夫婦情感今日: 10|主題: 42455

收藏本版

發帖

返回列表

跳至頁

查看: 5697 | 回覆: 136

C6令人討厭既EX

[複製鏈接]

12 3 4 5...7

maymaywong88

大宅

積分: 3037

畀面勳章 BK Milk勳章

1^#

發表於 13-3-4 01:44 |只看該作者 |倒序瀏覽 |打印

話說未同C6一齊之前,我有個男朋友,佢有個女朋友,但大家都FEEL到有D野,所以就協議同另一半分手先一齊.冇幾耐就一齊左, 一齊之後,佢同個EX都間唔中有聯絡我都冇問題,因為我自己都有.大家都安守本份
直到到生左丫女之後,發現佢每次傾完電話都DEL哂D紀錄
我都冇咩為意,直到有次見到佢電話影左張相係打比佢EX(唔小心禁錯制影左但佢唔知),我就開始留意.
到我忍唔住check佢詳細紀錄,發現佢差唔多隔日就同ex傾電話
仲要我生女個日同之後係醫院既時間都有打比佢

仲傾成個幾鍾,平時一出門口就打比佢,食飯係打完比佢先打比我,個刻我嬲到成個人震哂！

睇完佢紀錄第二日，差唔多佢食飯時間我打比佢先(平時都係佢打比我),我問佢尋日呢個時間點解打你電話通話中,同邊個傾緊,佢竟然話普通朋友！我知道唔可以比佢有機會錯落去，個女咁細

到佢返到屋企,我話我知道你係同佢傾電話,點解要暪住我,佢話怕我亂諗野囉(多數男人用既藉口),我話你同佢傾電話冇問題,但唔好del囉,佢話okay.

過左幾日,我講笑咁問佢你地傾電話會傾d咩,會唔會話好掛住你丫,以前點點點既問題,佢話"痴線,梗係冇,人地仲叫我對你好d,叫我忍下你d脾氣,話生完一定有脾氣,幫你講好說話添丫,你唔好成日覺得人地唔好啦"

套完佢口風,我發現佢係呢段時間對佢好感多左好多,個女人想扮到自己溫柔體貼,善解人意囉

我冇即時反博佢,仲對佢更加好添..直覺我知道ex想點囉！因為係我c6口中知道佢同佢傾電話既內容圍繞住佢男朋友對佢唔好,佢好想搵個定d既男人照顧佢,博同情既招數:;pppp:

直到有一晚零晨三點幾,個女人打比c6,叫佢出去,c6訓係我隔離話係屋企就收左線,我知道機會黎囉.

我勁唔開心問佢"一個女人三更半夜搵你出去會咩事?佢話飲野,我話飲野定拮野丫？！如果真係好似你咁講,佢叫你對我好d,咁叫你出去係咪又係對我好既方法之一丫?擺明有心想我地嘈交啦,如果日光日白打比你叫你出去,我都可以忍,"咕"一聲吞落肚,係唔開心都會比你出去,但而家擺明佢用心不良啦.

我再話,我唔會因為呢件事同你嘈交,因為同你嘈完你會搵佢訴苦,然後佢又會安慰你,你對佢好感又再多d,覺得佢同你先有共鳴,我唔善解人意,咁咪中哂佢計囉,老公,我愛你,訓教啦好冇,唔好比呢個賤人哂時間破壞到我地感情"
講完之後我攬住佢訓,當然訓得唔好,第二日頭痛佢陪我睇醫生,個女人又打黎...我叫佢唔好聽電話住,我話,我估到個女人想講咩,你信唔信?
c6唔信,我話佢打黎實係話尋晚飲醉左,唔知點解會打比你,真係對唔住,有冇搞到你地嘈交...如果你話有,佢就會叫你唔好同我嘈,女人係小氣等等,叫你哄返我,然後你扮到好唔開心或者好嬲,佢會約你出黎,信唔信?

c6聽完電話之後笑左,答案係一樣囉！問我點解會知,我話呢d係壞女人勾人老公既手法之一,我話咁你而家知佢係好定壞啦,然後c6係我面前block左佢電話,whatapps,微信.

到我岩岩再check佢電話詳細紀錄,已經冇再出現個ex電話