懷孕前後 今日: 11 | 主題: 329719

積分: 5460

1^#

發表於 12-5-7 12:55 |只看該作者 |倒序瀏覽 |打印

收到健康院打來, 在上星期攞左分泌去驗後, 今日打來話我知中左B鏈

雖然聽過講座又上網search過, 只要在生前打抗生素就ok, 加上阿b到依家都未轉頭仔, 所以已約期開刀了, 正常唔經過產道的話, 應該無咩關係, 健康院姑娘都係咁同我講.

只不過我整過孕期無特別太多分泌, 又無尿道炎, 又無念珠菌, 總之係無特別情況下...都會中左b鏈

原來b鏈真係無特別情況架, 正正常常咁都有機會的.

咁...六合彩幾時俾我中呀, 我想中六合彩後退休湊b多過要返工呀

0 0 0

私人傳訊

maymaymama2405

禁止訪問

積分: 13147

2^#

發表於 12-5-7 13:28 |只看該作者

提示: 作者被禁止或刪除內容自動屏蔽

私人傳訊

varitsara

禁止訪問

積分: 668

3^#

發表於 12-5-7 13:45 |只看該作者

提示: 作者被禁止或刪除內容自動屏蔽

私人傳訊

pikupi

子爵府

積分: 10840

陪月勳章

4^#

發表於 12-5-7 14:26 |只看該作者

唔洗擔心, 原來哩隻菌好普遍, 上星期去屯院既產前講座, 個醫生話每5個女人就有1個有哩隻菌, 只要係生果時每4hrs 打抗生素, 同埋bb 出世後打枝針, 咁就可以避免感染。

醫生又話萬一bb 出得太快, 產婦打唔切抗生素 or bb 打唔切針, 已屯院每一年計, 出世既bb 有成 5千幾, 得唔夠5個係會因為b 鏈要令到 bb 感染肺炎, 仲有一兩種唔記得咩病。

私人傳訊

積分: 5460

5^#

發表於 12-5-7 22:52 |只看該作者

回覆：maymaymama2405 的帖子

多謝你

姑娘都同我講我開刀生就無咩關係，因為經產道才會要打抗生素呢。

私人傳訊

積分: 5460

6^#

發表於 12-5-7 22:56 |只看該作者

回覆：varitsara 的帖子

我在公立醫院生，要開刀係因為36w4阿B都未轉頭，胎位不正先要開刀，與B鏈無關呢。有B鏈的話經產道生會在生前四小時開始打抗生素。

私人傳訊

積分: 1764

7^#

發表於 12-5-7 23:56 |只看該作者

回覆 idykawaii 的帖子

你依家知道已經好好彩,我生之前健康院拎左我D分泌去驗,驗左冇講俾我聽結果,我又係冇徵兆,以為冇野,到我生左第2日係醫院,姑娘突然話我BB感染指數高,要去兒科,幫我BB抽血驗呢樣驗嗰樣,拮到手手腳腳花晒,心痛死我,仲要係我產後第2日抽我D分泌去驗,可憐我個傷口生完已經好痛,仲要用鴨咀

,之後連續幾日都未知咩事,已經幫我BB打定抗生素,因為報告未出,隻抗生素原來唔啱,到出左報告再加多1隻抗生素,前後住左10日醫院,先知原來我中左B鏈,呢10日我日日PUMP奶去醫院睇BB,搞到傷口D線扯到好緊要去搵醫生拆線,醫生話因為行得多所以咁,之後仲要病埋,病到暈左係屋企

,到我帶BB返健康院先知道原來健康院一早驗到我中左,但搵唔到我喎,我個電話24小時開住,有MISS CALL我一定會打返去,點會搵我唔到,就算我冇聽電話都可以留言俾我架,呢D咁重要既野都唔出聲,如果佢地肯做多小小我同BB就唔洗受咁多苦,可憐佢得幾日人仔就要日日抽血打抗生素,我去到睇阿B,佢成張床單成條腳帶都係屎又唔幫佢換,淨係換左條片就算,諗起都嬲

,所以中左B鏈唔緊要,最緊要係生之前知道,咁就唔發生我種事喇

私人傳訊

nanakobe0066

積分: 6805

2024年龍年勳章陪月勳章

8^#

發表於 12-5-8 00:17 |只看該作者

winglee1227 發表於 12-5-7 23:56
回覆 idykawaii 的帖子

你依家知道已經好好彩,我生之前健康院拎左我D分泌去驗,驗左冇講俾我聽結果,我又係 ...

你BB依家無事嘛?

我0係健康院驗B鏈, 好似當時係WK32, 佢地無特登打電話俾我, 係0係我WK34產檢前話我知中咗, 同埋佢地有用紅色筆寫字0係我份產前紀錄內, 我入院生BB時, 護士/醫生都睇到. 健康院話無藥食, 生BB之前打針便可以.
到我見紅入院, 穿水入待產房, 就每4個小時打抗生素, 我要落催生藥先可以開始開度數, 都KEEP住有4個小時打針, 我仲記得我最後一針係我開夠10度可以出力順產前打, 好彩BB無事, 護士應該無同BB打針, 因為無人同我講過.

加油啊!!! 你BB可以好快健健康康!!!!!!

私人傳訊

積分: 1764

9^#

發表於 12-5-8 00:30 |只看該作者

回覆 nanakobe0066 的帖子

我bb冇事,今日剛1歲喇

,其實一早知道係可以好簡單,只要幫媽媽打針就得,我嗰時好似係36-7wk先幫我驗,之後唔洗返去覆診,所以我唔知中左,真係好無奈,好彩bb到依家touchwood都算健康,聽日打1歲針la

私人傳訊

Mugilam

別墅

積分: 565

10^#

發表於 12-5-8 00:56 |只看該作者

引用：回覆+idykawaii+的帖子你依家知道已經好

原帖由 winglee1227 於 12-05-07 發表
回覆 idykawaii 的帖子

你依家知道已經好好彩,我生之前健康院拎左我D分泌去驗,驗左冇講俾我聽結果,我又係 ...

唉！我係Qe生同你差唔多曆，生左之後先知中左，但好彩我無用鴨咀再check ,如果唔係我會暈！
我個仔生到出院又係十日，個十日我個心情好差，見到隔離左右b b 出院個心更希望到自己個仔！最憎就係Baby 柯到成身屎無人理，換左片就算！

私人傳訊

Babylyly

積分: 6987

11^#

發表於 12-5-8 09:06 |只看該作者

回覆：winglee1227 的帖子

邊間健康院呀？

私人傳訊

積分: 5460

12^#

發表於 12-5-8 10:05 |只看該作者

winglee1227 發表於 12-5-7 23:56
回覆 idykawaii 的帖子

你依家知道已經好好彩,我生之前健康院拎左我D分泌去驗,驗左冇講俾我聽結果,我又係 ...

嘩, 佢地做嘢都幾求其呢. 你在健康院都驗左b鏈, 雖然無講你知報告, 但係到阿b出左世後有咩事, 醫院應該立即refer番你報告內的各事項, 就會一目了然呢. 有咩理由是但咁打抗生素係bb到

仲要拖成十日先知道發生咩事

好在你bb依家無事咋! 不過政府咁樣, 真係令人好怕好失信心呢.

私人傳訊

kylie10

公爵府

積分: 27490

好媽媽勳章醒目開學勳章環保接龍勳章

13^#

發表於 12-5-8 10:53 |只看該作者

請問樓主，約了期幾多週開刀？
Thanks

私人傳訊

積分: 1764

14^#

發表於 12-5-8 14:46 |只看該作者

回覆 Babylyly 的帖子

瀝源健康院

私人傳訊

積分: 1764

15^#

發表於 12-5-8 14:57 |只看該作者

回覆 idykawaii 的帖子

因為佢地話種菌報告要幾日先有,但呢幾日我阿b個感染指數一日比一日高,所以佢地要靠估嚟用藥,再日日抽血睇下個指數有冇低返先知隻抗生素啱唔啱,咁用左第1隻個指數冇低到即係唔啱,佢地又靠估嚟加多一隻,再抽血,今次用左呢隻個指數低返,先知呢隻藥係啱,但呢個時間個報告都仲未出,仲未確定到係咩事

,仲要我生嗰時係穿左水20個鐘先推我落產房,30個鐘先生到出嚟,佢地係因為我穿水穿得耐先捉我個女去驗,個個都問點解穿左水咁耐先推落產房,原來係姑娘轉更唔記得左我個case,到第2日睇排板先知我穿左水咁耐,問你死未,所以我個女條命係執返嚟架

私人傳訊

積分: 5460

16^#

發表於 12-5-8 17:10 |只看該作者

kylie10 發表於 12-5-8 10:53
請問樓主，約了期幾多週開刀？
Thanks

約了38w4d開刀

私人傳訊

積分: 5460

17^#

發表於 12-5-8 17:14 |只看該作者

winglee1227 發表於 12-5-8 14:57
回覆 idykawaii 的帖子

因為佢地話種菌報告要幾日先有,但呢幾日我阿b個感染指數一日比一日高,所以佢地要靠 ...

痴線架, 竟然唔記得有patient係度, 交更睇排版先知

所以我真係覺得有咩事真係要叫姑娘, 千其唔好用"唔好意思"的心態, 否則漏左到時有咩事都唔知點算好!

你果時生囡囡時是否第一胎，咁你當時未好驚?

私人傳訊

nanakobe0066

積分: 6805

2024年龍年勳章陪月勳章

18^#

發表於 12-5-9 01:04 |只看該作者

回覆 winglee1227 的帖子

你BB無事就好了, 生日快樂!!!! 為人父母真係唔容易, 我仔仔入過院照燈(黃疸) 同尿道炎入院, 我都担心咗好耐.

你邊間醫院呀? 穿水都大件事喎~~~~ 我係見紅入院住產前房, 跟住穿水, 我去話俾姑娘知, 佢檢查完話唔肯定係咪穿水, 但都9秒9(真係快到我連0野都未執, 就俾姐姐送上床推入去, 姐姐幫我攞埋D0野走) 送我入產房再檢查啦~~~ 我要加催生藥先開到度數, 好彩穿水24小時內生咗阿仔~~

私人傳訊

積分: 1764

19^#

發表於 12-5-10 15:18 |只看該作者

回覆 idykawaii 的帖子

我就係穿左水咁耐都冇陣痛行得走得食得,所以我自己都忽略左,一心諗住D姑娘會知幾時要點做,冇諗過佢地會唔記得左我

私人傳訊