明白你講咩，我老公都係咁，由拍拖果陣已經係咁，因為當時返工地方比較靜，同埋我自己坐車要成個鐘至返到屋企，佢就日日接我放工送我返屋企再自己返歸。結婚後都維持咗好長一段時間，直至仔女開始返中學，時間有時就唔到。疫情重開後我要每個星期返公司幾日，仔女約同學出街，去上興趣班去表演。。。我老公都90％時間管接管送。。。有時真係好有壓力，因為佢會早到，等一陣其實未到約定時間，佢就會text 我或仔女，遲少少（其實都係未到約定時間）就會催問，好似我放4點半，佢去4點3就到，一到4點35分就會催，4點40分就打電話問我點解仲未見人，其實就算我準時4點半離開，我要落樓再行兩三條街去約定地點，就算電兔都要時間，何況有時要等電梯，等紅綠燈過馬路，試過唔只一次佢早到等得耐黑面，但明明係未到我地約好時間喎。
不過，好多朋友同事好羨慕我，係嘅，有人緊張自己，仲身體力行去照顧自己，唔係人人有嘅福氣，我惜福架，亦講俾仔女聽唔係個個爸爸會肯做司機，爸爸等我地接我地，佢自己都有好多嘢要考慮 - 安全、時間安排，佢有時約朋友都要就我地時間。。冇人係完美，個個有脾氣，可以包容就包容吓，從中我地都可以學吓說話的藝術、時間管理等等。
花旗太太生活在花旗國，留意時差，你問我未必即時答到。
發表於 
返回列表
