我做sales的,基本say hi , say bye , say thank you 必做!但唔明點解外國人/B6 會笑一笑點點頭或者say句hi,講句bye!
但某部份既香港人都會出現以下情況 :
1,佢地見你say hi ,對眼即刻向上擺〜眼角高到睇唔到!
2,明明識講「廣東話」,死都要講d完全有問題既英文,\" I don\'t need this!=> I No this!\"
3,其實不止B6, 香港人都中意好霸氣地掟錢!
4,明明張卡係老公,個老婆死都要代簽,我地唔比,結果比人用粗口問候媽媽!(持卡人簽名是常識吧〜!)
5,有無折?話明無仲要問「點解無折?」(難道名店會做折?)
6,明明著中碼,死都要試加細碼!自己著爆左仲要話我地既qty有問題!(每個月總有幾件貨要faulty!)
7,入黎歎冷氣無問題,但唔好以為自己入左波波池,口講「小朋友唔好搞!」但對手就同小朋友係咁摷!之後講句「唔好意思!」,我地仲可以接受理解,但有d客會講「d sales咁濃妝/樣衰,d衫唔方靚得去邊啦!」,真係比佢吹到啤一聲!
8,點解d衫/袋made in china或者其他地方,唔係French /England /Euro......?(其實好多名牌都無係當地生產已是常識,再者你手上用緊既iphone都係made in china!咁你又用?)
講完!