吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 小朋友大脾氣,可以點教 Part III

少年成長今日: 0|主題: 15857

收藏本版

回覆發帖

返回列表

跳至頁

查看: 567989 | 回覆: 1587

12 3 4 5...80

積分: 33212

1^#

發表於 12-5-8 21:36 |顯示全部帖子 |倒序瀏覽 |打印

本帖最後由 SandraLo 於 12-5-8 21:59 編輯

各位：

又要開新 topic 了, 先多謝大家多年捧場, 我會按次序答番 Part II 尾的問題.................
大家可回顧一下 Part I 及 Part II ：

小朋友大脾氣,可以點教 (置頂)
http://forum.baby-kingdom.com/forum.php?mod=viewthread&tid=840915&extra=page%3D1&page=3

小朋友大脾氣,可以點教 Part II
http://forum.baby-kingdom.com/forum.php?mod=viewthread&tid=2343238&extra=page%3D1

1 4 0

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊回覆引用

SandraLo

珍珠宮

積分: 33212

2^#

發表於 12-5-8 21:58 |顯示全部帖子

adallfad 發表於 12-5-7 14:05
Dear Sandra,

你好! 我追看了你很多年了，也常用讚+ingore，對家姐也ok，但現在到細佬3歲，攪不好了，問題太多，真的攪到我無從入手，所以要來找你麻煩哦，細佬有以下問題:

1) 要求什麼也好, 一開聲就扭著要
2) 有時會不喜歡嫲嫲，推開她，坐遠她
3) 與家姐爭玩具，繼而打人，大聲鬧人 (好肉緊)
4) 他說不, 就不肯改變, 如我們堅持, 他就大聲哭鬧 (經常大聲哭鬧)

萬分感謝! ...

adallfad :

你現時是如何處理？理論上如你有用 ignore, 即他用扭要嚟求一樣嘢係「冇」嘅話(即扭唔到), 佢應該唔會持續咁做, 問題出在何處？

私人傳訊回覆引用

SandraLo

珍珠宮

積分: 33212

3^#

發表於 12-5-8 22:39 |顯示全部帖子

simmeng 發表於 12-5-8 01:17
Dear Sandra,
Thanks for your reply!
你咁講都可能啱。因為我覺得打人好大件事，所以反應好大。尤其第一次出現時佢被爸爸敷衍緊，我地咁大反應反而中計！
我會再試下讚得好D。但有時我覺得佢唔係seek my attention。例如我已經係同佢玩緊，爸爸行埋黎坐喺旁邊叫下佢，佢都伸手出去話打死你... 莫名其妙... 真係好難ignore。咁我當無事繼續同佢玩？如果立刻停止玩都可能係一個反應？叫爸爸ignore 都可以，不過佢已經覺得好慘唔受尊重。
咁可唔可以件事過咗bedtime story 先講返咁樣做唔啱？有無需要呢？

simmeng :

「爸爸行埋黎坐喺旁邊叫下佢，佢都伸手出去話打死你」~~ 你講呢個情况我又明喎, 唔係 attention seeking, 係佢淨想同你玩, 唔想「侵」埋爸爸, 想盡快表達俾你知, 於是就這樣說！
拆解方法：我估佢 label 咗爸爸冇心機同佢玩, 因此佢只想和你玩, 你找一些遊戲是要3個人玩的, 每次一定要爸爸响度才有得玩 (你不會和她玩), 等佢對爸爸改觀, 而你和她玩時, 若再出現你所講的打爸爸情況, 你便問她是否不想爸爸參加, 若她說是, 你就教她和爸爸講：「有乜事呀, 我玩完揾你呀」, 或者「爸爸等一陣, 我玩埋先」, 然後叫爸爸都答番佢咁佢慢慢會知用言語表達更好.

bedtime story 可以講打人唔啱, 「話」打人都係冇禮貌, 唔駛太刻意, 我始終覺得係佢只係未識表達, 隨住佢大個d, 你地嘅反應細d, 加埋讚, 好快搞掂！

私人傳訊回覆引用

SandraLo

珍珠宮

積分: 33212

4^#

發表於 12-5-8 22:44 |顯示全部帖子

天山雪蓮發表於 12-5-8 12:09
我之前用左讚加ignore.係work了一排。宜家ignore 佢，佢會走黎繼續大叫大嘁，之後出手打同踢我。想問仲有咩辦法？好似宜家佢爬左上我大脾喊到瞓咁滯，不過我無理佢，又得唔得？

當我以為佢瞓醒唔記得啦，原來佢依然係大叫同喊，仲走黎打我。我繼續ignore,佢走至工人姐姐度，ignore 我。

天山雪蓮：

你話你 ignore 佢, 佢就走黎繼續大叫大嘁, 乜唔係佢大叫大嘁扭計你先 ignore 佢？佢做左d乜你用 ignore ? 同埋佢幾歲？

私人傳訊回覆引用

SandraLo

珍珠宮

積分: 33212

5^#

發表於 12-5-8 23:05 |顯示全部帖子

Minniebaby 發表於 12-5-8 13:00
Dear SandraLo,

你好, 我用左三個多月時間追你兩個post, 好精彩, 我已經用讚 + ignore 對我個囝囝, 但似乎不太成功, 不知是否我用錯了, 囝囝三歲, 言語表達多不錯, 但極無耐性及好大脾氣, 以下有幾樣生活時發生的問題, 我已經用過讚及ignore, 起初都見效, 但好快又打回原, 不知問題何在, 希望能多多指教,

- 當教他自理時, 他會say 我唔學, 我唔鐘意學, 我咩都唔鐘意學, 如我教他著襪, 他第一句就say 我唔鐘意自己著, 我係都要媽咪幫我著, 當然我會鼓勵他, then 一齊同他著, 著到就讚他, 第二次係佢未著之前就讚他好叻會自己著襪好似尋日咁, 咁叻, 之後他就會say, 我唔鐘意自己做野, 我咩都唔鐘意自己做, 我係都要大人做......, 但FINAL 我會唔理佢, 自己著好襪+鞋話媽咪出得門口喇, 你得未, 未我就等埋你, 之後佢就大喊, 發脾氣係都唔肯去做, then 我就會鼓勵佢, 佢就喊住咁發晒忟憎咁我幫佢一齊著, 但我只係輕輕幫下.....我應該如何去handle 呢 ??

- 另外, 當他自己心情唔多好時, 工人姐姐只係行過佢眼前, 佢就發人脾氣大叫姐姐走, 我唔鐘意姐姐, 想衝埋去打人.......(如他睡醒, 或扭一d 我reject 他的時候), 我同他講, 你不能這樣, 姐姐係我們的屋企人, 她是會照顧你, 煮飯給你食, 但當他心情好, 或悶時又會叫住姐姐同佢玩, 所以我又唔覺得佢係唔鐘意姐姐, 只係找人來發脾氣吧, 我又係他無叫姐姐走前, 讚過他, 當他瞓唔醒大吵大喊時, ignore 他, 但他真的可能喊好成個鐘, 喊到聲都吵晒, 唉....我應該點handle 呢?

其實尚有太多行為上的問題, 不好意思長編大論, 我想暫時解決住兩個先, 請多多指教, 專家大人, 萬分感謝 !!

煩惱的媽媽 ...

minniebaby :

初步估計, 有可能你同佢「講道理」講得太多, 令佢覺得「講得掂」就有可能唔駛做, 而佢都似走精面嗰 type..............
你話重有行為上的問題, 放多兩樣上嚟, 睇吓我估得啱唔啱先, 再一次過教你！

私人傳訊回覆引用

SandraLo

珍珠宮

積分: 33212

6^#

發表於 12-5-9 22:16 |顯示全部帖子

simmeng 發表於 12-5-9 01:05
Dear Sandra,
A million thanks! 明白了。你說得對，佢應該係label咗爸爸係無心機同佢玩。仲可能係唔識照顧 ...

simmeng :

那你要俾心理預備爸爸.................... 正所謂一分耕耘一分收獲, 佢貪打機、一d時間都唔分俾囡囡, 囡囡自然就唔跟佢, 而痴你太多, 除咗困身之外, 亦俾咗 excuse d 老公遲 d 話你唔得閒陪佢, 就自己就去玩, 對屋企完全冇好處！小心小心！

你話俾爸爸知, 小朋友係响玩裡面學好多嘢, 同小朋友玩即係教緊佢嘢, 絕對唔係寵壞！担心玩得太得, 就同自己定個簡單嘅 timetable, 例如每晚只同佢玩一小時, 當中最少有廿分鐘同爸爸一齊(開始時)！只要爸爸肯同佢玩, 好大機會佢唔會咁多嘢拒絕爸爸, 就算真係拒絕, 都唔太重要, 你亦可以指定某樣嘢係一定要爸爸做！

私人傳訊回覆引用

SandraLo

珍珠宮

積分: 33212

7^#

發表於 12-5-9 23:31 |顯示全部帖子

Minniebaby 發表於 12-5-9 11:26
回覆 SandraLo 的帖子
Dear Sandralo,

好感動你百忙中的回覆.
你好勁, 我的確是常常同啊囝講道理, 而且他的確是好精及古惑的小朋友 !!

Minniebaby :

方法其實都係嗰一套, work 的, 但你小朋友轉數高, 稍有做得不足, 便會給他「食」住！你亦要預係一場持久戰, 唔急得, 因你處理得一樣, 佢亦會出第二樣, 你要慢慢消化才領畧到怎樣見招拆招！

第一樣係忌又長又悶咁講道理, 以佢轉數, 應該只須講解一次, 唔可以多過兩次, 遲吓你預埋佢會駁咀, 唔好中招.
攞番穿襪呢個例子, 佢覺得拒絕學就可以唔駛做, 咁你就要俾一個唔做嘅「後果」佢, 呢個後果其實亦即係懲罸. 個罸則要有某d 條件, 首要係唔好因自己心情唔好而突然罸佢, 要「預告」俾佢知做(唔做)乜嘢嘅後果係乜, 例如你教佢穿襪, 佢唔聽, 你就話媽咪只會教兩次, 幫兩次, 之後就自己穿啦 (咁你當然要觀察吓佢能力係做到), 咁佢唔聽由得佢, 到佢要穿襪出街, 就提佢只會幫埋下一次, 我再教你多一次.......... 咁到要自己穿嗰次, 預早提佢今次係自己穿, 如唔記得快d 問定先, 唔係冇得去街, 到要出嗰陣佢都唔肯穿或者喊, 你就輕輕話, 咁你下次先去啦, 跟手你自己出去............ (記住要小心說話, 因為言出必行, 冇得番轉頭話下次先！)
我唔係話每樣嘢或者穿襪呢樣一定要咁, 係你自己去權衡邊樣嘢係 priority, 攞番個主動權, 同俾佢知冇得因為喊/扭就唔駛學！另一方面, 對於呢類小朋友, 讚唔係唔 work, 而係如果要佢地做嘢, 佢地會情願唔乖, 所以你要睇番讚乜嘢先會令佢有嗰種鬆毛鬆翼嘅感覺, 呢樣先有效, 例如話：嘩你好醒, 或者讚：嘩你好快學識, 叻！

(待續)

私人傳訊回覆引用

SandraLo

珍珠宮

積分: 33212

8^#

發表於 12-5-10 18:04 |顯示全部帖子

adallfad 發表於 12-5-9 13:38
回覆 SandraLo 的帖子

謝謝Sandra回覆

可能因為與老人家同住，他扭就會有，但老人家無得改，說了無數次，攪到我都無心機對細佬執到正

adalfad :

如有老人家同住, 真係冇得搞, 唯有要教就帶佢入房關埋門, 咁樣做起碼佢唔扭你, 淨係扭老人家！

私人傳訊回覆引用

SandraLo

珍珠宮

積分: 33212

9^#

發表於 12-5-10 22:18 |顯示全部帖子

天山雪蓮發表於 12-5-9 21:00
佢兩歲三個月啦。好多時都係得唔到想要既野，或者以為自己做錯事（唔小心跌左隻杯），就發脾氣。有時會無原 ...

天山雪蓮：

扭一樣嘢唔俾, 喊都唔俾嗰樣嘢, 但你照當佢冇喊咁對佢就ok, 唔駛特別話嬲或者唔啋佢, 你會唔會係表現出嬲佢, 所以佢大驚喊呢？
佢喊緊時你係唔會抱？係咪一向都係咁, 佢知唔知？

私人傳訊回覆引用

SandraLo

珍珠宮

積分: 33212

10^#

發表於 12-5-10 23:11 |顯示全部帖子

Minniebaby 發表於 12-5-9 11:26 回覆 SandraLo 的帖子

Dear Sandralo,

好感動你百忙中的回覆.
你好勁, 我的確是常常同啊囝講道理, 而且他的確是好精及古惑的小朋友 !!

Minniebaby :

(續昨)

下次表姐要嚟玩之前, 先預告唔可以打表姐, 簡單講打人就罸 naughty chair, 亦叫定佢如有唔想俾表姐玩嘅心愛玩具, 就先收起(幾件), 其他就全部要 share, 亦可以叫表姐帶一兩件玩具嚟, 到玩嗰陣 keep 住讚, 佢忍唔住真係出手打人亦要真係罸 ~~ 最緊要係唔好怕佢喊同講d 唔好聽嘅說話, 例如你唔錫我之類.

唔洗手 ~~ 洗手係因為去廁所摸過嘅嘢會有菌, 唔洗？可以, 個後果係企响度唔好郁乜都唔好掂, 要模其他嘢先至洗都得.
洗腳底腳un-un ~~ 呢樣好危險, 叫佢大力敲吓浴室瓷磚同房嘅木板, 話佢知响浴室撞到頭都穿, 到下次再係咁, 係我會大力打落去 pat pat, 痛到佢唔敢再做, 記得一定要大力到痛先有效, 冇其他辨法, 撞親個頭一次都可以好大鑊！

私人傳訊回覆引用

SandraLo

珍珠宮

積分: 33212

11^#

發表於 12-5-10 23:27 |顯示全部帖子

kk2008 發表於 12-5-10 13:18
DEAR SUPER SANDRA,

HI 因事態嚴重, 我可能9月要quit左份工去帶小朋友返k1, 請解說:

kk2008 :

第一次有人咁叫我！

你話細孖有情緒病, 主要係因為脾氣？佢語言能力點？
你同佢地有冇一個特定嘅講故事時間？坊間或圖書館有d 書, 係為小朋友預備返學而設計, 俾媽咪每日一版咁話俾小朋友知返學係点, 有定d 心理預備, 你可以揾定嚟同佢地講！

你話佢地都好好怕羞, 對親戚如何？不說話？其他小朋友呢？例如在 playground 呢？

私人傳訊回覆引用

SandraLo

珍珠宮

積分: 33212

12^#

發表於 12-5-11 22:49 |顯示全部帖子

本帖最後由 SandraLo 於 12-5-12 20:24 編輯

Minniebaby 發表於 12-5-10 13:41
回覆 SandraLo 的帖子

Hi, SandraLo,

我試過讚他, 好跨張哋, bb 你好叻呀, 媽咪教你一次就識, now moment 他好興奮, 但三兩次之後, 又打回原形, 他看來好睇佢自己心情及情緒, 我相信仔以我觀察你睇我仔仔的完全中晒,
如 - 當食物熱時, 我會教他吹下佢, d 食物會快d 凍, 於是他又發忟憎話, (我唔吹, 我唔鐘意吹, 媽咪你幫我吹, 他的語氣是非常忟憎的), 之後我會話, 你大個仔, 你試下自己吹, 拿媽咪都係自己吹, 好快吹凍就可以食, 一係媽咪同你一齊吹, 之後佢會話, 咁我唔食喇, 佢真係唔食的.........

Minniebaby :

我之所以話係一場持久戰, 唔急得, 係因為你要 "firm" 同持之以恆, 方法啱都要一段時間, 俾囝囝睇到你會堅持咁做, 佢先唔會用不同方法去「衝擊」你！簡單講, 即係當佢知點都係要做嗰陣, 佢就會情願你讚！

「當食物熱時, 我會教他吹下佢」 ~~ 你俾佢嘅答案, 就係我講嗰隻「又長又悶嘅道理」, 重俾位佢入, 俾佢覺得, 「你叫我吹, 我叫番你吹囉, 你答我, 一再解釋, 即係有機會唔駛我做, 我再 lur, 你又講吓嘢, lur lur 吓咪唔駛做囉！」你只須簡單答「唔, 唔吹就唔吹」就夠！佢再嘈餓, 就話：咁食啦！咁佢先會學到幾時先食得, 自己負責番自己嘅嘢！如每次你都長篇大論, 佢就知有位入, 例如d 食物熱佢冇得食, 佢覺得係你要負責, 唔係佢自己, 因為係你叫佢吹！呢個亦係要俾一個「後果」佢嘅例子, 你建議佢吹係唔想佢燙傷, 而最後必須係佢自己要決定係吹, 係等, 定係搏一搏先知點做 (幾時食)至唔會燙傷, 自己要負責！

私人傳訊回覆引用

SandraLo

珍珠宮

積分: 33212

13^#

發表於 12-5-11 23:22 |顯示全部帖子

snowsara1127 發表於 12-5-10 22:41
看了你的文章，真的好有用！我女21個月，近呢两星期開始發脾氣，在家用讚用不理彩都開始有效…但一去街就不 ...

snowsara1127 :

小朋友去街會扭d, 係因為佢覺得你地冇佢符！其實, 都係嗰兩招：
去街前先預告幾時會返屋企, 若佢細個未有時間觀念, 就講定個行程佢知, 最後一站去完XX 就返屋企.
一出咗街就 keep 住每段時間讚一次, 例如預計嗰次會去一個鐘, 就十幾分鐘讚一次, bb 好乖喎冇扭冇嬲, 到最接近返屋企嗰次讚, 就再响表情同身體語言上加强d , 甚至可以加d 「獎品」, 例如係一d 佢鐘意嘅食物, 可以話「bb 好乖喎冇話唔返屋企, 我地一齊返去食雪糕 !」
若你讚唔切佢開始咗扭, 你唔好同佢糾纏, 亦唔好講d 唔會做嘅嘢, 例如「再係咁唔帶你返屋企！」只須即捉佢返屋企................... 如是者三數日應該ok ！

私人傳訊回覆引用

SandraLo

珍珠宮

積分: 33212

14^#

發表於 12-5-11 23:25 |顯示全部帖子

simmeng 發表於 12-5-10 23:56
Thanks Sandra! 我都明白。呢幾日我多野做遲放工，我見老公都有認真同阿女玩，而呢幾日都無再聽到佢話要打 ...

simmeng :

用讚 reinforce 好行為 ~~ 唔好唔記得讚爸爸！

私人傳訊回覆引用

SandraLo

珍珠宮

積分: 33212

15^#

發表於 12-5-11 23:29 |顯示全部帖子

天山雪蓮發表於 12-5-11 02:50
初初我地都係淨唔理，之後佢變本加厲，又打又踼，咁當然會阻止佢（因我大肚）。佢一向都知收聲先抱

...

天山雪蓮：

打係一定要 stop 佢, 你依加一日讚到幾多次？有冇用過 naughty chair ?
你要快d 習慣用讚嚟俾 attention 佢, 咪遲d bb出世, 佢會重難搞！

私人傳訊回覆引用

SandraLo

珍珠宮

積分: 33212

16^#

發表於 12-5-12 23:10 |顯示全部帖子

adallfad 發表於 12-5-11 10:11
回覆 SandraLo 的帖子

好的! 我會加緊執行，謝謝提點! 在我有了小孩這6年間，一直都以你的教義為首，可能我對細佬沒有切實執行才導致現在的問題。我很佩服你哦，能無私奉獻地在這裡服務他人，你很捧呀!!
...

adallfad :

太抬舉了, 說穿了,

我也是抵受不住你們的 positive reinforcement (讚)吧 !

anyway, 謝謝你的捧場！

按道理, 你可先要求他不要哭再溝通.................. 但我担心有陣媽咪會 trap 咗响對答當中, 即小朋友不停講我要XX, 我要YY, 媽咪就不停說你收聲先俾, 咁就同小朋友纏個不休！所以要看情況, 大致係如佢嘅要求合理, 就心平氣和咁俾佢, 但就不適宜响個陣話佢唔啱或者講道理！

私人傳訊回覆引用

SandraLo

珍珠宮

積分: 33212

17^#

發表於 12-5-12 23:26 |顯示全部帖子

邪留丸HOHOHO 發表於 12-5-11 12:54 hi SandraLo

我仔就嚟11個月大,佢一向都好臭脾氣,一不滿就大發脾氣大喊, 好惡好惡, 但我地唔滿足佢例如唔 ...

邪留丸HOHOHO：

揍佢嘅人會唔會係成粗聲粗氣咁同佢講嘢呢？依家佢一日大約扭幾多次？最耐試過喊幾耐？點收科？你睇咗點用讚未？

私人傳訊回覆引用

SandraLo

珍珠宮

積分: 33212

18^#

發表於 12-5-13 00:20 |顯示全部帖子

本帖最後由 SandraLo 於 12-5-13 12:01 編輯

kk2008 發表於 12-5-11 19:23
細孖語言方面係有問題, 我都觀察中, E.G. 昨晚想玩哥哥的新玩具, 我叫佢問哥哥, 細孖有問(哥哥可唔可以借 ...

kk2008 :

孖b 嘅頭號問題係會「比較」, 所以兩個一齊嘅時候, 你都要小心用讚, 避免只讚一個, 另外, 「學嘢快」呢d 都係比較性, 與其讚小朋友嘅能力高, 就不如讚佢地嘅好行為 (或者學得好好).

就你所講的情況, 我猜測不到細孖是否有語言問題, 因有機會只是表達意欲較低或信心不足, 你可找專業人士評估一下.
哥哥的新玩具 ~~ 如佢說了只玩5分鐘, 在哥哥的同意下再玩5分鐘, 之後便必須交回, 讓他知道承諾了的事就要做, 你若因怕他哭而不叫他交回, 是告訴他你怕他哭, 亦是在教他用哭來要脅你！

細孖經常回答我鍾意ma我唔鍾意ma ~~ 有可能係佢表達能力弱唔識答你, 亦可能係佢覺得咁答就可以 end 咗個 conversation 唔駛俾你話, 但如你知佢係緊發脾氣, 又知係為乜而發, 咁根本就唔駛問, 由得佢喊就得, 如佢突然喊, 你唔知佢点解喊, 就可以問：你做乜喊？(唔係問點解要咁做), 如佢都係答我鍾意, 咁即係純粹發脾氣, 可以 ignore, 再問就即係助長佢去發脾氣！如果你覺得佢係受咗委屈喊, 你可以引導佢講出嚟, 或者幫佢講出嚟, 然後話佢知点解决, 甘就唔好再同佢糾纏, 以免佢再用同一借口同你纏個不休！

p.s. 你睇埋我答 minniebaby d posts 啦！

私人傳訊回覆引用

SandraLo

珍珠宮

積分: 33212

19^#

發表於 12-5-14 22:24 |顯示全部帖子

天山雪蓮發表於 12-5-14 02:21
sorry.未寫完就post. 講返先，打我個時我會捉住佢既手，話唔可以，要罰naughty chair.咁佢會瞓地大喊，或 ...

天山雪蓮：

naughty chair 睇呢度：
http://www.baby-kingdom.com/forum.php?mod=viewthread&tid=909498&extra=page%3D1&page=1

佢要抗拒被罸, 當然係會用瞓地大喊呢類反應嚟衝擊/改變你嘅決定......................
對於d 「古惑仔」, 方法用啱都要持之以恆架！如你唔堅持每次處理方式一樣 (consistent), 佢就會再用喊、扭嚟試吓得唔得！如果你唔係屋企佢係唔會扭, 咁即係問題在你, 再諗吓睇吓有冇犯以上我講嘅錯？

私人傳訊回覆引用

SandraLo

珍珠宮

積分: 33212

20^#

發表於 12-5-14 22:38 |顯示全部帖子

littlestar_2009 發表於 12-5-14 13:31
最近一直追看你的post~很精彩~我有個2歲的女女~對我的管教方法起了很大的警惕~追看你對教英文的看法~但再追看..是一條死link~可否再分享呢~萬分感激
以下節錄以前的討論
"我只能夠講, 如果係我, 我會選擇之前我講嘅方法去教小朋友學英文！
呢度呢個case咪有囉：
http://forum.baby-kingdom.com/thread-2448459-1-1.html ...