本帖最後由 bullbull1 於 13-7-10 23:11 編輯
kylok 發表於 13-7-10 20:33
恭喜樓主!選到有愛心工人。分享下姐姐背景(eg age, working exp),同你當時是點選中佢 ...
其實我今次係幸運,雖然佢主動性唔強,但我叫佢做嘅嘢佢會盡力做好。今日出街,佢完全係拖實阿女隻手,唔比佢周圍走,去到超市,佢又會睇到實一實,行女行去邊佢就行去邊,全部係自發性。我同佢傾偈,佢話好鍾意我兩個小朋友。其實我就係想請工人以我小朋友為主,相反做家務係次要。而家最大問題係佢唔多識煮飯,不過唔緊要,我可以慢慢教。反而我最擔心係當佢放假後會容易被朋友教壞,希望唔會啦。
今次哩個工人係oversea,佢有兩年馬來西亞華人家庭經驗,未婚,26歲。間agency我係由囡囡同學嘅媽咪介紹,佢先後介紹過十幾個媽咪請工人都話冇問題,咁我咪信佢囉。agent每個月都會過去菲律賓住一個星期同啲工人一齊住,再親自揀合格嘅工人,同埋個agent會問我好多好多資料,因為佢地要好清楚了解我嘅要求。就係咁佢揀咗3個fit到我要求嘅工人比我揀。再send咗不同嘅video比我睇,有唱歌,有做家務,佢地亦會寫下評語比我參考。我就係咁樣揀工人喇。
不過我諗都係要講彩數,我自己都請咗超過5個工人先請到個OK。
我是以前的會員bullbull(哈哈...即係開朝原老),不過事隔太耐已經唔記得個密碼喇,唯有再新account啦~~