派對情報今日: 0|主題: 10922

收藏本版

發帖

返回列表

跳至頁

查看: 54893 | 回覆: 185

12 3 4 5...10

積分: 2892

1^#

發表於 13-4-14 15:36 |只看該作者 |倒序瀏覽 |打印

本帖最後由 suki1112 於 13-4-14 15:44 編輯

由呀囡出世開始，我就愛上不停上網search
唔同3d蛋糕店既款同每逢朋友屋企人同事生日都會訂3d蛋糕送比佢，因為覺得款式可以由自己去設計好有意思，味道都各有特色
我覺得揀蛋糕都要好睇係送比何人，同對方鍾意食咩口味。
市面上較多人選擇既都會係糖皮，因為影相真係好靚，但就有d浪費因為一定唔會食層糖皮，就算小朋友肯食都最好唔好，因為實在太甜。
而另一種就係唧cream蛋糕,比較多人接受到,當然佢整到既款式就始終無糖皮咁多選擇！不過老實講，本人都會係鍾意食唧cream蛋糕多d
講到蛋糕店，我試過整餅人，餅之神，onda，Jnf，Carman cn baking，太子，同埋有d網上拍賣網站既蛋糕，價錢有平有貴
當中食得最多既係Jnf 同Carman,
其實Carman都有唧cream同糖皮，蛋糕通常係鮮果或芒果或朱古力海綿蛋糕，水準一向唔錯，而且見住佢真係越整越靚，價錢又唔貴，最緊要有態度非常之咁好，永無甩漏，同埋每次都容易聯絡。拎蛋糕方法:地鐵沿線，方便！

而Jnf其實佢係同其他蛋糕店唔同，佢都係整得好鬼靚架！個蛋糕主要係慕絲蛋糕或芝士蛋糕，我試過她的綠茶慕絲蛋糕，都不錯！不過佢同唔同既係蛋糕唔係計磅數的，係計寸數嚟收費，因為佢地唔係平常見到有幾層立體蛋糕或一大個公仔企係度個種3d蛋糕，而係一個平面蛋糕但上面整左好多由糖同朱古力整成既公仔同裝飾，不過你唔好話喎！佢整既公仔同裝飾真係好細緻同維肖維妙！佢其實既回禮macaron同cupcake都係好受歡迎的，不過最大既缺點係長期難揾！你預左要訂佢地既蛋糕起碼要send一個月到e-mail到，先會有回覆，可能太多生意，等佢地回覆真係要相當有耐性，預起碼2至3個月前就好send定e-mail,因為佢地都幾爆。有好多人話問佢地攞電話，其實就算有佢手提電話都無用，因為其實我有朋友都有試過問我攞個電話，但係都係得唔到回覆，所以都係乖乖地send email等佢回覆啦!拎蛋糕方法:沙田火車站，無送貨

0 2 1

私人傳訊

suki1112

大宅

積分: 2892

2^#

發表於 13-4-14 15:46 |只看該作者

而Onda就係我第一間訂嘅蛋糕店，我覺得佢嘅蛋糕個味道真係唔錯㗎！到而家我仲記得隻味道，係朱古力香蕉慕絲蛋糕，記憶中好似無其他3d蛋糕店有呢隻味道。記得揾佢訂既係一個城堡蛋糕，阿囡見到同埋D朋友見到都真係好開心囉！佢有好多款味道選擇，而且價錢唔好話好貴，不過網上面聽到都評語都話個師傅比較有藝術師既性格，態度差等等...但係我接觸過佢我覺得OK囉!因為都好有禮貌,正如我蛋糕收到幾日後，個師傅send信息嚟問滿唔滿意添！咁所以我覺得其實佢都唔係其他人講咁差，起碼有follow up call先啦！不過佢地成日都話個蛋糕款式最後同心目中既蛋糕唔同，其實我覺得佢某d款式真係幾靚架！可能有D款未必同別人心目一樣啦！都係個句，各花入過眼啦！拎蛋糕方法:可自己去沙田攞或選擇加錢送貨，不過如果係星期日，地方遠個運費都幾貴，不過因為蛋糕唔貴，計落同其他蛋糕店差唔多。

而整餅人比較難訂一間，因為佢要三個月前打電話去訂，而且係要朝早準時八點鐘至九點鐘打去，個電話永遠係打唔通，因為好多人打去！有好多名人都係揾佢訂蛋糕。我個次訂到都係朋友住喺粉嶺附近，幫我晨早走去到訂，我仲記得個日係3號風球，諗起都有D唔好意思，訂到個下真係好開心！因為見到佢網上面嘅蛋糕真係簡直係鬼斧神工！都真係拎到蛋糕嘅時候真係好開心，因為佢整到我要求既款係好靚，而且見到佢擺喺蛋糕櫥窗裏邊嘅蛋糕全部都好靚好有藝術細胞！近排仲好似見佢上電視節目演野，佢整嘅蛋糕直頭係整乜似乜，好似見過有一次過整煎釀三寶樣既蛋糕，同埋整咗D燒烤爐嘅野食既蛋糕，完全係好靚好勁！不過老實講，我食過，同埋啲賓客食過佢哋嘅意見係個蛋糕有少少乾，而且味道都唔係想像中咁吸引，比較普通，不過講真攞嚟影相真係一流架！拎蛋糕方法:要自己入粉嶺拎

私人傳訊

suki1112

大宅

積分: 2892

3^#

發表於 13-4-14 15:48 |只看該作者

到餅之神啦都係相頭相當之好而且個味道亦都係唔錯既一間蛋糕店，蛋糕係主要整糖皮為主，相對地比較少唧cream蛋糕，但係都係比較受小朋友歡迎，因為佢無論係蛋糕的裝飾同埋味道甚是講緊係連蛋糕托個底都好靚！佢呢間既蛋糕係可以提供埋啲裝飾嘅公仔，因為有時我地唔知係邊度買嘅時候，呢間係比較方便，相對地價錢都係比較貴d,佢嘅味道包括有芒果慕士朱古力慕士或者生果嘅海綿蛋糕，味道都係唔錯！係bk就見得比較多媽鍾意訂呢間。拎蛋糕方法:係觀塘，可以選擇地鐵沿線送貨，方便。

太子餅店我自己就冇訂過係朋友訂嘅，佢既公主蛋糕好出名！味道都OK，價錢都比較貴！不過為獨個老闆娘態度聽朋友講就一般啦所以我喺度都唔多講啦！拎蛋糕方法:太子自取

網上拍賣蛋糕，試過幾次品質有好有唔好，有次要去到東涌攞，不過相頭同相片唔同，味道一般！亦都試個所謂酒店級師傅嘅蛋糕，最後
令人大失所望，所以都唔會post出來!名都無謂打

總括嚟講，選擇蛋糕真係好似乎對方既口味，我自己會諗下對方係咩人而去揀，當然蛋糕既味道，賣相既歡迎度，師傅既態度，衛生既程度都好緊要啦！希望幫到大家^_^