回覆 BK_EDITOR 的帖子
我對我三個寶貝是用引導思考教想 , 由於我自己係全職mama , 好多時間會對住佢地 , 亦因為咁我吾會下下幫佢地完成係佢地能力範圍可以做刑既事 .
例如 :
1) 三個小朋友係餐後都係自己收拾碗筷 , 令佢地明白自己係有責任既 , 自己事應該自己做 .
2) 大小姐比較有脾氣 , 成日蝦二小姐 , 有一日大小姐食淨一塊麵包 , 明知二小姐想食都放番入櫃 , 等二小姐攞吾到 , 我一直睇住冇出聲 , 大小姐食完麵包要飲水 , 我倒一杯水 , 放左係櫃上面就同佢講 :
我: 家姐 ,你攞吾攞到呀 ?
大小姐 : 太高喇 , 攞吾到 .
我: 咁你頭先食完塊麵包放係櫃入面 , 阿妹又攞吾攞到呀 .
大小姐 : 攞吾到
我: 你攞吾到既野媽咪會幫你 , 你可吾可好似媽咪咁照顧弟妹丫?
大小姐: 可以 , 對吾住 , 阿妹
要比佢地身同感受先會知道自己既行為係會傷害到其他人
3)身教 , 我吾食零食汽水所以佢地到依家從來未食過任何零食汽水
好可惜,一直以為好深既緣分,原來好淺-節錄<野豬.黃子華> »