婆媳關係 今日: 1 | 主題: 27702

積分: 2471

1^#

發表於 09-10-3 22:00 |只看該作者 |倒序瀏覽 |打印

今個中秋真係好慘!
臨做節先黎病巳經好唔開心, 仲要俾99趁我病, 攞我命。

媽咪買左盒大x冰皮月餅叫我帶俾99，99收左就問我盒月餅幾錢, 咁已經好冇禮貎, 點知佢知係200左右就話要拎去送俾人, 仲問我好唔好, 大佬啊, 都唔知佢咩意思。我惟有答佢:"好, 送左俾你係你既, 你鐘意點就點la" 我真係好想講: "話之你掉左佢", 下年我媽咪再叫我送俾99, 我情願自己收埋食左佢, 都唔會送俾99。

下午,d親戚上黎, 一入門我雖然唔舒服, 都逐一叫人, 點知99大大聲話:"xx(親戚名)黎左喎!" 個親戚都醒水, 即刻話: "一入黎, 就叫左我啦。" 我話: "我叫左啦"! 99 先至話:"係咩? 我聴唔到喎!" 我激到眼都突, 我自問屋企家教都好好, 入屋叫人呢d基本野點會唔做足? 反而c6一家d細路就成日入屋好似啞左咁, 睇d細路就知佢幾好家教啦。

到左吹水時間, 佢0地又攞我病左黎做話題, 我都覺得冇野, 關心下我姐, 但99就好似等左呢個機會好耐咁:"鬼咩? 都成日都飲凍水, 又食生冷野, 唔病就假!"知我既人都知我好少飲凍飲, 99講既凍水係凍滾水,唔係雪水, 食個生果又話生冷, 連生果都唔準我食, (0的生果我買架)先搞到我咁易病。好在c6佢知佢阿媽作野講, 即時幫我嚮班親戚面前澄淸, 如果唔係, 佢0地實以為我病都係自己攞黎賤, 但班親戚好日都唔會黎, 今次真係多得99 唔少。

我病我都唔想, 但我今日99仲想拖我出去探親戚, 我話"唔去住等好d先去",佢就話:"你前日又返你阿媽度?""我前日邊有而家咁唔舒服啊?"大佬啊, 我冇病冇痛就話姐, 我唔舒服都唔可以抖吓咩? 我中秋正日要同你0地一家食飯, 我早两日同我媽食都唔得咩? 再講, 我唔係你個戰利品, 一定要俾你周圍拖住去晒命架, 我都係人黎架, 99你有冇當我係人啊?我都有外家, 唔係嫁左就唔返得外家。我都唔想病左唔可以同你0地去探親戚。
99, 你唔諗下你唔舒服果陣我點照顧你, 你有冇良心架?

0 0 0

私人傳訊

FM94.8

禁止訪問

積分: 3310

2^#

發表於 09-10-4 02:29 |只看該作者

提示: 作者被禁止或刪除內容自動屏蔽

私人傳訊

kvstephanie

禁止訪問

積分: 1368

3^#

發表於 09-10-4 02:31 |只看該作者

提示: 作者被禁止或刪除內容自動屏蔽

私人傳訊

DDC

別墅

積分: 780

4^#

發表於 09-10-4 08:28 |只看該作者

如果係傷風感冒之類,米話唔想傳染人囉,的人聽到呢句,應該無聲出啦卦.

[ 本帖最後由 DDC 於 09-10-4 09:08 編輯 ]

私人傳訊

積分: 2471

5^#

發表於 09-10-4 10:23 |只看該作者

佢先唔低能, 直情係要我難堪, 當面話俾我聽佢係唔尊重我同我媽咪。

原帖由 FM94.8 於 09-10-4 02:29 發表
你99又幾低能, 下次同佢講要送月餅比邊個人, 叫你媽咪直接送就得啦

私人傳訊

c雅

積分: 1735

6^#

發表於 09-10-4 18:45 |只看該作者

10個99,9個都無聊搵野來講,可能佢地太悶

私人傳訊

小路

琥珀宮

積分: 161935

好媽媽勳章醒目開學勳章畀面勳章環保接龍勳章大廚勳章

7^#

發表於 09-10-4 20:00 |只看該作者

咁就真係過份左D！

原帖由 靚豬咪咪 於 09-10-4 10:23 發表
佢先唔低能, 直情係要我難堪, 當面話俾我聽佢係唔尊重我同我媽咪。

私人傳訊

積分: 23939

8^#

發表於 09-10-4 23:20 |只看該作者

其實你奶奶做O既野, 我MAMI都會對我咁做, 我又唔覺得有咩WO~

佢問你月餅幾錢, 可能就係想睇下送俾人會唔會"寒酸", HK$200一盒唔"寒酸", 可以安心送俾人....我屋企都會O架WO, 因為月餅太多, 食唔晒, 送俾人唔奇AR

叫人O個度, 佢當然會想你有禮貌喇, 我MAMI無你奶奶咁轉彎, 我MAMI會話: 喂, 你未叫ＸＸWO...你奶奶都已經幾俾面你

個個阿媽都話自己個仔女食得生冷野多/街邊野多, 搞到病...唔洗咁上心, 佢地咁講= 我地同唔熟O既人講天氣一樣

其實從佢做O既野, 我覺得佢當正你係佢個女, 所以唔太"客氣"...當然, 可能平時同你有其他過節我唔知喇....

私人傳訊

toby1357

別墅

積分: 932

9^#

發表於 09-10-5 09:50 |只看該作者

奶奶明知你咁易受人影響偏偏要激你

唔好咁上心d人講野啦

有d人唔鍾意你, 你做乜都改變唔到

對得住自己算數

私人傳訊

積分: 2471

10^#

發表於 09-10-5 19:57 |只看該作者

可能大節流流先黎病令我感懷身世, 而家豬/雞流感好犀利, 之前我都好擔心自己會唔中左招, 今日我都仲病緊, 不過好在唔係豬/雞流感。出post果陣, 真係好down, 好想呻下
講真同老人家住, 摩擦實有, 當我精神好身體好果陣, 我真係當佢唱歌, 但到我病, 情緒就有少少失控。你都講得啱, 99講既野唔使咁上心, 只會激c自己。

未嫁c6之前,我都唔相信竹門對竹門, 木門對木門呢様野, 但而家我就有唔同既睇法。由至到大, 我媽咪好注重教我禮貌, 人情世故和同理心, 而呢d係c6屋企冇既。見到人叫人係最基本, 人0地送既野,鍾唔鍾意都好, 講多謝,收埋先, 之後再處理。當面問人禮物既價錢係大忌,更唔會當住人面將人0地送既禮再轉送他人, 因為呢d叫做人情世故, 唔會想人0地難堪, 亦唔想俾人話冇禮貌。用唔晒/食唔晒既野送俾人, 同人分享係好事, 但我係代我媽送野俾佢, 佢唔應該即時當住我面話送俾人, 我真係好難受。我本來都唔想送俾佢, 因為屋企仲有好多, 唔想浪費, 媽咪堅持話都係一番心意, 話唔可以失禮。點知......

至於叫人0個度, 我反而欣賞你媽咪既做法, 大家都係自己人, 有叫就有叫, 冇叫就冇叫, 簡單直接。唔使好似我當日咁, 呆左唔識俾反應, 明明叫左人, 都俾人話冇叫, 要個親戚醒水, 知我99話緊我冇叫人, 幫我澄清解圍。不過, 算啦, 我而家已經冇當時咁嬲, 我都知d老人家係咁, 老公有得揀, 老公個阿媽冇得揀, 人比人盞激c自己。

承你貴言, 我都希望係佢當我係女, 所以對我講野唔客氣, 但係見住我又咳又發燒又流鼻涕, 半c咁樣都想要拖埋我去探親戚, 我就會想起自己媽咪係幾咁好, 我就知我幾咁掛住媽咪。我媽咪唔會見我唔舒服,仲要我呢度去果度去。

原帖由 pyjess 於 09-10-4 23:20 發表
佢問你月餅幾錢, 可能就係想睇下送俾人會唔會"寒酸", HK$200一盒唔"寒酸", 可以安心送俾人....我屋企都會O架WO, 因為月餅太多, 食唔晒, 送俾人唔奇AR

叫人O個度, 佢當然會想你有禮貌喇, 我MAMI無你奶奶咁轉彎, 我MAMI會話: 喂, 你未叫ＸＸWO...你奶奶都已經幾俾面你

...

私人傳訊

rubyplk

水晶宮

積分: 70794

玩具勳章好媽媽勳章醒目開學勳章畀面勳章有「營」勳章貢獻勳章 2011精緻種植勳章環保接龍勳章大廚勳章 hashtag影視迷勳章

11^#

發表於 09-10-5 21:49 |只看該作者

我都試過比99以為我無叫人, 當時我岩岩嫁入去探親, 一去到我c6叫左我跟住叫, 當時好嘈, 又一大班親戚, 背份大果d我記得都有叫, 唔記得都會住跟c6叫, 6299又聽唔到, 同我個個講一次我知係c6既邊個邊個, 叫我跟c6叫就得, 跟住我話叫左啦! 果d親戚又只係唔好意思咁笑住"係呀係呀"就算...不過d親戚都知佢兩個長氣嫁啦!!! 唔止一次, 頭果一兩年見佢都次次都係咁!!!! 當我唔識佢地唔叫人!!!
我有一次比我知道送比佢地既禮會轉送比第二個之後, 我唔會再買咁貴既野比佢地, 還樹送比佢又送比人, 又唔會知人地會唔會再送比人wo, 所以都係最平就算啦!!!!!!

私人傳訊

積分: 23939

12^#

發表於 09-10-5 22:16 |只看該作者

哦! 傻瓜, 嫁得人, 就預左有衝突, 有分歧, 就算門當戶對都好, 大家都會有唔同睇法, 唔同做法

佢當你係女, 所以你代表左佢屋企, 你係佢屋企一份子, 所以先唔客氣, 唔通你想"過門都係客"? 你奶奶做O既野, 我MAMI都會做, 因為我係佢個女...

你唔開心, 因為你屋企同佢做法唔同, 不過無論邊個做你奶奶都會有唔同O既地方, 換個角度睇, 佢會當你係女, O係外面有咩事, 你都有地方去, 有屋企返....呢樣野, 好重要

原帖由 靚豬咪咪 於 09-10-5 19:57 發表
可能大節流流先黎病令我感懷身世, 而家豬/雞流感好犀利, 之前我都好擔心自己會唔中左招, 今日我都仲病緊, 不過好在唔係豬/雞流感。出post果陣, 真係好down, 好想呻下
講真同老人家住, 摩擦實有, 當我精神好身體好 ...

私人傳訊

積分: 2471

13^#

發表於 09-10-5 23:25 |只看該作者

原帖由 pyjess 於 09-10-5 22:16 發表
哦! 傻瓜, 嫁得人, 就預左有衝突, 有分歧, 就算門當戶對都好, 大家都會有唔同睇法, 唔同做法

佢當你係女, 所以你代表左佢屋企, 你係佢屋企一份子, 所以先唔客氣, 唔通你想"過門都係客"? 你奶奶做O既野, 我MAMI都會 ...

多謝你用另一個角度同我分析件事, 我都同意成日自嘆自憐幫唔到自己, 就算佢同我過唔去,都唔好自己同自己過唔去, 嬲佢都無補於事, 不過上黎呻下令自己舒服d, 有多d人開解下, 又有另一d睇法同多d正能量。好似呢d事, 唔可以同媽咪講, 亦唔想媽咪擔心。我都唔相信呢個世界有人嫁左冇衝突, 冇分歧,只係家庭背景相近d既, 會少d家庭文化既爭拗咁。我都想請教下, 你媽咪煩得你緊要果陣, 例如好似我99, 咁你會點做呢?

私人傳訊

積分: 23939

14^#

發表於 09-10-6 00:24 |只看該作者

或者咁講喇, 你奶奶做O既野同我MAMI一樣, 所以我唔會有咩不良感覺
不如用我而家點對我奶奶黎睇喇: 我奶奶好錫我, 我生BB出左事, 佢為我喊, 瞓醫院時, 佢幫我煮野食, 幫我按摩...所以我好感激佢; 因為心存感恩, 對佢一D缺點, 我會盡量體諒, 例如佢會買好多好多日用品, 成屋都係, 偏偏我有潔癖, 鐘意整齊, 其實每日返屋企, 好似貨艙咁, 我都唔開心, 但係, 一有呢D負面思想, 我就會唸: 十隻手指有長短, 佢可能要咁做先有安全感, 又或者用呢種方法表現鍚我地, 想我地有足夠野用...我奶奶好長氣, 好鐘意講野O架, 有時我都覺得煩, 不過唸真O的, 我老公又唔識同佢傾計, 佢長氣, 要同我傾, 咪即係鐘意我囉, 幾難得有人鐘意自己呀~

你都係呀, 每次覺得奶奶煩, 咪唸下佢有咩野對你好O既地方, 唸下佢當你係女, 不過表達方式同你MAMI唔同之MA...好多人都覺得自己MAMI煩, 奶奶都係你MAMI, 佢咪會煩你LAW~

原帖由 靚豬咪咪 於 09-10-5 23:25 發表

多謝你用另一個角度同我分析件事, 我都同意成日自嘆自憐幫唔到自己, 就算佢同我過唔去,都唔好自己同自己過唔去, 嬲佢都無補於事, 不過上黎呻下令自己舒服d, 有多d人開解下, 又有另一d睇法同多d正能量。好似呢d事, ...

私人傳訊

AWma

子爵府

積分: 10596

15^#

發表於 09-10-6 09:27 |只看該作者

其實我奶奶都鍾意將屋企D野送比人, 佢成日同我講大嫂送比佢D什麼什麼佢唔食, 佢就送左比邊個邊個, 我以前有月餅比佢, 佢又係話比邊個邊個, 我明白的... 佢咩都唔食, 咪送晒比人囉... 所以, 我就知道, 平時佢話比人的, 我就唔會再買比佢..... 買之前, 都問佢食唔食先, 免得自己一番心意, 到頭來去左唔知佢D咩朋友到.
佢唔食水果, 佢話食就會唔舒服, 我都唔明係咩病, 所以我99屋企, 一年只有一次有水果食, 就係中秋... 中秋D水果, 都係我大伯, 姑仔在公司的果籃帶返屋企... (有時我都頂佢地唔順, 可以唔食水果)...
其實D水果都唔係多, 有十幾人, 但佢地都會食唔晒. 其實佢地一家大細, 得我同我阿仔食水果, 走時, 我99都會同我講, 你食的就攞返屋企食, 如果唔係, 佢話D水果一係放到爛, 一係比人.... 咁我又會照單全收囉, 水果呢樣野, 我跟阿仔多多都食到啦.....

所以個個99都有怪事...

不過, 有樣野, 我都係今年(未到中秋)先知, 以前99個個仔仔女女都有取月餅返屋企, 佢唔食送比人, 我地都無所謂... 但最奇怪係佢突然同我地講佢之前D中秋會自己買月餅比自己食.. 連佢D仔女都係今年先知... 然後, 我無出聲, 係佢自己D仔女鬧佢, 話佢有無搞錯, 有的唔食, 自己用錢買...
然後, 今年我99唔敢買... 點知佢D仔女又唔取月餅返屋企.... 我99仲問點解今年無月餅取回來???? 佢D仔女就話諗住你唔食, 咪唔攞返來囉.... 費事浪費.... 結果搞到今年無月餅.....

我無所謂, 不過, 我覺得我99都有D自己攞來的.

私人傳訊

chaklongma

男爵府

積分: 5958

16^#

發表於 09-10-6 10:10 |只看該作者

樓主, 可能果個唔係自己亞媽啫
我亞媽一樣將我99, 家姐99送比佢d 月餅轉送晒比人
一家得幾個人, 邊食都咁多呀~~
老人家係咁架, 唔暖嘅水就叫凍水
我亞媽都成日話我地
佢都係為我地好啫
不過語氣就衰d
至於生果, 中醫方面又真係算係生冷野喎
我地病咗西醫都會叫我地唔好食生果住啦
你99成日串串貢, 你咪照笑笑口咁串返佢囉

私人傳訊

rubyplk

水晶宮

積分: 70794

玩具勳章好媽媽勳章醒目開學勳章畀面勳章有「營」勳章貢獻勳章 2011精緻種植勳章環保接龍勳章大廚勳章 hashtag影視迷勳章

17^#

發表於 09-10-6 21:47 |只看該作者

你99有你呢個新抱真係好啦

原帖由 pyjess 於 09-10-6 00:24 發表
或者咁講喇, 你奶奶做O既野同我MAMI一樣, 所以我唔會有咩不良感覺
不如用我而家點對我奶奶黎睇喇: 我奶奶好錫我, 我生BB出左事, 佢為我喊, 瞓醫院時, 佢幫我煮野食, 幫我按摩...所以我好感激佢; 因為心存感恩, 對佢 ...

私人傳訊