吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 家庭理財› 保險經理之 - 不能說的秘密 ~~ (精華文章...必看) ...

家庭理財今日: 0|主題: 46254

收藏本版

回覆發帖

返回列表

跳至頁

樓主: 大力大力

[積金保險] 保險經理之 - 不能說的秘密 ~~ (精華文章...必看)

積分: 491

好媽媽勳章醒目開學勳章

1^#

發表於 12-4-4 23:10 |顯示全部帖子

多謝大力咁多資料, 無私的爆料.

我有一保險經紀朋友識咗30年, 全家幫佢買保險, 我仲未覺得佢呃緊我地, 或者可能我地蠢.

前年2公婆分別失業了1年及8個月, 樓又未供完, 全靠每年供$5100, 供咗24年的終生人壽保險幫咗一把, 係冇取消單的情況下取了12萬幾, 只係蝕咗通賬, 而家份單仲供緊, 但會考慮減一半, 因小朋友已投身社會, 樓已供完, 終生人壽的作用, 已經唔需要咁多.

醫療及意外我地全家都有買, 意料之外冇人知, 冇意外就係蝕, 有意外就係賺.

另有投資保險(冇年期限制, 前置式收佣)買咗10年, 頭5年真係蝕錢, 上星期結算, 賺咗接近30%.

上星期同保險朋友見過面, 佢都有介紹有15年及20年的基金, 當時問咗佢好多問題, 有少少保留, 因為有年期限制.

買唔買保險, 買邊類保險, 真係好睇自己需要.

點評

moonjelly92300 GOOD 發表於 12-4-5 10:54

私人傳訊回覆引用

高佬太太

複式洋房

積分: 491

好媽媽勳章醒目開學勳章

2^#

發表於 12-4-6 11:07 |顯示全部帖子

分享下自己買保險的原因: 是對是錯, 因人而異, 不喜勿插.

因為大仔出世後3個月發現有個血瘤, 需要做手術, 幸好當時排到快隊在公立E院做, 否則去C+手術費一定負擔唔到, 因為此事, 我地開始去計劃買保險, 買什麼保險, 要買幾多? 我地買保險目的是給家人的保障, 不是去賺錢.

人壽保是老公給老婆仔女的保障, 當時仔細老婆嫩, 萬一他死後, 我要獨力養大個仔會較辛苦, 因為我賺錢能力低.
到今日呢份保險作用已經完成一半任務(況且我地已經攞咗10幾萬救急), 因為仔女長大後不應是要靠這份保險而生活, 係要靠佢地自己, 所以決定cut半.

當時我冇買人壽保, 因為假設我死咗, 老公有賺錢能力, 可以養大個仔.

醫療保及意外醫療就全家都有買, 係最平個款, 4人買咗, 3人claim過, 全部都係小意外, 但3個都要縫針, 使費全部claim足.

我10年前開始買有投資成份的保險, 因為開始要為退休後計劃, 買之前好清楚有什麼收費, 清楚投資也不是短視的, 只是每年都好期待係正增長, 今日有30%增長都好開心. 假設10年前冇開始, 可能每月的幾百元已經成為我每月的消費品.

老公5年前同樣買咗有投資成份的保險, 今日佢已經打成平手, 仲有1%增長, 不過就輸咗俾通賬, 如果佢冇開始, 睇怕佢每月的玩具就成為屋企的障礙物.

之前提過朋友介紹有年期基金保險, 唔係因為收費問題, 係因為要供15及20年, 我兩老已經年過半百, 只是擔心冇能力堅守最後一刻, 因為冇工作就冇錢供, 短期斷工一定蝕, 所以唔啱我地. 反之, 會再睇清楚問清楚考慮清楚是否較適合2個仔供.

點評

sai_sai 謝分享

發表於 12-4-6 21:33

私人傳訊回覆引用

高佬太太

複式洋房

積分: 491

好媽媽勳章醒目開學勳章

3^#

發表於 12-4-6 12:58 |顯示全部帖子

醫療&意外, 我地只是用最低隻plan, 如果大家喜歡用賭博去計算/衡量.

可以咁講, 醫療&意外保險, 呢10幾年我地已經輸咗, 每月幾百仲輸得起, 暫時全家都好平安. 如果唔買, touchwood有意外, 我知我地更加輸唔起.

投資保險, 一個贏咗, 一個打和, 仲會繼續去賭博

(或者大家覺得我好蠢, 輸好贏好, 都是自己決定)

私人傳訊回覆引用

高佬太太

複式洋房

積分: 491

好媽媽勳章醒目開學勳章

4^#

發表於 12-4-7 08:23 |顯示全部帖子

101基金係乜我唔清楚, 琴晚我就用excel計緊朋友介紹的15年/20年期基金供款, 當天佢用9%回報計算, 埋單緊係好可觀.

我自己就用5%回報計(當然不能保證, 只是用樂觀去睇)
每個月的保單管理費0.75(用供款金額計),
投資管理費每月0.1%(戶口價值計),
買賣差價及轉換費1%(暫時不收, 但保留日後可能追收),
如果提早贖回就分別係3-6%, 不同年期有不同的比率(每月供款x18個月x尚餘年期x比率(佢地有個表計)

假設我每月供1500, 供15年用27萬, 每年5%回報, 埋單應該有約40萬幾,
扣除管理費約48000, 淨收35萬幾. 當然基金升跌都會影響實際收回.

愈早斷供就蝕得愈慘, 供上有5年就可以有番個本, 如果當時買的基金冇大跌的話.

我自己覺得基金係長線, 要諗清楚自己的能力, 是否10幾年都可以每月有這筆多餘錢? 是否10幾年都唔使動用呢筆錢? 有冇耐性等咁耐呢?
如果冇, 咁就唔好去諗, 免得供咗就話佢地呃人, 佢地收取管理費係合理, 因為冇免費的午餐, 管理費是否太高? 咁就要自己計下值唔值得.

要短視的, 有眼光的, 不如炒下股票, 記住買賣股票都要收費架.

##申報, 我唔係agent, 只係用c9膚淺又唔知啱唔啱嘅數學去計, 這不能作準, 錯咗唔好鬧, 記得提醒番我, 等我下次唔好錯##