自由講場

收藏本版
回覆 發帖
返回列表
跳至頁

首頁
1

尾頁
   1
wan_sosin


珍珠宮

積分: 40463


1#
發表於 24-3-18 10:20 |顯示全部帖子
sunnymama2 發表於 24-3-18 09:32
多謝你，我就係想帶出信息，輸左預左，志在參與

不過每個人接受方法唔同的。我下次會用上面jm的方法教佢 ...

你咁講，個小朋友會覺得媽媽唔多覺得自己會贏，反而預咗我會輸。

我仔玩運動嘅，由細到大(已快16歲) 每年參加大大少少好多比賽，當然有輸有贏。
我多數同佢講，比賽要盡力練習，落賽要發揮得自己最好，集中去諗點樣做得最好，贏咗當然開心，輸咗但盡咗力唔需要後悔，輸都是一次好好嘅經驗，慢慢檢討下如何可以再做好啲，媽媽點都會支持你！
我仔都試過輸咗返嚟好晦氣話唔再玩啦，就要好好開導佢情緒同搵返個正確心態返嚟。其實在比賽中小朋友會學懂面對人生，人生都係會起起跌跌。
我仔最後都會起返身再嚟過，屋企嘅獎牌唔只代表佢贏過一場比賽，仲代表佢克服過幾多困難！
私人傳訊回覆 引用

wan_sosin


珍珠宮

積分: 40463


2#
發表於 24-3-18 14:50 |顯示全部帖子
本帖最後由 wan_sosin 於 24-3-18 14:52 編輯
sunnymama2 發表於 24-3-18 14:34
睇黎你仔比賽經驗豐富。

如果比賽分幾輪（非淘汰制），小朋友頭幾輪都輸，你會點安慰？

我會講「未到完場都仲可以努力，先休息一下，把握後面的賽事，比賽完咗成績點都好，我哋去食餐好嘅。」
我仔都有比賽係循環賽制，3賽要贏兩場才出線，有時連輸兩場，我叫佢加油，盡力埋佢，到最後輸埋第三場，同佢講，呢一年再比心機練習，出年嚟過。
如果贏咗出到線簡單啲，都要叫佢小心唔好輕敵。
如果佢真的蝕氣了，就同佢做啲佢開心嘅事，然後同佢講，人生仲有好多唔同嘅事情，運動，比賽唔係全部，當然係你好重視嘅野，但係機會多的事啦！

我仔並非好追求要超卓運動表現，但佢視之為佢最大興趣，當然比得賽會想贏，毫無鬥心都唔係好事，但從中都可以學識勝不驕敗不餒。
私人傳訊回覆 引用

wan_sosin


珍珠宮

積分: 40463


3#
發表於 24-3-18 16:34 |顯示全部帖子
sunnymama2 發表於 24-3-18 15:57
我覺得你仔咁成功，背後家庭的支持不可少！

我的case係，我小朋友喺我在場時，連輸幾局，我唔識安慰佢， ...

唔知你小朋友參加比賽多唔多，還是最近的事情。
實在我都同個仔一齊成長，最初我仔得幾歲時，我都唔識鼓勵佢，我自己都緊張埋一份，但一次一次，一年一年的經過，我當中都慢慢學識多咗點樣同佢一齊經歷，今日佢去比賽我已經可以平常心對待，其實佢上中學是疫情嗰幾年，一係就取消比賽，一係就閉門比賽，家長無份參興，而家佢大個都習慣我不在場，我都無謂再去睇佢啦，但我哋都會whatsapp聯絡，返到屋企我仔都會再詳細講下比賽情況，我同爸爸只係背後支持佢，但大家都好享受個過程。
你又唔需要太過覺得自己做得唔好，同仔女一齊經歷都係將來美好回憶。
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見