基督家庭 今日: 0 | 主題: 9938

積分: 4598

42^#

發表於 11-5-5 20:25 |只看該作者

回覆 Pigra 的帖子

對﹐不要灰心。當你做呢D事情時﹐有時對方會無反應﹐唔理你﹐甚至鬧你。你一定要面皮夠厚地堅持落去。
無一個人係完美嘅。假設果將對方喺你心目中的形象睇成係一間屋﹐呢間屋就有兩間房﹐一間放著對方嘅優點﹐一間放著對方嘅缺點。拍拖時﹐熱戀時﹐好自然會將所有東西都放入《優點》房度。日子耐左﹐部份東西就會搬入《缺點》房。慢慢缺點房就越塞越多野﹐而優點房卻被忽視﹐入面鋪晒塵結晒蜘蛛網﹐到最後索性連度門都鎖埋。
今日希望你能學懂欣賞同感恩。

第七日任務﹕今日你拎兩張紙出來﹐喺一張上面寫一D你太太嘅優點、一D正面嘅事情。喺另外一張紙上面寫一D你太太嘅缺點、一D負面嘅事情。將兩張紙收埋喺一個隱密嘅地方﹐佢地將會各有用處。然後從第一張紙挑選一個你太太嘅優點﹐喺今日內搵一個機會向你太太感謝同讚賞佢呢個優點。

再次提醒﹐你唔好理你講完之後佢嘅反應係點。

經文﹕弟兄們，我還有未盡的話：凡是真實的、可敬的、公義的、清潔的、可愛的、有美名的，若有甚麼德行，若有甚麼稱讚，這些事你們都要思念。(腓立比書4:8)

私人傳訊

積分: 483

43^#

發表於 11-5-5 23:17 |只看該作者

第六日小報告: 今日一切平靜，在平靜中自我反思，也是一種休息...
明天的任務，會努力完成，求主幫助!

私人傳訊

積分: 4598

44^#

發表於 11-5-6 21:57 |只看該作者

聖經在雅歌8:6說﹕「...愛情如死之堅強，(它的)嫉恨如陰間之殘忍；所發的電光是火焰的電光，是耶和華的烈焰。」可是哥林多前書又說﹕「愛是不嫉妒。」嫉妒有兩種---一種是正面的﹐一種是負面的。正如耶和華是忌邪的神﹐我們對愛情也應該拼死保護﹐嫉恨任何嘗試去破壞愛情的事物。負面的嫉妒卻令人缺乏對配偶的謙卑和欣賞﹐忘了與歡笑的人同歡笑﹐變成與配偶在角力。

第八日任務﹕今日你要成為你太太最大的支持者、擁躉。首先你將昨天嗰張寫咗佢缺點嘅紙拎出來﹐燒咗佢。然後你諗一樣佢最近做得成功嘅事﹐讚賞佢做得好。

昨天張紙唔係就咁丟落垃圾桶﹐而係真係用火燒(小心唔好燒咗間屋)。至於讚賞﹐可以係佢最近工作上嘅事﹐或者煮咗一碟好餸﹐買咗一件好襯佢嘅衫﹐用好低價錢買咗一件野。

經文﹕與喜樂的人要同樂；與哀哭的人要同哭。(羅馬書12:15)

私人傳訊

積分: 483

45^#

發表於 11-5-7 03:03 |只看該作者

第七日小報告: 今日向太太說了些感謝及欣賞的話，她並沒有甚麼反應...(可能覺得我玩嘢或假...)。我發覺當兩夫婦關係不好時，要想/寫/說出對方的好處一點也不容易; 反之，缺點/負面的事很容易便想/寫/說出來...口裡雖說愛她，但一個簡單的任務便出賣了自己...愛，真的很不容易...

明天的任務比今天的難度更高，求主幫助!

點評

ndw 求主幫助!!! 發表於 11-5-7 15:57

私人傳訊

積分: 4598

46^#

發表於 11-5-7 20:02 |只看該作者

在愛中學習忍耐、恩慈、勸勉係唔容易﹐甚至好多時候人連最簡單嘅問安都唔識。唔好看輕每日簡單嘅問安﹐因為呢一個小動作能夠反映出兩個人之間嘅關係。平時我地見到朋友同事都尚且會打個招呼﹐我地見到配偶時豈不更應該咁樣做﹖每朝早見到對方時﹐或者對方放工返屋企時﹐我地有無透過問安來流露出遇見對方的喜悅﹖

第九日任務﹕今日當你第一眼見到你太太時﹐畀佢一個熱切嘅、帶著笑容嘅問安。

從今以後﹐繼續用問安來反映你嘅愛。

經文﹕你們要用愛心彼此親嘴問安。(腓利門書5:14)
於是起來，往他父親那裏去。相離還遠，他父親看見，就動了慈心，跑去抱著他的頸項，連連與他親嘴。(路加福音15:20)

私人傳訊

積分: 483

47^#

發表於 11-5-7 23:55 |只看該作者

第八日小報告: 缺點紙順利燒了，也讚賞了她，反應還是和昨天差不多...第九日繼續努力! (謝謝sshoi)

私人傳訊

mypineapple

公爵府

積分: 27955

48^#

發表於 11-5-8 00:22 |只看該作者

Pigra 發表於 11-5-7 23:55
第八日小報告: 缺點紙順利燒了，也讚賞了她，反應還是和昨天差不多...第九日繼續努力! (謝謝sshoi) ...

做得好好呀, 加油呀, 支持你

私人傳訊

Chocobean

男爵府

積分: 6523

畀面勳章貢獻勳章環保接龍勳章

49^#

發表於 11-5-8 03:50 |只看該作者

本帖最後由 Chocobean 於 11-5-8 03:55 編輯

越黎越難啦！
靠自己的力量，無可能做到咁多日，我們在天上的父，俾我地力量！
加油加油！！！我仲有ｋｅｅｐ住為你每日祈禱！
太太無咩反應已經其實係唔錯嘅反應
母親節快樂，希望星期天嘅牧者能夠轉達一啲打動太太和鼓勵你嘅｛今｝句

私人傳訊

積分: 483

50^#

發表於 11-5-8 18:32 |只看該作者

第九日小報告: 一早起身有同太太講happy mother's day，反應同早兩日差唔多...返完崇拜同阿女送左份禮物比佢，今次的反應就不太好了，似乎不太欣賞...:(

下午，原本我以為她今晚會因為母親節陪我們，所以昨晚她出街我都沒有異議 (她慣常是星期日晚上去街的)....沒想到，她今晚街照去(連去兩晚)，只是說會比慣常早一點回來...母親節的晚上我要父兼母職在家湊女，唉.....(其實我知道她那學生是來自單親家庭，跟爸爸的，他沒有媽媽慶祝母親節，就在母親節把我女兒的媽媽搶去了，心很酸....) 但我今次進步了，沒有再發脾氣，也沒有表現不滿，由得她去了...

路很是艱難，但我會靠主繼續走下去的....謝謝大家的鼓勵和代禱，以及sshoi耐心的幫助!

私人傳訊

積分: 4598

51^#

發表於 11-5-8 19:48 |只看該作者

回覆 Pigra 的帖子

你能夠堅持落去已經做得非常好。正如我一開頭所講﹐佢一定唔會畀到好好嘅反應你。但你要相信﹐佢唔係盲嘅﹐亦唔係木頭﹐神已經透過你所做嘅事喺佢心中工作。
呢四十日嘅首要目的﹐係讓你透過聖經經文同個人體驗去更認識神嘅愛﹐睇見我地自己有幾咁唔可愛﹐並且讓自己成為一個值得配偶去愛嘅人。挽救重建婚姻係呢一切之後的結果。
如果問你太太﹐當初佢愛你D乜野﹐你估佢會點答呢﹖如果問你你愛你太太D乜野﹐你又會點答呢﹖世俗嘅愛係情況性嘅﹐雖然婚姻盟誓話至死不逾﹐但更多例子係我會愛你---直到我對你無晒feel﹐或直到我覺得你唔再可愛﹐或直到有一個比你更可愛的人出現。神嘅愛卻係無條件嘅(或者話係非情況性嘅)﹐因為係本於神嘅選擇﹐所以係唔會受情況而影響。情況會變﹐甚至關係會變﹐但真愛卻不變。呢種主動的、選擇的愛正係我地每一個人都須要去學習。

第十日任務﹕今日做一件你平常唔會做嘅事﹐去顯示畀你太太睇(亦係畀你自己睇)你嘅愛係本於選擇﹐而唔係本於情況。

花多D心思去諗﹐唔好話「我平時已經做D乜乜物物喇喎」。諗下有D乜野係你可以為佢做但係平時卻無做嘅﹐讓佢睇見雖然你地現在關係唔理想﹐但你仍然因為有佢作為你太太而喜樂。亦都讓你自己感受到﹐非條件性的愛並唔係在乎對方之前同之後的反應。

經文﹕因為我深信無論是死、是生、是天使、是掌權的、是有能的、是現在的事、是將來的事、是高處的、是低處的、是別的受造之物﹐都不能叫我們與神的愛隔絕。這愛是在我們的主基督耶穌裏的。(羅馬書8:38-39)

私人傳訊

maggiemusic

積分: 370

52^#

發表於 11-5-8 23:14 |只看該作者

Pigra,
一直看你的情況，一直都替你憂心，在人生的路上，很多時都是前路茫茫，沒有什麼可保證，我們常常都會問自己要做什麼﹖還缺少什麼﹖(如馬可福音10:17-27那少年一樣)神往往在我們最著緊的事情上(e.g.金錢、兒女、伴侶、婚姻....)要我們看穿自身能力的限制，我們很想找著更多的方法，但神卻要我們放下自己的方法、別人的眼光，單單的倚靠衪。大家要明白討好神實在容易過討好人！很欣賞你每次和太太對話前都先與神禱告，太太的做法心意，甚至靈命的成長，都只是她與神的事，所有人都是罪人，我們無力矯正，我們只可以做的是時刻向神認罪，求聖靈帶領，不要在這事上虧缺神的榮耀，神絶不和人一樣看重你做多做少，神只察看人心，願神與你同行，在這些日子更要多與你的女兒禱告！
Pigra,神愛你，沒有一人較神更愛你，你是重價買回來的，願這艱難的日子，神與你同行！

私人傳訊

積分: 4598

53^#

發表於 11-5-9 20:45 |只看該作者

本帖最後由 sshoi 於 11-5-10 02:36 編輯

最近我部返工車有個零件有D問題﹐我問過整車師傅如果整好要成皮野﹐我心諗我部爛鬼生鏽錢七賣出去都唔值一皮野啦。所以決定唔整喇﹐反正仲行得﹐遲下賣左佢算數。我咁諗法好合理卦﹖
我近兩個月來咳得幾緊要﹐因為免役系統有D問題﹐睇左三個醫生食齊晒中西藥秘方都未得﹐我心諗如果有邊個醫得好我﹐我多多錢都肯畀呀。咁亦好合理卦﹖
呢兩件事本身無乜關係﹐我用來作為例子係想指出好多人將婚姻睇成係前者﹐但神係期望我地講婚姻睇成係後者。好多人用消費者態度來對待婚姻﹐有問題咩﹐如果我付出唔多就去嘗試搞返掂囉﹐唔得就搵過個囉﹐反正外面咁多新車舊車。
神嘅話語卻教導我地﹐佢所設立嘅婚姻制度係非常奇妙﹐讓兩個本來獨立的個體合二為一﹐成為一體﹐結婚後成為對方骨中之骨﹐肉中之肉。我地應該珍惜對方﹐如同珍惜自己嘅身體﹔體貼對方嘅需要﹐如果體貼自己身體嘅需要。一個人如果某個器官有毛病﹐發炎﹐生癌﹐都唔會話切就切﹐一定會用盡晒化療電療甚至針灸氣功﹐唔會輕易放棄。今日想你學習嘅就係珍惜同體貼對方的需要。

第十一日任務﹕今日你諗下你太太有乜野需要﹐然後你就帶著歡喜的心同笑容為佢做。

唔一定係好大件事﹐甚至可以只係佢口渴時你倒杯水畀佢﹐或者見天氣熱放一包紙巾入佢袋畀佢抹汗。

經文﹕丈夫也當照樣愛妻子，如同愛自己的身子；愛妻子便是愛自己了。從來沒有人恨惡自己的身子，總是保養顧惜，正像基督待教會一樣，因我們是他身上的肢體。(以弗所書5:28-30)

私人傳訊

nganma

積分: 1149

54^#

發表於 11-5-10 01:10 |只看該作者

Pigra,
你好，很多網友都為你打氣，希望你保持信心。
我想從另一個角度說說我的看法，希望可以給你多一個考慮。
你懷疑太太有婚外情，但她否認了，我的看法是如果她否認，你會選擇相信嗎？因為如果她是真的有婚外情，但否認，那代表她仍有故慮。但如果她真是沒有，她與該位男同學只是較親近的師生關係，或者她想用她的方法去幫他。如果你因此而誤會她，她一定會認為你太不了解她，或者對她人格的侮辱，她會很不滿，所以如果你不是很有把握，我會建議你放下這個懷疑，因為這個懷疑會進一步破壞你們的婚姻關係。反而是把重點放在你們的婚姻，而不是處理你無法証實或者是插手的關係。
你提到你們的婚姻關係早已有問題，這件婚外情疑雲只是把問題浮面。
或者你可以看，因為這樣你開始積極面對你們的婚姻，從這樣看，這會不會是上主給你們一個機會去修補你們的婚姻。
你也提到你想見輔導員，我認為這也是一個積極的方法，雖然你的太太不願意去，但你會考慮自己去嗎？可能兩個人一起去會更有效，但有時一個人去，你也可從輔導員分析中了解多一些你沒有想過的角度，另一方我也覺得你很孤單去面對，雖然很多網友支持，但因為各種原因你未必可以說得太多太深入，所以除了各位網友熱心的幫忙外，我建議你自己也去接受輔導，你可以多一些專業意見，也可以有一個傾訴的空間，當你的心聲得到聆聽後，你會發覺你的心有空間去想你以前沒有想過的方法與面對方式。
這是我一些的看法，希望有些幫助。

私人傳訊

Chocobean

男爵府

積分: 6523

畀面勳章貢獻勳章環保接龍勳章

55^#

發表於 11-5-10 01:52 |只看該作者

喔我好中意sshoi你汽車同身體嘅比喻～！insightful+1！
唔知今日Pigra弟兄點呢？加油！

私人傳訊

積分: 483

56^#

發表於 11-5-10 02:45 |只看該作者

第十日小報告: 今日努力去想如何去做一件平時不會為她做的事，想來想去也想不到...直到晚上吃飯，她突然說很想飲汽水，我便靜稍稍地去買了(我平時很少她說想要甚麼便立刻買的)...她的反應和前幾天差不多，但比昨天收禮物時好了。明天的任務和今天差不多，我會繼續努力的!

sshoi的比喻令我有很多的反省，特別是想起有時軟弱想放棄的時候，我也曾有想「換車」的意念呢....

很感謝nganma的鼓勵，我也曾選擇相信她，但一次又一次的失望都令我心碎了，特別是發現她說謊的時候，我就會想她說的都是真的嗎? 我也明白他們之間的事我不宜再多說話了，只會愈來愈糟...我真的希望如妳所說，這次的危機是神讓我們的婚姻帶來轉機的機會....我會考慮自己去接受輔導的，只要安排好時間便行了。

無論如何，感謝大家對我的關心、安慰及代禱。老實說，我在這裡得到了很大的幫忙，真的感謝你們 :) ! (chocobean我們要一起加油!)

私人傳訊

hapibaby

別墅

積分: 622

57^#

發表於 11-5-10 04:25 |只看該作者

其實我有一個人性化的suggestion
一來,可以用小朋友泥令佢留低,
二來,你地一齊咁耐.點都有難忘事,,eg一開始一齊去過的地點,餐廳,/
令佢明白你仲好愛佢,好著緊佢,
更可以叫朋友/親人照顧小朋友,同老婆去散下心
我覺得你不斷再用聖經個d只會更反感
你需要知道,你的情敵時間,'心機,哄女仔的方法都比你多
但你有優勢,就系咁多年的感情同了解,仲有,你錢會比他多
但你要利用有既$去製造幸福浪漫,需知道,老婆走左就冇
女人,不過是想有人錫,有人關心,被重視,被放在心上
我會為你們pray,
可能,我吾系一個稱職的基督徒,但我覺得,你單方面系冇用

點評

Chocobean 我地當初都係被天父單方面去愛 =）未別有『用』，但為咗回報天父，都要試試發表於 11-5-10 13:25

私人傳訊

Chocobean

男爵府

積分: 6523

畀面勳章貢獻勳章環保接龍勳章

58^#

發表於 11-5-10 13:33 |只看該作者

我同媽咪關係都仲係唔係咁好....

星期六老公趕唔到食飯，母親節買花俾媽咪佢唔要....
星期一我身體唔好冇去搵佢
聽日我會再拎啲小禮物俾佢....加油加油！
『人點燈，不放在斗底下，是放在燈檯上，就照亮一家的人』
主是我們的燈檯，如果我們燃點生命，將自己放在祂上面，就可以照亮我們的家人。

Pigra弟兄,可能老婆係專登話你知想飲汽水架=）
佢以前有話過你，同你表達要求你唔上心嗎？
我諗佢睇到嘅！加油！

私人傳訊

積分: 4598

59^#

發表於 11-5-10 20:30 |只看該作者

回覆 Pigra 的帖子

記得第一日嘅任務嗎﹖負面嘅說話帶來負面嘅思想﹐負面嘅思想帶來負面嘅關係。謹記你從第一日所學習嘅野﹐少D再佢面前或在其他人面前(包括呢度)講一D同你太太有關嘅負面說話。
腓立比書2:5話﹕「你們當以基督耶穌的心為心。」保羅接下來形容耶穌基督本有神嘅形象﹐卻願意虛己卑微。在夫妻關係上我地唔多唔少同配偶會有意見不合嘅地方﹐對事物睇法唔同﹐想做唔同嘅決定。有小部份當然係不能妥協﹐例如關乎到基要道德同信仰嘅事﹐但更多嘅衝突係在一D非基要嘅事情上﹐有時為著去邊間餐廳食飯、去睇邊套電影都嘈一餐。呢個係一個普及教育嘅世代﹐大家都係有知有識﹐當面對一D選擇時﹐好自然會懂得去衡量計算各樣選擇嘅利弊﹔但我希望你今日能夠學習嘅﹐係先將你配偶嘅意願放在你嘅衡量計算當中﹐仲要佔一個好大嘅比重。當然唔係話每件事情佢話yes你唔可以話no﹐而係培養你對佢有佢應得的尊重同看重﹐在好多選擇上甚至願意虛己﹐「不要單顧自己的事，也要顧別人的事」。

第十二日任務﹕喺某一件你同佢意見不合的事情上﹐你選擇按照佢嘅意願去做﹐並且話佢知你看重佢嘅意願。

唔好只係搵一件你容易妥協嘅事(例如廁所用邊隻牌子廁紙)﹔你要真正學懂今日嘅功課﹐就要搵一件你覺得唔容易妥協嘅事﹐否則呢個任務無乜意義。

經文﹕惟獨從上頭來的智慧，先是清潔，後是和平，溫良柔順，滿有憐憫，多結善果，沒有偏見，沒有假冒。(雅各書3:17)

私人傳訊