懷孕前後

收藏本版
發帖
返回列表
跳至頁

首頁
1

尾頁
   0
雙魚媽媽


別墅

積分: 520


1#
發表於 12-1-25 12:07 |顯示全部帖子
忍左好耐, 我老公的強國親戚終於都旅遊完畢返大陸啦...我實在太開心啦...

其實我依家已經有8個月BB, 所以我一直提醒自己要心平氣和...唔好激親自己...

所以, D老公的強國親戚就算拎走晒我屋企D小包紙巾, TOOTHPASTE, 布甸, 果凍, 糖果, 孕婦奶粉 1.5 CAN (註: 佢地無屋企人大肚; 我開了飲左一半都拎走埋),
連我O係英國旅行買O既格仔頸巾/ 裝手提電腦個袋,...都俾人拎走左...我都以平常心去對待...勿動氣...

今次老公的強國親戚到我家小住, 令我大開眼界...我已經打消左換樓O既念頭...我無辦法可以同老公分享我對佢D強國親戚O既睇法, 又唔想我屋企人擔心我, 所以真係要上來抒發一下...

老公的強國親戚就係老公的堂弟一家人; 有爺爺, 奶奶, 堂弟, 弟婦, 一個細路女一個細路仔...細路女幾乖, 個細路仔就係小霸煌...

我家有三間ROOM, 我讓了自己間ROOM俾爺爺, 奶奶; 自己同老公去BB及工人ROOM; 堂弟, 弟婦, 細路女細路仔就去租酒店住...

佢地DAY DAY 早晚都O係我屋企煮野食, 所以我屋企O既KITCHEN同廳好似開飯堂咁...算...唔緊要,
最多等佢地走左, 我再清理晒成間屋...依家無姐姐用,...唯有自己做工人...

都唔知佢地點用TOILET, 點解成日都有屎尿留低, 又唔自己清潔番呢?...算...唔緊要, 最多等佢地出來玩果時我自己清潔...

但係有D野我真係覺得頂唔順...就係佢地落左來咁多日都唔見佢地沖涼...天呀, 佢地到香港之前有幾耐無沖涼, 我真係唔知, 不過, 來左香港咁多日都唔沖涼, 真係好頂唔順...
佢地唔沖涼, 唔洗衫, 一除SOCK就有一股氣味...可憐我O係9度O既嚴寒都要打開晒D WINDOW同門散味...呀, 毛毛拖鞋都俾人著左...好凍呀...

佢地行得好累, 就赤腳用我個張按摩椅一邊食面...一邊按摩...我張按摩椅有湯汁, 面同埋強國腳味...算...我可以忍住...心裡想著:可以清潔的可以清潔的可以清潔的...

其實, 我覺得最難頂的, 是小霸煌...TO BE continuou...
私人傳訊

雙魚媽媽


別墅

積分: 520


2#
發表於 12-1-25 12:39 |顯示全部帖子
其實, 我覺得最難頂的, 是小霸煌...

小霸煌對我家的 WII, 電視, DVD REMOTE好有興趣, 佢父母任佢玩, 算, 反正你地強國人睇唔睇電視唔關我事,...堂弟一家都算受過教育, ...心想應該唔會太過份...

忍無可忍的, 是小霸煌攪我個電腦, 真在係忍無可忍,...忍無可忍忍無可忍忍無可忍

我已經在 ROOM 裡面先LOGIN IN...一個唔留神, 去一去TOILET, 俾小霸煌潛左入間ROOM, 大大聲開左D 大陸WEB SITE GAME 來玩...

我一發現, 就好直接地SHUT DOWN左個電腦, 同個細路講, 你唔可以攪我個電腦, 這是用來工作的...
之後, 我提議帶佢地去打籃球減低對屋企O既破壞程度...

但佢地竟然唔去, 噪住要打GAME...
我唔知佢用咩辦法可以LOGIN到我老公部電腦, (其實我自己都唔知老公PASSWORD的)...O係我入左KITCHEN O既時候, 佢已經用緊我老公部電腦打機...算, 反正唔係我部電腦...

但因為聲浪太大, 所以大人聽唔到電視, 電視聲相到又要再大聲先聽到...好噪呀...我同我自己講...唔好嬲唔好嬲, 會影響BB嫁...

你估佢地睇咩節目? 就係鳳煌衛視, 中央新聞, 同埋春節晚會...
...."呀....呀....毛主席像個紅太陽呀...."
私人傳訊

雙魚媽媽


別墅

積分: 520


3#
發表於 12-1-25 12:50 |顯示全部帖子
我不停咁REMIND自己...要心平氣和心平氣和心平氣和心平氣和...會過去的...

前晚食完晚飯, 唔知個小霸煌點玩我屋企個鐡閘, 竟然攪到小霸煌LOCK左自己O係外面, 而所有人都LOCK左O係屋裡面...年初一係無開鎖佬開工O既...估唔到, 我入伙5年, 個鐡閘就係死左O係個小霸煌手上...

佢地初時都唔知點, 用力推, 拉, 拑, 轉, 個鐡閘開關都卡左O係中間...我老公又出左去買野, 唉...我已經打左輸數...無啦無啦...鐡閘無啦...

個老爺同堂弟問我借左鏍絲批, 拆左個鐵閘...條柱就卡左O係中間...之後, 唔知點佢地竟然拎左把菜刀出來....斬呀...
私人傳訊

雙魚媽媽


別墅

積分: 520


4#
發表於 12-1-25 13:01 |顯示全部帖子
就係咁...個鐵閘竟然俾佢斬返正常...咁都得?! DRAWBACK 係留低左長長O既菜刀痕跡O係鐵閘同木門框...呢幾日我其實無同我老公傾過計, 因為實在太忙於處理呢班強國人...今日老公送佢地上堔圳玩, 要過兩日先會返來...佢走之前我忍唔住同佢講: You should be really appreciated what I've been doing these few days...佢扮到個樣好慘咁...SAY SORRY...之後走左啦...

私人傳訊

雙魚媽媽


別墅

積分: 520


5#
發表於 12-1-25 13:13 |顯示全部帖子
依家有一個問題...就係我搵唔到我個手提電話...所以要慢慢搵...希望可以搵到啦...

O係徹底清潔間屋之前, 真係忍唔住要上來講下我O既經歷...雖然只係短短幾日, 但係我已經覺得好似過左好耐咁...成日都講強國人O係香港可以帶動經濟...唉...但去狄斯尼樂園, 食午飯, 坐車, 住酒店全部都係我老公俾嫁...早晚又來我屋企食, 真係有帶動經濟...?

睇睇數字, 2010年, 港人到內地消費, HKD689億; 強國人來港消費是450億...唔知有幾多係我地自己俾呢? 我已經打消左換樓O既念頭, 住細D有籍口唔使再收留強國"親戚"

點評

kata_hihi  連酒店都係你老公俾??   發表於 12-1-25 14:22
私人傳訊

雙魚媽媽


別墅

積分: 520


6#
發表於 12-1-25 13:19 |顯示全部帖子

我生左之後, 會有姐姐同BB, 唔會再有地方招待強國"親戚", 亦都唔會換樓...因為我有FEELING佢地想生多一個BB同埋O係我屋企住...所以, 就咁算...佢地走左我實在太開心啦, 大家新年快樂, 身體健康, 祝我早日找到電話...

點評

lovebabyking  樓主IF你果部係iphone,睇怕都唔會搵得到喇mouth:  發表於 12-1-25 15:37
私人傳訊

雙魚媽媽


別墅

積分: 520


7#
發表於 12-1-25 15:18 |顯示全部帖子
仲未搵到電話…我又打定輸數了…想起來, 其實強國親戚受過大學教育, 有不錯的職業, 在強國有車, 有幾層樓, 絕對唔係UNEDUCATED果種人…但說出來的話, 就不太動聽啦…

強國親戚說:...香港人不是靠強國, 早就無了...沒有東江水, 水都無得你飲...

我心諗: 香港不買你強國的東江水, 東江水都要留入大海, 香港三年用110億將海水化淡不可以嗎? 這110億擺明是給供港水局賺啦...
新加坡還不是用 NANO TEXTILE FIBER 過濾海水,...今時今日, 不一定要用DISTILL 方法啦...營運成本低了好多,...無了香港買東江污水, 供港水局可以收工了...

強國親戚說: 香港人不是靠強國, 金融中心地位不保了...

我心諗: 95年起咁多間強國企業來香港上市招股集資, 是香港人付了超過一半的抽水數呀...幾十萬億呀大佬...仲有人行O係香港發行人民幣債券俾香港水魚買, 係邊個支持緊邊個?

我唔SURE我係咪唔小心俾強國親戚睇到我 FB...

有一段數落簡體字的段子如此寫：
漢字簡化之後，親（亲）不見，愛（爱）無心，產（产）不生，廠（厂）空空，麵（面）無麥，運（ 运）無車，導（导）無道，兒（儿）無首，飛（ 飞）單翼，湧（涌）無力，有雲（云）無雨，開關（开关）無門，鄉（乡）里無郎，聖（圣）不能聽也不能說，買（买）成鈎刀下有人頭，輪（ 轮）成人下有匕首，進（进）不是越來越佳而往井裏走，只有魔，還是魔。
你看，連從小學簡體字的大陸同胞都有感而發，可見大家都知道簡體字禍害中國文化...

好似得罪左佢地咁...
私人傳訊

雙魚媽媽


別墅

積分: 520


8#
發表於 12-1-25 15:27 |顯示全部帖子
點解接佢地來住? 因為答應了老公的爸爸媽媽囉...
強國親戚就算有D錢, 都會覺得香港酒店物非所值...

強國親戚就算有D錢, 都不代表不貪小便宜的...
私人傳訊

雙魚媽媽


別墅

積分: 520


9#
發表於 12-1-25 15:41 |顯示全部帖子
其實我都有唔開心, 只係唔想發脾發影響BB,...
如果唔係有BB, 我應該會發脾氣囉...

依家, 留低O係屋企O既...係一地瓜子殼, 花生衣, 食物包裝袋同埋污漬...
我都未有心機開始執屋...
私人傳訊

雙魚媽媽


別墅

積分: 520


10#
發表於 12-1-25 21:18 |顯示全部帖子
個電話我搵番啦...

原來我老公同我收埋左...老公打電話番來CHECK 我STATUS搵到啦...

開心番
私人傳訊

雙魚媽媽


別墅

積分: 520


11#
發表於 12-1-26 12:52 |顯示全部帖子
其實今次係我第二次招乎老公O既強國親戚...

上一次O既經驗係唔錯O既, 上一次係老公O既表哥一家人, 爸爸同個女都係教書, 各方面都OK 嫁, 只係表嫂比較八卦, 鍾意問人一個月幾錢人工, 層樓幾錢, 按幾錢, 可以儲到幾多錢...等...

所以先會有今次囉...但今次之後, 應該唔會有下次LU :;pppp:
私人傳訊

雙魚媽媽


別墅

積分: 520


12#
發表於 12-1-26 13:06 |顯示全部帖子
其實嚴格來說, 食物呢, 點講好呢...我本來係預左D親朋上來拜年一齊食...

咁佢地唔算係偷, ...佢地係O係我面前直接拎走晒,
只係無問過我同埋無得我同意姐...就咁拎左去囉.

條頸巾係借...不過無還...
至於個電腦袋...我真係唔知佢地用咩理由拎左, 要等我老公返來問一問...

可能見我唔出聲, 所以先拎左咁多野走...:;pppp:
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見