^#

發表於 24-3-17 14:20 |只看該作者

我仔個同學都係咁，讀到中三都仲著緊尿片，
好在個同學本身性格豁達，就算俾同學仔笑都無乜所謂，當娛樂大家咁，
話寧願俾人知道要著尿片都好過當眾瀨尿。
事實上佢呢樣嘢中一開學頭幾日已經通晒天，
白色校褲行近一睇就估到，全班同學都知，
初初係有唔少閒言閒語，但過咗咁多年大家都麻目晒，都冇乜人再講，
所以有時候真係睇自己心理夠唔夠強大。

私人傳訊回覆引用

積分: 220

100^#

發表於 24-3-17 09:33 |只看該作者

lovemisha 發表於 24-3-17 03:40
哩啲家長要更加理直氣壯過佢同佢解釋，一係塞住佢把口二係俾佢知佢地幾無知我唔知其他家長會點睇但我 ...

解釋都無用，d人唔明就唔明，反過來覺得係因為我地唔識幫小朋友戒片佢先至要著片返學
老實講，我係心灰意冷，唔想同個別這種家長講野.......

好似上次個post咁，我解釋了醫生的看法，都仲係一堆人響到講「你要恨心d幫佢戒片」、「唔好俾片佢著，佢會造成依賴」之類，我都心很累......

我一來自己經歷過，二來我100%相信佢地兩個都唔想著片。小學生仲著尿片，哥哥仲已經就快變中學生，佢地唔通唔怕被人知道著片會醜怪咩？但身體未ready就係未ready架啦....醫生都話去到青春期就好大機會ok。我自己的看法是他們只是比其他小朋友要長d時間用片、要多d時間戒片，我的責任就是要support佢地去到佢地戒到片個日。好似依加咁，哥哥想去camp又驚俾同學知佢著褲仔同瀨尿，我咪搵方法令佢可以去camp又唔驚被同學仔見到佢著片lor。唔駛急住迫佢戒片，事實上都無得迫。

Sorry，長氣了。講起其他人的閒言閒語，忍唔住牲多了兩句，抱歉

私人傳訊回覆引用

積分: 220

99^#

發表於 24-3-17 09:21 |只看該作者

ctsang 發表於 24-3-17 03:48
唔知樓主小朋友有冇試過食藥？我仔當年小二仲晚晩夜尿時，我地帶佢睇醫生，醫生解釋過有幾個%小朋友會到青 ...

有
唔係完全無用，但又唔係解決到個問題

如果唔食藥就晚晚瀨濕，食左就一星期濕4-5晚咁。結果都係一定要著褲仔訓。

私人傳訊回覆引用

ctsang