自由講場 今日: 2220 | 主題: 1304223

積分: 7238

1^#

發表於 12-8-4 23:32 |只看該作者 |倒序瀏覽 |打印

本帖最後由 angelkinki 於 12-8-5 17:43 編輯

早兩日發現仔仔下巴下方（平時雙下巴ge位置）有一粒野在入面，好大粒，成粒鵪鶉蛋甘大粒！

唔知幾時開始有，因為平時無留意他下巴。直至8月1號果日，他抬起頭，先發現他下巴有腫脹，摸下，硬的。當時已經係甘大粒。

同他去睇門診，醫生答唔到係咩，只係俾左轉介信，去QE兒科排期。但兒科外科要排到2014年。好在爸爸係公務員，去公務員果邊排，都要到2013年1月先有得睇。（雖然話醫生睇完轉介信，覺得有需要會打電話黎安排早d睇。）

同他去樓下中藥房睇中醫，個中醫又講唔出果黎野係d咩。剩係問仔仔中唔中意食中藥，唔中意就要睇西醫，話睇中醫搞ge話，就要食中藥+外敷！宜家問題唔係點搞，係究竟果粒係咩！又答唔到我！甘為點俾仔仔他醫啊！！

我朋友摸過粒野，話粒野識郁ge。個中醫摸過，都係甘講。我另一個朋友話可能係痰火核，有個啊婆見到（在中藥舖），都話可能係痰火核，不過就話好大粒。個朋友叫我試下煲“神仙草”俾仔仔飲，話如果係痰火核，就好小事。我今日煲左。但我都仲唔肯定究竟粒野係咩！

另外，我6299係甘eeoo，又話唔知係咩，又話排期排甘耐。係甘叫我同仔仔去睇私家。我知他們好擔心，我都係！但我真係唔知應該帶仔仔去睇咩私家醫生！去私家醫院睇兒科？定係去睇耳鼻喉？定係找私家兒科醫生睇？？

有無有經驗ge媽媽

可以俾d意見？？知道係咩黎？？或者我應該帶仔仔睇咩醫生？？Thanks a lot!!!!

-------------------------------------------------------------------------------------------------------------------------------------------

8月5日update

今日一早，9：00am就打電話去趙醫生度booking，原先以為要聽日先有得睇。姑娘問我係咪要今日睇，我問：“趙醫生今日都應診？”姑娘話係。我話甘今日睇。姑娘問我10：10am 得唔得。本來我話ok，但之後先醒起仔仔10點要返pg，我正想緊係咪同仔仔請假唔返pg。個姑娘見我停左，就問我係咪唔得。我話係，姑娘好好人，她就話：“甘不如晏d，11點半好唔好？”我即刻話好。

之前聽bk d jm提過，去到掛號都仲要等1.5hrs，因為仔仔個pg係放11：30am，我一定無可能準時同仔仔去到佐敦。我就問姑娘，係去到就有得睇，定仲要等。姑娘問我係咪第一次睇，我話係，姑娘就話準時到，之後都仲要等1.5hrs左右先有得睇。甘我就話ok，留左資料。即刻叫醒今早6點先返黎ge c6，叫他11：30am要準時去掛號。我同仔仔之後先到。

雖然等左好耐，但睇完趙醫生，我即刻成個人鬆曬，放心曬！

因為趙醫生真係好nice，好細心。他同仔仔check過粒野，摸過d內臟、腋下，check 小jj，聽心肺。之後就問我仔仔之前有無傷風咳之類。我話有，他之前咳左2、3個weeks，有痰。但宜家好返了。

趙醫生就畫圖，解釋話仔仔係淋巴位發炎，因為d菌之前在喉嚨，宜家想落去個身體度，首先要經過頸部淋巴，又過唔到，d淋巴又未打得死d菌，困左 o係度，所以先會突左出黎。他會開d醫生開左d抗生素、消炎藥俾仔仔食。但粒野唔會甘快消，基本上係2個星期細d，2個星期又細d。要差唔多3個月，先會縮到好似粒豆甘細。

醫生話2個星期之後，如果粒野無變大，就唔使返去睇。而他都唔預期粒野會變大。另外就要觀察3個月，如果到時粒野細左好多，就唔使返去睇。但如果粒野無細到，就要返去再睇，到時可能會抽d組織去化驗。

可能醫生都知我地好緊張，他就同我地講：“頸部淋巴位生cancer ge機會係百萬份之一，仲細過中六合彩。所以唔使驚，驚中六合彩先la！”所以宜家只要俾仔仔食藥、繼續觀察3個月，但我想應該都無咩事ga la！

宜家心情輕鬆曬！好多謝bk 各位jm！特別多謝tuenmunbb第一時間介紹趙醫生俾我，幫我找埋電話。仲有多謝DoReMi媽媽、water_ma 、yuen1818 ge分享同安慰！！仲有其他介紹醫生同俾意見我ge bk jm！Thanks all!!!!!!!!!

0 0 0

私人傳訊

manfatcentre

積分: 17489

2^#

發表於 12-8-4 23:37 |只看該作者

引用：早兩日發現仔仔下巴下方（平時雙下巴ge位置

原帖由 angelkinki 於 12-08-04 發表
早兩日發現仔仔下巴下方（平時雙下巴ge位置）有一粒野在入面，好大粒，成粒鵪鶉蛋甘大粒！

唔知幾時開始有 ...

醫生都唔知，大家如何單憑文字斷症？

私人傳訊

water_ma

子爵府

積分: 12286

3^#

發表於 12-8-4 23:38 |只看該作者

回覆：angelkinki 的帖子

我細過生過！
好似叫火喉核
亞媽煲海龍海馬我飲
之後就無左！
當然唔知你仔仔係咪同一樣野
最好睇西醫啦

私人傳訊

humansky

大宅

積分: 2550

4^#

發表於 12-8-4 23:38 |只看該作者

回覆：求救！急！2歲半仔仔下巴生左粒野！係咩黎？點搞？？

不如搵個皮膚科醫生睇下先啦！或者入私院做個檢查！唔好拖啦！

私人傳訊

傻豬彤彤

侯爵府

積分: 20112

畀面勳章

5^#

發表於 12-8-4 23:40 |只看該作者

回覆：求救！急！2歲半仔仔下巴生左粒野！係咩黎？點搞？？

點解吾睇私家...宜家大家都吾知係咩! 買個安心好喎

私人傳訊

積分: 7238

6^#

發表於 12-8-4 23:41 |只看該作者

傻豬彤彤發表於 12-8-4 23:40
點解吾睇私家...宜家大家都吾知係咩! 買個安心好喎

我就係唔知應該帶他去睇私家醫院兒科，定係找出面ge私家醫生。

私人傳訊

積分: 7238

7^#

發表於 12-8-4 23:43 |只看該作者

humansky 發表於 12-8-4 23:38
不如搵個皮膚科醫生睇下先啦！或者入私院做個檢查！唔好拖啦！

皮膚科？唔係暗瘡果d 粒粒wor。。。。。。

私人傳訊

tuenmunbb

積分: 16627

好媽媽勳章

8^#

發表於 12-8-4 23:45 |只看該作者

回覆：求救！急！2歲半仔仔下巴生左粒野！係咩黎？點搞？？

樓主宜家一定好擔心！首先你唔好太擔心先，冷靜啲先。
你之前睇門診是指政府嗎？我諗非兒科嗰啲可能真係答唔到係乜。
排咁耐我諗無媽媽可以忍耐！
我建議你星期一就去揾私家兒科醫生睇左先，我諗專兒科一定會答到你。
出名兒科我只識嘉賓大廈趙長城，佢好有經驗。不過多人睇。
唔好太擔心，無事嘅！！！

私人傳訊

oioioioi

侯爵府

積分: 20429

9^#

發表於 12-8-4 23:45 |只看該作者

回覆：angelkinki 的帖子

我幾年前係喉嚨位生個一粒，吞口水時會見到佢郁，類似男人的大喉核咁！摸落去硬硬地的！之後去左法國醫院，佢幫我用針抽d左d水出黎，原來係粒(水long)，吾記得點解有，但都無乜大礙，第二日就出院了！其實去醫院的前一天，我有感覺到粒野細，我仲以為爆左添

沒事的，不過最好去私家醫院睇睇安心d!

私人傳訊

water_ma

子爵府

積分: 12286

10^#

發表於 12-8-4 23:46 |只看該作者

引用：+本帖最後由+angelkinki+於+12-8-4+23:40+

原帖由 angelkinki 於 12-08-04 發表
本帖最後由 angelkinki 於 12-8-4 23:40 編輯

早兩日發現仔仔下巴下方（平時雙下巴ge位置）有一粒野在入 ...

下！你補左相

咁大粒！！！
去睇兒科專科叫醫生再寫轉介信啦！
上年我女出左粒野
不是下巴在頸淋巴
又係好大粒
拎封信去急症登記即收入院
住左個幾星期！

私人傳訊

積分: 7238

11^#

發表於 12-8-4 23:50 |只看該作者

tuenmunbb 發表於 12-8-4 23:45
樓主宜家一定好擔心！首先你唔好太擔心先，冷靜啲先。
你之前睇門診是指政府嗎？我諗非兒科嗰啲可能真係答 ...

好多謝你明白我ge心情！

我之前係同仔仔睇政府門診，攞左轉介信就即刻去QE排期，但估唔到要排甘耐！而且無得俾姑娘睇下個情況，就要等半年！

嘉賓大廈都好近我，可以帶仔仔去睇下！！多謝你ge建議！

私人傳訊

積分: 7238

12^#

發表於 12-8-4 23:51 |只看該作者

oioioioi 發表於 12-8-4 23:45
我幾年前係喉嚨位生個一粒，吞口水時會見到佢郁，類似男人的大喉核咁！摸落去硬硬地的！之後去左法國醫院， ...

thanks!!

私人傳訊

積分: 7238

13^#

發表於 12-8-4 23:55 |只看該作者

water_ma 發表於 12-8-4 23:46
下！你補左相
咁大粒！！！
去睇兒科專科叫醫生再寫轉介信啦！

water_ma ...... 係好大粒。。。。

睇兒科專科再寫轉介信？去邊度睇兒科專科？私家醫院？

係咪去私家醫院check左先，有需要就叫他再寫urgent ge轉介信，去政府醫院再睇？

thanks！

私人傳訊

TAMAMABB

積分: 8110

畀面勳章

14^#

發表於 12-8-4 23:55 |只看該作者

睇兒科check check先

私人傳訊

tuenmunbb

積分: 16627

好媽媽勳章

15^#

發表於 12-8-4 23:56 |只看該作者

引用：Quote:tuenmunbb+發表於+12-8-4+23:45+樓主

原帖由 angelkinki 於 12-08-04 發表
好多謝你明白我ge心情！

我之前係同仔仔睇政府門診，攞左轉介信就即刻去QE排期，但估唔到要排甘耐！而且 ...

我剛上網查了電話：27003300。你試下同姑姑娘講下，話好擔心，問下可否比你星期一上午盡快睇！！！

私人傳訊

alicialee1210

寶石宮

積分: 336264

虎到金來勳章牛年勳章 HiPP勳章(2) HiPP勳章(1) 2018父親節勳章 2018母親節勳章 2018復活節勳章 Poo得好勳章 15週年勳章親子王國15週年勳章 FUN享自然‧郊遊一夏親子探索遊玩具勳章趣教勳章畀面勳章叻叻勳章有「營」勳章環保接龍勳章大廚勳章親子達人勳章 wyeth冷知識勳章爸B勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章 DHA勳章貓狗褓姆育兒性格勳章認識瑞士牛牛第一回認識瑞士牛牛第二回認識瑞士牛牛第三回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章食得好勳章笑得好勳章

16^#

發表於 12-8-4 23:56 |只看該作者

一定要睇私家先

有些路啊，只能一個人走
我慢慢地、慢慢地瞭解到，所謂父女母子一場，只不過意味著，
你和他的緣分就是今生今世不斷地在目送他的背影漸行漸遠。

私人傳訊

tuenmunbb