唔止先人,仙人我都夢過。
講先人先。老豆走咗成廿年只夢過兩次:
第一次話間屋漏水,以為佢講自己個骨灰位但拜山時睇過無事。後來返鄉下原來係祖屋大雨後滲水!果年我同家姐地返去幾次搞防水維修。
第二次COVID第一年咪唔比上山拜山既,咁果年清明咪無去拜囉。到八,九月未到重陽時又夢到老豆話做乜仲唔拜佢山?後來果年重陽可上山拜咪即刻CALL呀哥地。之前我地唔會重陽拜的。
至於仙人報夢。話說有年年頭我係上環文武廟向觀音娘娘上香,之後開光咗幾個生肖玉吊咀比家人。當年近年尾時就發夢觀音娘娘同我講話我仲未來還神啊!嚇到我第二日即去拜拜。