自由講場 今日: 1869|主題: 1300687

[size=1em]陳嘉佳

現年38歲陳嘉佳（細細粒）自約滿TVB後轉戰內地做「吃播主」，靠食嘢打響名堂，佢曾透露自己每日直播7個鐘，有時食到唔想食都要夾硬食，體重高峰期曾達287磅，唔少網民都替佢健康感到擔心。細細粒去年開始積極減肥，至今減逾過百磅，身形足足瘦咗幾個碼，不時大騷鎖骨同膊頭，，被網民封為「港版賈玲」。近日佢前往澳州悉尼，到海邊打卡後將相片上載到社交網站，不過新相面骨不自然地凸出，引起網民熱烈討論。

越減越瘦嘅陳嘉佳，近日前往澳州悉尼，其後仲將相片上載到社交網站，並對減肥效果滿意地留言話：「瘦了就想多拍照」 ，不過相片中嘅佢頭大身細，面骨不自然地凸出，引起網民熱烈討論。雖然有網民大讚佢靚女咗好多，不過亦有網民認為身形比例及面骨不自然，留言話「想再靚啲，削面骨，想靚就去盡啲」、「大佬你塊面做乜？」及「是瘦了很多，但是臉還是很大」等等。